Odisha Janamata : ଲକ୍ଷ୍ମୀ ବସ ଦୁର୍ଘଟଣା 3ବର୍ଷ ର ପୁଅ ମୃତ,, ବାପା, ମାଆ ଗୁରୁତର |

ଲକ୍ଷ୍ମୀ ବସ ଦୁର୍ଘଟଣା 3ବର୍ଷ ର ପୁଅ ମୃତ,, ବାପା, ମାଆ ଗୁରୁତର |

15-May-2025

ଦଶାହ କାର୍ଯ୍ୟ କୁ ଯାଉଥିବା ବେଳେ ବରସାହି ରେ ଲକ୍ଷ୍ମୀବସ ଦୁର୍ଘଟଣାରେ ୩ ବର୍ଷ ର ପୁଅ ମୃତ, ବାପମା ଗୁରୁତ୍ୱର

ଓଡିଶା ଜନମତ,ଖୋର୍ଦ୍ଧା, ଗୋପାଳକୃଷ୍ଣ ପ୍ରଧାନ, ତା-15/05/25:

ଆଜି ଲକ୍ଷ୍ମୀବସ ଦୁର୍ଘଟଣାରେ ଅକାରଣ ରେ ଚାଲିଯାଇଛି ଶିଶୁ ପୁତ୍ର ର ଜୀବନ,ଗୋଟେ ବାପମା ଗୁରୁତ୍ୱର ଅବସ୍ଥାରେ ଭୁବନେଶ୍ୱର ଏମ୍ସ ରେ ଚିକିତ୍ସା ହେଉଛନ୍ତି।ସେପଟେ ସ୍ଥାନୀୟ ଅଞ୍ଚଳରେ ଶୋକ ର ଛାୟା ଖେଳିଯାଇଛି।ଏଭଳି ଘଟଣା ଘଟିଛି ଖୋର୍ଦ୍ଧା ବ୍ଲକ ଅଧିନ ବରସାହି ରେ ।ଆଜି ଅପରାହ୍ନ ସମୟରେ ବରସାହି ଗ୍ରାମର ଶରତ ବାରିକ ଙ୍କ ଏକ ମାତ୍ର ରୋଜଗାରିଆ ପୁଅ ଅଶୋକ ବାରିକ(୩୨)ବୋହୁ-ପିଙ୍କି ବାରିକ(୨୭)ଓ ନାତି ଅନମୋଲ ବାରିକ(୩)ନିଜ ଘରୁ ୩ ଟା ୫୦ ରେ ନିଜ ବନ୍ଧୁ ଘର ଗଂପୁର କୁ ଏକ ମୋଟର ସାଇକେଲ ରେ ଦଶାହ କାର୍ଯ୍ୟ କୁ ବାହାରିଥିବା ବେଳେ ମାତ୍ର ୧୦ ମିନିଟ ଯିବା ପରେ ଘର ଠାରୁ କିଛି ଦୂର ଯାଉଥିବା ବେଳେ ଠିକ ଏହି ସମୟରେ କେରଙ୍ଗ ରୁ ବରସାହି ଦେଇ ପୁବୁସାହି ଯାତ୍ରୀ ନେଇ ଯାଉଥିବା ଲକ୍ଷ୍ମୀ ବସ ଟି ସମ୍ମୁଖ ପଟୁ ପିଟିଥିଲା।ଫଳରେ ଘଟଣା ସ୍ଥଳରେ ଶିଶୁ ପୁତ୍ର ଅନମୋଲ ର ଜୀବନ ଚାଲି ଯାଇଥିବା ବେଳେ ବାପମା ଗୁରୁତ୍ୱର ହୋଇ ରାସ୍ତା କଡ଼ ରେ ପଡ଼ିଥିଲେ।ସଂଗେ ସଂଗେ ସ୍ଥାନୀୟ ଲୋକ ଖୋର୍ଦ୍ଧା ପୋଲିସ ଙ୍କୁ ସୂଚନା ଦେଇ ଗୁରୁତ୍ୱର ଙ୍କୁ ଖୋର୍ଦ୍ଧା ମେଡିକାଲ ଓ ପରେ ଭୁବନେଶ୍ୱର ଏମ୍ସ କୁ ସ୍ଥାନାତରିତ କରିଛନ୍ତି।ବର୍ତ୍ତମାନ ସୁଦ୍ଧା ସେମାନଙ୍କ ଅବସ୍ଥା ସଙ୍କଟାପନ୍ନ ରହିଛି।ସେପଟେ ଲକ୍ଷ୍ମୀବସ ର ଡ୍ରାଇଭର ଏଭଳି ବେପରୁଆ ଗାଡି ଚାଳନା କୁ ସ୍ଥାନୀୟ ଲୋକ ବିରୋଧ କରିଛନ୍ତି।ବିଶେଷ କରି ଡ୍ରାଇଭର ଅନେକ ସମୟରେ ମଦ୍ୟପାନ କରି ଗାଡି ବେପରୁଆ ଭାବେ ଗାଡି ଚଳାଉଛି, ଯେହେତୁ ଗାଁ ଗହଳିର ଛୋଟ ଅଣଓସରିଆ ରାସ୍ତା ସେଥିପାଇଁ ଗାଡି ଧୀରେ ନ ଚଲାଇ ସ୍ପୀଡ଼ ଚଳାଇବା ଫଳରେ ଏଭଳି ଏକ ଦୁଃଖଦ ଘଟଣା ଘଟିଥିବା ସ୍ଥାନୀୟ ସରପଞ୍ଚ ଶରତ ବେହେରା ସୂଚନା ଦେଇଛନ୍ତି।ତେବେ ଗୁରୁତ୍ୱର ବାପମା ଓ ଶିଶୁ ପୁତ୍ର ର ମୃତ୍ୟୁ କୁ ନେଇ ନିଜ ବନ୍ଧୁ ବାନ୍ଧବ,ପରିବାର ଦୁଃଖରେ ଭାଙ୍ଗି ପଡିଛନ୍ତି।ତେବେ ଏହି ପରିବାର କୁ ଆର୍ଥିକ ସହାୟତା ଯୋଗାଇବାକୁ ସ୍ଥାନୀୟ ସରପଞ୍ଚ ଓ ଗ୍ରାମବାସୀ ଦାବି କରିଛନ୍ତି।ସେପଟେ ଘଟଣା ସ୍ଥଳରୁ ଡ୍ରାଇଭର ଫେରାର ହୋଇଥିବା ବେଳେ ଖୋର୍ଦ୍ଧା ପୋଲିସ ତଦନ୍ତ ଚଳାଇଛି।