Odisha Janamata : ଅଚାନକ ନେପାଳ ବନ୍ୟା ରେ 160 ମୃତ ଓ 750 ନିଖୋଜ, ଉଦ୍ଧାର କାର୍ଯ୍ୟ ଜାରି |

ଅଚାନକ ନେପାଳ ବନ୍ୟା ରେ 160 ମୃତ ଓ 750 ନିଖୋଜ, ଉଦ୍ଧାର କାର୍ଯ୍ୟ ଜାରି |

27-Aug-2026

ନେପାଳ ବନ୍ୟା; 160 ମୃତ, ୧୦୫ ଭାରତୀୟ ସହ 750ନିଖୋଜ |

ଓଡିଶା ଜନ ମତ ବ୍ୟୁରୋ,

ନେପାଳ ରେ ବର୍ଷା ଯୋଗୁଁ ହଠାତ୍ ମାଡି ଆସିଲା ବନ୍ୟ ଆଉ ଚାହୁଁ, ଚାହୁଁ ଆଖି ପିଛୁଳାକେ ଭାସି ଗଲେ ଜନସାଧାରଣ, ପଶୁ, ପକ୍ଷୀ, ଗାଡି, ଘୋଡା ଦୋକାନ ବଜାର ଜିନିଷ ପତ୍ର,ସାମାନ,ସସବୁକିଛି , ଆଉ ସବୁ କିଛି ଧୋଇଗଲା। କେହି କିଛି ବୁଝିବା ଆଗରୁ ପାଣି ସୁଅରେ ସବୁ କିଛି ଭାସିଗଲା। ନେପାଳରେ ବୁଧବାର ସକାଳ ପ୍ରାୟ ୯ଟା (ସ୍ଥାନୀୟ ସମୟ)ରେ, ରାସୁୱା ଜିଲ୍ଲାର ମୁଖ୍ୟ ବଜାର ଅଞ୍ଚଳ ବନ୍ୟାଜଳରେ ବୁଡ଼ି ଯାଇଥିଲା। ଏ ଯାଏଁ 160ଜଣଙ୍କ ମୃତଦେହ ୯ ସୁରକ୍ଷାକର୍ମୀଙ୍କ ସହ 750 ଜଣ ନିଖୋଜ ରହିଛନ୍ତି। ସେମାନଙ୍କ ମଧ୍ୟରେ ୧୦୫ ଭାରତୀୟ, ବିଦେଶୀ ଓ ଅନ୍ୟ ବାସିନ୍ଦା ଥିବା ପ୍ରାଥମିକ ସୂଚନା ମିଳିଛି।
ସୂଚନାନୁଯାୟୀ, ଉଦ୍ଧାର କାର୍ଯ୍ୟ ଦ୍ରୁତ ଗତିରେ ଚାଲିଛି। ବୁଧବାର ଅପରାହ୍ନ ସୁଦ୍ଧା ଅତି କମରେ ୨୫ ଜଣଙ୍କୁ ଉଦ୍ଧାର କରାଯାଇଛି। ପ୍ରଧାନମନ୍ତ୍ରୀ ବାଲେନ୍ଦ୍ର ଶାହ ମଧ୍ୟ ବନ୍ୟା ଏବଂ ସରକାରଙ୍କ ପ୍ରତିକ୍ରିୟା ବିଷୟରେ ଆଲୋଚନା କରିବା ପାଇଁ ଏକ ବୈଠକ ଡାକିଛନ୍ତି।
ନେପାଳ ପୁଲିସ, ସଶସ୍ତ୍ର ପୁଲିସ ବାହିନୀ ଏବଂ ନେପାଳୀ ସେନା ସମେତ ସୁରକ୍ଷା ବାହିନୀକୁ ବ୍ୟାପକ ଭାବରେ ନିୟୋଜିତ କରାଯାଇଛି ଏବଂ ସନ୍ଧାନ ଏବଂ ଉଦ୍ଧାର କାର୍ଯ୍ୟ ପାଇଁ ୧୪ଟି ହେଲିକପ୍ଟର ବ୍ୟବହାର କରାଯାଉଛି। ନେପାଳ-ଚୀନ୍ ସୀମା ନିକଟବର୍ତ୍ତୀ ତିମୁରେ ମୁତୟନ ସଶସ୍ତ୍ର ପୁଲିସ ବାହିନୀର ନଅ ଜଣ କର୍ମଚାରୀ ଏପର୍ଯ୍ୟନ୍ତ ନିଖୋଜ ଅଛନ୍ତି।
ରାସୁୱାର ମୁଖ୍ୟ ଜିଲ୍ଲା ଅଧିକାରୀ ନରେନ୍ଦ୍ର ପରିୟାର କହିଛନ୍ତି, “ରାସୁୱାରେ ଆସିଥିବା ବନ୍ୟା ସ୍ୟାପ୍ରୁବେସି ସମେତ ବଜାର ଅଞ୍ଚଳକୁ କ୍ଷତି ପହଞ୍ଚାଇଛି।” ପରିୟାର ଆହୁରି ମଧ୍ୟ କହିଛନ୍ତି, “ଏଠାରେ ବର୍ଷା ହୋଇନାହିଁ। ଏଠାରେ ଖରା ଅଛି। ବନ୍ୟା ହଠାତ୍ ଘଟିଥିଲା। ବନ୍ୟା ଆବାସିକ ଅଞ୍ଚଳକୁ ପ୍ରଭାବିତ କରିଥିବା ପରିଲକ୍ଷିତ ହୋଇଛି।”
ରସୁୱା ଜିଲ୍ଲା ପ୍ରଶାସନ କାର୍ଯ୍ୟାଳୟ ରସୁୱା, ନୂଆକୋଟ, ଧାଡିଙ୍ଗ, ଗୋରଖା ଏବଂ ଚିତୱାନ ଜିଲ୍ଲାର ନଦୀକୂଳ ଅଞ୍ଚଳରେ ରହୁଥିବା ଲୋକମାନଙ୍କୁ ସତର୍କ ରହିବା ଏବଂ ଆବଶ୍ୟକୀୟ ସତର୍କତା ଅବଲମ୍ବନ କରିବାକୁ ପରାମର୍ଶ ଦେଇଛି। ବନ୍ୟା ଜଳ ନିମ୍ନଗାମୀ ହେଉଥିବାରୁ ତ୍ରିଶୁଳି ନଦୀ କୂଳରେ ରହୁଥିବା ଲୋକମାନଙ୍କୁ ସୁରକ୍ଷିତ ଅଞ୍ଚଳକୁ ଯିବା ପାଇଁ ଅଧିକାରୀମାନେ ନିବେଦନ କରିଛନ୍ତି | ଓ ଉଦ୍ଧାର ଏବଂ ଥଇଥାନ କାର୍ଯ୍ୟ ମଧ୍ୟ ଯୁଦ୍ଧ କାଳୀନ ଭିତିରେ ଚାକିଛି ||