Odisha Janamata : ଛତ୍ରପୁର ଠାରୁ ପୁରୁଷୋତ୍ତମପୁର ମଧ୍ୟରେ ବସ ଯାତାୟତ ରେ ଡ୍ରାଇଭର ଙ୍କ ମନ ମାନି ଯୋଗୁଁ ଯାତ୍ରୀ ହନ୍ତସନ୍ତ |

ଛତ୍ରପୁର ଠାରୁ ପୁରୁଷୋତ୍ତମପୁର ମଧ୍ୟରେ ବସ ଯାତାୟତ ରେ ଡ୍ରାଇଭର ଙ୍କ ମନ ମାନି ଯୋଗୁଁ ଯାତ୍ରୀ ହନ୍ତସନ୍ତ |

10-May-2025

ବସ୍ ଚଳାଚଳ ରେ ଡ୍ରାଇଭର ଙ୍କ ମନମାନି ଯୋଗୁଁ ଯାତ୍ରୀ ହନ୍ତସନ୍ତ,

ଓଡିଶା ଜନମତ, ଗଞ୍ଜାମ ବଟ କୃଷ୍ଣ ରାଉଳ, ତା -10/05/25:
ଜିଲ୍ଲା ସଦର ମହକୁମା ଛତ୍ରପୁର ଠାରୁ ପୁରୁଷୋତ୍ତମ ପୁର ରାସ୍ତାରେ ଯାତ୍ରୀବାହୀ ବସ୍ ର ଡ୍ରାଇଭର ଙ୍କ ମନମାନି ଯୋଗୁଁ ଅନେକ ସମୟରେ ଅପେକ୍ଷା ରତ ଯାତ୍ରୀ ଅସୁବିଧା ରେ ସମ୍ମୁଖୀନ ହେବାକୁ ପଡୁଛି। ବିଭିନ୍ନ ସରକାରୀ କାର୍ଯ୍ୟ ହେଉ କିମ୍ବା ବ୍ୟକ୍ତିଗତ କାର୍ଯ୍ୟ ରେ ଯାଇଥିବା ଯାତ୍ରୀ ଗାଡ଼ିକୁ ଅପେକ୍ଷା କରି ନିର୍ଦ୍ଧାରିତ ଗାଡ଼ିରେ ବସିଲା ବେଳକୁ ଗାଡ଼ି ନିର୍ଦ୍ଧାରିତ ସ୍ଥଳକୁ ନଯାଇ ଅଧା ରାସ୍ତାରେ ଯାତ୍ରୀ ଙ୍କୁ ଛାଡ଼ିଦେବା ଅନେକ ସମୟରେ ଦେଖା ଦେଇଛି | । ଫଳରେ ଏହି ଗ୍ରୀଷ୍ମ କାଳରେ ପ୍ରଚଣ୍ଡ ରୌଦ୍ର ତାପ ରେ ଯାତ୍ରୀ ମାନେ ବହୁ ଅସୁବିଧା ର ସମ୍ମୁଖୀନ ହୁଅନ୍ତି।
ଛାତ୍ର, ଛାତ୍ରୀ ମାନେ ବିଦ୍ୟାଳୟ, ମହାବିଦ୍ୟାଳୟ ଓ ରୋଗି ଛତ୍ରପୁର ଉପଖଣ୍ଡ ଚିକିତ୍ସାଳୟ ଯିବା ଆସିବା କ୍ଷେତ୍ରରେ ସମସ୍ୟା ସୃଷ୍ଟି ହେଉଥିବା ଦେଖିବାକୁ ମିଳୁଛି| ଛତ୍ରପୁରରେ ପୁରୁଷୋତ୍ତମପୁର କୁ ଆସୁଥିବା କିଛି ବସ ପାଇଁ କିଛି ସୂଚନା ଫଳକ ନଥିବା ବେଳେ ବସ କର୍ମଚାରୀ ଙ୍କ ନିଷ୍ପତି ହିଁ ନିର୍ଦ୍ଧାରିତ ସମୟ ବୋଲି ଧରାଯାଏ l ଛତ୍ରପୁର ରୁ ପୁରୁଷୋତ୍ତମ ପୁର ମଧ୍ୟରେ ଡାଇରେକ୍ଟ କୌଣସି ସରକାରୀ ବସ୍ ଚଳାଚଳ ନହେବା ଫଳରେ ବେସରକାରୀ ବସ୍ ଙ୍କ ଏଭଳି ମନମାନି ଦେଖିବାକୁ ମିଳୁଛି। ଏଥି ପାଇଁ ମାନ୍ୟବର ପରିବହନ ମନ୍ତ୍ରୀ, ସଚିବ, ଓ ସ୍ଥାନୀୟ ବିଧାୟକ ସରକାରୀ ବସ ପକେଇଭଥାନ୍ତେ ତେବେ ଅଞ୍ଚଳ ବାସୀ ବହୁତ ଉପକୃତ ହୋଇଥାନ୍ତେ | ତେଣୁ ଏହି ରାସ୍ତାରେ ସରକାରୀ ବସ୍ ଚଳାଚଳ ପାଇଁ ବ୍ୟବସ୍ଥା କରିବା ସହ ବେସରକାରୀ ବସ୍ ଚଳାଚଳ ରେ ନିର୍ଦ୍ଧିଷ୍ଟ ନିୟମ କରି ସେହି ନିୟମ କୁ ବେସରକାରୀ ବସ ଡ୍ରାଇଭର ଓ ମାଲିକ ମାନେ ମାନିବାକୁ ନିୟମ ପ୍ରସ୍ତୁତ କରିବା ପାଇଁ ସାଧାରଣ ରେ ଚର୍ଚ୍ଚା ହେଉଛି। ଏହା ଉପରେ ବସ ସଙ୍ଘ ସଭାପତି ଙ୍କ ସହ ଏହା ଉପରେ କଥା ବାର୍ତ୍ତା କରିବା ପାଇଁ ଚେଷ୍ଟା କରିଥିଲେ ମଧ୍ୟ କୌଣସି କାରଣ ଯୋଗୁଁ ତାହା ସମ୍ଭବ ହୋଇ ପାରିଲା ନାହିଁ | ଏବଂ ପରିବହନ ଅଧିକାରୀଅଫିସ ତିନିଦିନ ଚୁଟି ଥିବାରୁ ମଧ୍ୟ ଯୋଗାଯୋଗ ହୋଇ ପାରିନାହିଁ |