Odisha Janamata : ଋଷିକୁଲ୍ୟା ନଦୀ ଗଣ୍ଡ ରେ ବୁଡି ଯୁବକଙ୍କ ମୃତ୍ୟୁ ||ତଦନ୍ତ ଦାବି |

ଋଷିକୁଲ୍ୟା ନଦୀ ଗଣ୍ଡ ରେ ବୁଡି ଯୁବକଙ୍କ ମୃତ୍ୟୁ ||ତଦନ୍ତ ଦାବି |

04-Sep-2026

ଋଷିକୁଲ୍ୟା ନଦୀଗଣ୍ଡରେ ବୁଡ଼ି ଯୁବକ ମୃତ୍ୟୁ ଘଟଣା ର ଉଚ୍ଚସ୍ତରୀୟ ତଦନ୍ତ ଦାବୀ ।
ଓଡିଶା ଜନମତ , ଛତ୍ରପୁର, ତା.୪ / ୯,

କେ.ସତ୍ୟନାରାୟଣ ରେଡ୍ଡୀ,

ହିଞ୍ଜିଳିକାଟୁ ତହସିଲ ଅନ୍ତର୍ଗତ ଶିକିରି ଗ୍ରାମରେ ଋଷିକୁଲ୍ୟା ନଦୀ କୂଳରେ ଗଭୀର ବାଲି ଗର୍ତ୍ତରେ
ବାଲି ଅତଡ଼ା ଖସି ପଡିବାରୁ ଜଣେ ଯୁବକର ପ୍ରାଣ ହାନି ଘଟିଛି ବୋଲି ଗଞ୍ଜାମ ଜିଲ୍ଲା ପ୍ରଶାସନ ଠାରେ ଅଭିଯୋଗ ହୋଇଛି ।
ହିଞ୍ଜିଳିକାଟୁ ତହସିଲ ଅନ୍ତର୍ଗତ ଶିକିରି ଗ୍ରାମରେ ଋଷିକୁଲ୍ୟା ନଦୀ କୂଳରେ ବାଲି ଦୁର୍ନୀତି, ବାଲି ଚୋରା ଚାଲାଣ ହେଉଥିବା ବହୁ ବାର ଅଭିଯୋଗ ହୋଇଆସୁଥିବା ବେଳେ ୨୦ ରୁ ୨୫ ଫୁଟ ମଧ୍ୟରେ ଗର୍ତ୍ତ
ଖୋଳି ମାଫିଆ ଜଣକଙ୍କ ବିରୁଦ୍ଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାନଯିବା ଏକ ଅତ୍ୟନ୍ତ ପରିତାପର ବିଷୟ ହୋଇଛି ।
ଶିକିରି ଗ୍ରାମ ଅଞ୍ଚଳରେ ଥିବା ଋଷିକୁଲ୍ୟା ନଦୀ କୂଳ ବାଲି ଖୋଳି ଖୋଳି ସମୃଦ୍ଧ ଅଞ୍ଚଳ ପରିସରରେ ବିପଦ ସଙ୍କୁଳ ଅବସ୍ଥାରେ ରହିଛି ।
ବେଆଇନ୍ ଭାବେ ବାଲି ଉଠାଉଥିବା ମାଫିଆ ବାଲିଘାଟର ଗୁତାଦାର କୀରଣ କୁମାର ପଣ୍ତା ବୋଲି ଅଭିଯୋଗ ହୋଇଛି । ତାଙ୍କ ସହ ଖଣି ବିଭାଗ ସହିତ ହୋଇଥିବା ଚୁକ୍ତି ଧାର୍ଯ୍ୟ ଅଞ୍ଚଳ, ସି.ଏମ୍. ଓ ଗଭୀରତାକୁ ନମାନି ଆବଶ୍ୟକରୁ ଅତ୍ୟଧିକ ବାଲି ଉତ୍ତୋଳନ କରିବା
ଆଇନ୍ ସଙ୍ଗତ ନୁହେଁ ବୋଲି ଆଇନଜୀବି ରଜନୀକାନ୍ତ ପାଢ଼ୀ ଗଞ୍ଜାମ ଜିଲ୍ଲାପାଳ ଙ୍କ କାର୍ଯ୍ୟାଳୟରେ ଲିଖିତ ଅଭିଯୋଗ କରିଛନ୍ତି ।
ଏକ୍ଷେତ୍ରରେ ସ୍ଥାନୀୟ ପ୍ରଶାସନ ଅବା ତହସିଲ କର୍ତ୍ତୃପକ୍ଷ ଏବଂ ଖଣି ଵିଭାଗ ର ଧ୍ୟାନ ନ ଦେବା ଫଳରେ ଜଣେ ଯୁବକ ଋଷିକୁଲ୍ୟା ନଦୀ ବାଲି ଗର୍ତ୍ତ ରେ ଅତଡ଼ା ଖସି ପଡିବାରୁ ଜଣେ ଯୁବକ ମୃତ୍ୟୁ ଘଟିଛି ।
ଘଟଣାରୁ ପ୍ରକାଶ ଯେ` ଗତ ଅଗଷ୍ଟ ୩୦ ତାରିଖରେ ବ୍ରହ୍ମପୁର ବାସିନ୍ଦା ବିକ୍ରମ କୁମାର ପଣ୍ଡା (୨୬) ନାମକ ଜଣେ ଯୁବକ ପାଣି ଗଣ୍ଡରେ ବୁଡ଼ି ନଦୀ ବାଲି ଗର୍ତ୍ତ ରେ ବାଲି ଅତଡ଼ା ଖସି ପ୍ରାଣ ହରାଇଛନ୍ତି ବୋଲି ଗଞ୍ଜାମ ଜିଲ୍ଲାପାଳ ଙ୍କ ଠାରେ ଅଭିଯୋଗ ହୋଇଛି ।
ମୃତକଙ୍କ ପରିବାରକୁ ଉପଯୁକ୍ତ କ୍ଷତିପୂରଣ ଦେବା ସାଂଗକୁ ବେଆଇନ୍ ଭାବେ ବାଲି ଉଠାଉଥିବା ମାଫିଆ ଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଶ୍ରୀ ପାଢ଼ୀ ଦାବୀ କରିଛନ୍ତି । ଏପରିକି ତାଙ୍କ ପରିବାର ସମୂହ ମଧ୍ୟ ଗୁରୁବାର ଗଞ୍ଜାମ ଜିଲ୍ଲାପାଳ ଙ୍କ କାର୍ଯ୍ୟାଳୟ କୁ ଆସି ଏହି ଅନୁରୂପ ଦାବୀ ଓ ଗୁହାରୀ କରିଛନ୍ତି ।
ଜରୁରୀ କାଳୀନ ଭାବେ ଆଇନଜୀବି ରଜନୀକାନ୍ତ ପାଢ଼ୀ ନିଜସ୍ୱ ହାତ ରୁ ମୃତକଙ୍କ ପରିବାରକୁ ୫୦ହଜାର ଟଙ୍କା ପ୍ରଦାନ କରିଛନ୍ତି ବୋଲି ଜଣାପଡ଼ିଛି ।।