Odisha Janamata : ପ୍ରୟାଗ ରାଜ ମହାକୁମ୍ଭ ମେଳାରେ ଏକତ୍ର ହେବେ 45 କୋଟିରୁ ଅଧିକ ଶ୍ରଦ୍ଧାଳୁ |

ପ୍ରୟାଗ ରାଜ ମହାକୁମ୍ଭ ମେଳାରେ ଏକତ୍ର ହେବେ 45 କୋଟିରୁ ଅଧିକ ଶ୍ରଦ୍ଧାଳୁ |

12-Jan-2025

ପ୍ରୟାଗରାଜ ମହାକୁମ୍ଭମେଳାରେ
ଏକତ୍ର ହେବେ ୪୫ କୋଟିରୁ ଅଧୂକ ଭକ୍ତ,

ଓଡିଶା ଜନମତ ବ୍ୟୁରୋ,

ଉତ୍ତର ପ୍ରଦେଶର ମହାକୁମ୍ଭ ନଗରରେ ଜାନୁଆରି ୧୩ ତାରିଖରୁ ଆରମ୍ଭ ହେବାକୁ ଥିବା ମହାକୁମ୍ଭ ମେଳା ପାଇଁ ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି। ସଙ୍ଗମ ଅଞ୍ଚଳର ଦୀର୍ଘ ବାର କିଲୋମିଟର ଥୂବା ନଦୀ ଦୀ କୂଳ ଅଞ୍ଚଳରେ ସ୍ନାନ ବିଧୂପାଇଁବ୍ୟବସ୍ଥାକରାଯାଇଛି। ଉତ୍ତରପ୍ରଦେଶ ମୁଖ୍ୟ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥ ଗୁରୁବାର ସନ୍ଧ୍ୟାରେ ପ୍ରୟାଗରାଜରେ ହେବାକୁ ଥ‌ିବା ଭବ୍ୟକାର୍ଯ୍ୟ ପାଇଁ ଚୂଡ଼ାନ୍ତ ପ୍ରସ୍ତୁତିର ସମୀକ୍ଷ କରିଛନ୍ତି। ପ୍ରୟାଗରାଜର ଗଙ୍ଗା, ଯମୁନା ଓ ସରସ୍ୱତୀ ନଦୀର ସଙ୍ଗମସ୍ଥଳରେ ଚଳିତ ମାସ ୧୩ ତାରିଖରୁଫେବ୍ରୁଆରି ୨୬ ତାରିଖ ପର୍ଯ୍ୟନ୍ତ ମହାକୁମ୍ଭ ମେଳା ଅନୁଷ୍ଠିତ ହେବ। ଏହି ମେଳାରେ ଦେଶ ବିଦେଶରୁ ଶ୍ରଦ୍ଧାଳୁଙ୍କ ପ୍ରବଳ ସମାଗମ ହେବ ବୋଲି ଆଶା କରା ଯାଉଛି।
ଜାନୁଆରୀ ୧୩ରୁ ଆରମ୍ଭ ହେବାକୁ ଥିବା ସନାତନ ସଂସ୍କୃତି ମହାକୁମ୍ଭର ସବୁଠାରୁ ବଡ଼ ଉତ୍ସବରେ ୪୫ କୋଟିରୁ ଅଧିକ ଶ୍ରଦ୍ଧାଳୁ ଆସିବେ ବୋଲି ଆଶା କରାଯାଉଛି। ଶ୍ରଦ୍ଧାଳୁଙ୍କୁ ଉତ୍ତମ ଆଧ୍ୟାତ୍ମିକ ଅନୁଭୂତି ଦେବା ପାଇଁ ସମସ୍ତ ପ୍ରସ୍ତୁତି ଶେଷ ହୋଇଛି । ମହାକୁମ୍ଭକୁ ଆସୁଥିବା ଶ୍ରଦ୍ଧାଳୁଙ୍କ ପାଇଁ ସଙ୍ଗମ ଅଞ୍ଚଳର ପ୍ରମୁଖ ଘାଟଗୁଡ଼ିକର ପୁନଃବିକାଶ କରାଯାଇଛି। ମେଳା ଅଧି କାରୀ ଅଭିନବ ପାଠକ କହିଛନ୍ତି ଯେ ଗଙ୍ଗା ଏବଂ ଯମୁନା ନଦୀ କୂଳରେ ୭ଟି କଂକ୍ରିଟ ଘାଟ ନିର୍ମାଣ କରା ଯାଇଛି।
ସେଗୁଡ଼ିକ ହେଲା ଗଙ୍ଗା ନଦୀର ଦଶାଶ୍ୱମେଧ ଘାଟ, କାଳୀ ଘାଟ, ଛଟନାଗ ଘାଟ ଏବଂ ଯମୁନା ନଦୀର କିଲା ଘାଟ, ସରସ୍ଵତୀ ଘାଟ, ମୋରି ଘାଟ ଓ ମାହେବ ଘାଟ। ସବୁ ଘାଟରେ ପୋଷାକ ପରିବର୍ତନ ପାଇଁ କୋଠରୀ ମଧ୍ଯ ନିର୍ମାଣ କରାଯାଇଛି। ଲୋକମାନେ ଯେପରି ସହଜରେ ଘାଟ ଚିହ୍ନିପାରିବେ ସେଥ‌ିପାଇଁ ପ୍ରତି ଘାଟରେ ଡମରୁ, ତ୍ରିଶୂଳ ଭଳି ଭିନ୍ନ ଭିନ୍ନ ଚିହ୍ନ ଲଗାଯାଇଛି। ଏହାବ୍ୟତୀତ ଲୋକଙ୍କ ସୁରକ୍ଷା ପାଇଁ ୱାଚ୍ ଟାୱାର ଲଗାଯାଇଛି। ସୁରକ୍ଷିତ ସ୍ନାନ ପାଇଁ ପାଣିରେ ବ୍ୟାରିକେଡ ସହ ପାଣି ପୁଲିସ ମଧ୍ଯ ମୁତୟନ ହେବେ।