Breaking
News
Breaking
News
Breaking
News
27-Aug-2026
ରାଜ୍ୟର ଶ୍ରେଷ୍ଠ ମାନ୍ୟତା ମିଳିଲ ଆଠଗଡ ଏନଏସି କୁ, ୧ କୋଟି ଟଙ୍କାର ପୁରସ୍କାର ରାଶି ସହ ଅଧ୍ୟକ୍ଷା ସସ୍ମିତା ରାଉତ ହେବେ ସମ୍ମାନିତ |
ଓଡିଶା ଜନ ମତ ବ୍ୟୁରୋ ,
ନାରୀ ଯେ କୌଣସି କ୍ଷେତ୍ରରେ ଏବେ ଆଉ ଅବଳା କିମ୍ବା ଦୁର୍ବଳା ନୁହେଁ |କେନ୍ଦ୍ର ଓ ରାଜ୍ୟ ସରକାର ଙ୍କ ମହିଳା ମାନଙ୍କୁ ସବୁ କ୍ଷେତ୍ର ରେ ଅଗ୍ରାଧିକାର,ଡେଇ ଆଗକୁ ବଢା଼ଉ ଛନ୍ତି || ସେଥିପାଇଁ ସେମାନେ ସବୁ କାର୍ଯ୍ୟ ରେ ସଫଳତା ପାଉଛନ୍ତି ଏବଂ ପୁରୁଷ ଙ୍କ ଠାରୁ ଶୀର୍ଷ ରେ ରହୁଛନ୍ତି | ସେଥିରୁ ବାଦ ପଡିନି ରାଜନୈତିକ କ୍ଷେତ୍ର | ଜଣେ ମହିଳା ଏନଏସି ଅଧକ୍ଷା ସ୍ୱାୟତ ଶାସନ ପୂର୍ବରୁ ରାଜ୍ୟର ସର୍ବଶ୍ରେଷ୍ଟ ଏନଏସି ଭାବେ ସେ ପୁରସ୍କୃତ ହେବାକୁ ଯାଉଛନ୍ତି ||ସେ ହେଉଛନ୍ତି ଆ ଠଗଡ଼ ବିଜ୍ଞାପିତ ଅଞ୍ଚଳ ପରିଷଦ ପାଇଁ ଆସିଛି ଏକ ବଡ଼ ସଫଳତା। ଜନସେବା ଏବଂ ସହରର ସର୍ବାଙ୍ଗୀନ ବିକାଶ କ୍ଷେତ୍ରରେ ଉଲ୍ଲେଖନୀୟ ଯୋଗଦାନ ପାଇଁ ଆଠଗଡ଼ ବିଜ୍ଞାପିତ ଅଞ୍ଚଳ ପରିଷଦ ରାଜ୍ୟର ଅନ୍ୟତମ ଶ୍ରେଷ୍ଠ ପୌର ପରିଷଦ ଭାବେ ବିବେଚିତ ହୋଇଛି। ଏହି ବିଶେଷ ସଫଳତା ପାଇଁ ଆସନ୍ତା ଅଗଷ୍ଟ ୩୧ ତାରିଖରେ ଭୁବନେଶ୍ୱରସ୍ଥିତ କୃଷି ଭବନଠାରେ ଅନୁଷ୍ଠିତ ହେବାକୁ ଥିବା ସ୍ୱତନ୍ତ୍ର କାର୍ଯ୍ୟକ୍ରମରେ `ଡବଲ ଇଞ୍ଜିନ` ସରକାରଙ୍କ ତରଫରୁ ପୌର ପରିଷଦକୁ ୧ କୋଟି ଟଙ୍କାର ପୁରସ୍କାର ରାଶି ପ୍ରଦାନ କରାଯିବ।ପୌର ଅଧ୍ୟକ୍ଷା ଶ୍ରୀମତୀ ସସ୍ମିତା ରାଉତଙ୍କ ନିରନ୍ତର ପ୍ରଚେଷ୍ଟା,ବିଧାୟକ ରଣେନ୍ଦ୍ର ପ୍ରତାପ ସ୍ୱାଇଁଙ୍କ ନିର୍ଦ୍ଦେଶକୁ ଆଖି ଆଗରେ ରଖି ଲୋକାଭିମୁଖୀ କାର୍ଯ୍ୟ ଏବଂ ସହରକୁ ସୁନ୍ଦର ଓ ସ୍ୱଚ୍ଛ କରିବା ପାଇଁ ତାଙ୍କର ଉତ୍ସର୍ଗୀକୃତ ସେବା ଯୋଗୁଁ ଆଜି ଆଠଗଡ଼ ଏହି ଗୌରବ ହାସଲ କରିପାରିଛି। ବିଭିନ୍ନ ବର୍ଗରେ ଉଲ୍ଲେଖନୀୟ ସଫଳତା ପ୍ରଦର୍ଶନ କରିଥିବାରୁ ପୌର ପରିଷଦକୁ ଏହି ପୁରସ୍କାର ମିଳିବାକୁ ଯାଉଛି।ଏହି ସଫଳତା ପରେ ଅଧ୍ୟକ୍ଷା ଶ୍ରୀମତୀ ସସ୍ମିତା ରାଉତଙ୍କୁ ବିଭିନ୍ନ ମହଲରୁ ହାର୍ଦ୍ଦିକ ଅଭିନନ୍ଦନ ଓ ଶୁଭେଚ୍ଛାର ସ୍ରୋତ ଛୁଟିଛି। ଏହି ଗୌରବମୟ ସଫଳତାର ସମସ୍ତ ଶ୍ରେୟ ଶ୍ରୀମତୀ ରାଉତ ଆଠଗଡ଼ର ଆବାଳ ବୃଦ୍ଧବନିତା ଓ ଜନସାଧାରଣଙ୍କୁ ଉତ୍ସର୍ଗ କରିଛନ୍ତି। ସର୍ବୋପରି ତାଙ୍କ ପରିଷଦର କାଉନସିଲର ବନ୍ଧୁ ଆଉ ଯେଉଁମାନେ ବି ପ୍ରଶାସନିକ କ୍ଷେତ୍ରରେ ସାହାଯ୍ୟ କରିଛନ୍ତି ,ସାଧାରଣ ଲୋକଙ୍କ ସହଯୋଗ ଓ ବିଶ୍ୱାସ ଯୋଗୁଁ ହିଁ ଏହା ସମ୍ଭବ ହୋଇପାରିଛି ବୋଲି ସେ ପ୍ରକାଶ କରିଛନ୍ତି।
Copyright @ 2024 All rights reserved. ଓଡିଶା ଜନମତ
BACK TO TOP