Odisha Janamata : ଗଞ୍ଜେଇ ଚୋରା ଚାଲାଣ ବେଳେ ଗିରଫ କଲା ପୋଲିସ |

ଗଞ୍ଜେଇ ଚୋରା ଚାଲାଣ ବେଳେ ଗିରଫ କଲା ପୋଲିସ |

11-Aug-2026

ଏକ ବାଇକ ଓ ମୋବାଇଲ ସହ 44କିଲୋ ଗଞ୍ଜେଇ ଜବତ,ଓ ଅଭିଯୁକ୍ତ ଗିରଫ |

ଓଡିଶା ଜନ ମତ ବ୍ୟୁରୋ,

କମ ଅର୍ଥରେ ଅଧିକ ଉପାର୍ଜନ ପାଇଁ ଅଧିକାଂଶ ବ୍ୟକ୍ତି ଓ ଯୁବଗୋଷ୍ଟି ଅପରାଧିକ କାର୍ଯ୍ୟକଳାପ ରେ ସାମିଲ ହୋଇ ଧରାପଡି ପୋଲିସ ଦ୍ୱାରା ଗିରଫ ହୋଇ ଥିବାର ନଜିର ଅନେକ ରହିଛି!| ସେହିପରି ଜଣେ ବ୍ୟକ୍ତି ଗଞ୍ଜେଇ ବିକୁଥିଲା ବେଳେ ତାକୁ ଗିରଫ କରି କୋର୍ଟ ଚାଲାଣ କରିଛି ଓର୍କେଲ ପୋଲିସ| ଘଟଣାଟି ଘଟିଛି ମାଲକାନଗିରି ଜିଲ୍ଲା ଓର୍କେଲ ପୋଲିସକୁ ମିଳିଛି ଆଉ ଏକ ସଫଳତା। ବାଇକରେ ଜଣେ ବ୍ୟକ୍ତି ବେଆଇନ ଭାବେ ଗଞ୍ଜେଇ ଚୋରା ଚାଲାଣ କରିବା ସମୟରେ ଓର୍କେଲ ପୋଲିସ ହାତରେ ଧରା ପଡିଛି। ତେବେ ଏହି ଘଟଣାରେ ଗିରଫ ହୋଇଥିବା ଅଭିଯୁକ୍ତ ଜଣକ ହେଉଛନ୍ତି ମାଲକାନଗିରି ଜିଲ୍ଲା କାଲିମେଳା ଥାନା ଅନ୍ତର୍ଗତ ଏମପିଭି-୧୫ ନମ୍ବର ଗ୍ରାମରେ ରହୁଥିବା କୁମ୍ବରେଶ ବାଲାଙ୍କ ପୁଅ ଆଶୁତୋଷ ବାଲା -(୩୨) ବୋଲି ଜଣା ପଡିଛି। ତାଙ୍କ ନିକଟରୁ ୪୪ କିଲୋ ଗଞ୍ଜେଇ ସହ ଗୋଟିଏ ବାଇକ, ମୋବାଇଲ ଏବଂ ନଗଦ ଏକ ହଜାର ୩୦ଟଙ୍କା ଜବତ କରାଯାଇଛି। ତେବେ ଏ ନେଇ ପୋଲିସ ପକ୍ଷରୁ ମିଳିଥିବା ସୂଚନା ମୁତାବକ, ଥାନା ଅଧିକାରୀ ରିଗାନ କିଣ୍ଡୋଙ୍କ ନିର୍ଦ୍ଧେଶ କ୍ରମେ ଏସଆଇ ଧନୁର୍ଯୟ ଖିଲଙ୍କ ନେତୃତ୍ୱରେ ହାବିଲଦାର ଶଙ୍କର ଦାସ, ବିଦେଶୀ ଦାସ, ରାମକୃଷ୍ଣ ମହାରଣା, ରାଜୁ ବାବୁ ଦୋରାଙ୍କୁ ନେଇ ପୋଲିସର ଏକ ସ୍ୱତନ୍ତ୍ର ଟିମ ବାଲିମେଳା - ଗୋମ୍ଫାକୋଣ୍ଡା ମୁଖ୍ୟ କେନାଲ ରାସ୍ତାର ଏମଭି -୧୨୦ଗ୍ରାମ ନିକଟରେ ପେଟ୍ରୋଲିଙ୍ଗ କରୁଥିବା ବେଳେ ଉକ୍ତ ରାସ୍ତାରେ ଜଣେ ବ୍ୟକ୍ତି ବାଇକରେ ଦୁଇଟି ଜରି ବସ୍ତାରେ କିଛି ସାମଗ୍ରୀ ନେଇ ଦ୍ରୁତ ଗତିରେ ଯାଉଥିବା ଦେଖି ସନ୍ଦେହ ହେବାରୁ ପୋଲିସ ଉକ୍ତ ବାଇକକୁ ଅଟକାଇ ଯାଞ୍ଚ କରିଥିଲେ। ଉକ୍ତ ବାଇକରେ ଥିବା ଜରି ବସ୍ତା ମଧ୍ୟରେ ଗଞ୍ଜେଇ ଥିବା ଦେଖିବାକୁ ପାଇଥିଲେ। ପୋଲିସ ଘଟଣା ସ୍ଥଳରୁ ବାଇକ ସହ ଗଞ୍ଜେଇକୁ ଜବତ କରିବା ସହିତ ଘଟଣାରେ ସମ୍ପୃକ୍ତ ଥିବା ଆଶୁତୋଷ ନାମକ ବ୍ୟକ୍ତିକୁ ଗିରଫ କରି ଥାନାକୁ ଆଣିଥିଲେ। ଏନେଇ ପୋଲିସ ପକ୍ଷରୁ ଥାନାରେ କେସ ନମ୍ବର -୨୩୫/୨୦୨୬ ରେ ଦଫା ୨୦(ବି )(ii)(ସି )/୨୫/୨୯ ଏନଡିପିଏସ ଧାରାରେ ଏକ ମାମଲା ରୁଜୁ କରାଯାଇଛି। ମାଜିଷ୍ଟ୍ରେଟ ଭାବେ ଚିତ୍ରକୋଣ୍ଡା ଅତିରିକ୍ତ ତହସିଲଦାର ପ୍ରଶାନ୍ତ କୁମାର ଭତ୍ରାଙ୍କ ଉପସ୍ଥିତିରେ ଗଞ୍ଜେଇକୁ ଓଜନ କରାଯାଇ ଜବତ କରାଯାଇଥିଲା। ମୋଟ ୪୪ କିଲୋ ଗଞ୍ଜେଇ ଥିବା ଜଣା ପଡିଛି। ତେବେ ଏହି ଗଞ୍ଜେଇ ଚୋରା ଚାଲାଣ ଘଟଣାରେ ସମ୍ପୃକ୍ତ ଥିବା ଆଶୁତୋଷ ନାମକ ବ୍ୟକ୍ତିକୁ ପୋଲିସ ମଙ୍ଗଳବାର ଗିରଫ କରି କୋର୍ଟ ଚାଲାଣ କରାଯାଇଛି ବୋଲି ଚିତ୍ରକୋଣ୍ଡା ଏସଡିପିଓ ପ୍ରଦୋଷ ପ୍ରଧାନ ସୂଚନା ଦେଇଛନ୍ତି।