Odisha Janamata : ପାହାଡ଼ ଧସି ଟାଟାସୁମ ଗାଡି ଉପରେ ପଡିବାରୁ 13 ମୃତ, 2 ଆହାତ |

ପାହାଡ଼ ଧସି ଟାଟାସୁମ ଗାଡି ଉପରେ ପଡିବାରୁ 13 ମୃତ, 2 ଆହାତ |

26-Jul-2026

ପାଙ୍ଗି -ଉଦୟ ପୁର ରାସ୍ତାରେ ଗାଡ଼ିଉପରେ ପାହାଡ଼ ଭୁଶୁଡି ବଡ଼ ପଥର ଖଣ୍ଡ ପଡ଼ି ୧୩ ଜଣ ମୃତ, 2 ଆହାତ |

ଓଡିଶା ଜନ ମତ ବ୍ୟୁରୋ,

ବର୍ତ୍ତମାନ ଲଘୁଚାପ ବର୍ଷା ଯୋଗୁଁ ବିଭିନ୍ନ ପାହାଡ଼ ଧସି ପଥର, ମାଟି ତଳେ ପଡୁଛି | ତେବେ ରାସ୍ତରେ ଯାଉଥିବା ବ୍ୟକ୍ତି ମାନେ ଏହି ଦୁର୍ଘଟଣା ର ଶିକାର ହୋଈ ପ୍ରାଣ ହରାଇ ଥାନ୍ତି | ତେବେ ଏପରି ଏକ ଛାତିଥରା ଲୋମ ଟାଙ୍କୁରା ଘଟଣା ଘଟିଛି ହିମାଚଳ ପ୍ରଦେଶର ଲାହୌଲ ସ୍ଥିତିର ପାଙ୍ଗୀ-ଉଦୟପୁର ରାସ୍ତାରେ ଏକ ବଡ଼ ଦୁର୍ଘଟଣା ଘଟିଛି । ଏଠାରେ ଏକ ଚଳନ୍ତା ଟାଟା ସୁମୋ ଗାଡ଼ି ଉପରେ ପାହାଡ଼ ଭୁଶୁଡ଼ି ପଡ଼ିବାରୁ ୧୩ ଜଣଙ୍କର ମୃତ୍ୟୁ ଘଟିଛି। ଲାହୌଲ ସ୍ଥିତି ପୁଲିସ ଏହି ଦୁର୍ଘଟଣା ନେଇ ସ୍ପଷ୍ଟ କରିଛି। ଏହାପରେ ଲାହୋଲ ସ୍ଥିତି ପୁଲିସ ଟିମ୍ ଘଟଣା ସ୍ଥଳକୁ ଯାଇଛନ୍ତି । ଭରମୋର-ପାଙ୍ଗୀର ବିଧାୟକ ଜନକ ରାଜଙ୍କ ଅନୁସାରେ ଉଦୟପୁର ରାସ୍ତାରେ ଘଟି ଥୁବା ଦୁର୍ଘଟଣାରେ ଗାଡ଼ିରେ ଯାତ୍ରା କରୁଥିବା ୧୫ ଜଣଙ୍କ ମଧ୍ୟରୁ ୧୩ ଜଣଙ୍କର ମୃତ୍ୟୁ ଘଟି ଥିବା ସୂଚନା ମିଳିଛି । ଏଥୁରେ ମୃତକଙ୍କ ମଧ୍ୟରେ ଜଣେ ୬ ମାସର ଶିଶୁ ମଧ୍ଯ ସାମିଲ ଅଛି।ଅନ୍ୟ ଦୁଇଜଣ ସମ୍ପୂର୍ଣ ସୁସ୍ଥ ଅଛନ୍ତି । ମିଳି ଥିବା ସୂଚନା ଅନୁଯାୟୀ, ଲାହୌଲ ଘାଟିରୁ ପ୍ରାୟ 50 ରୁ 60 କିଲୋମିଟର ଦୂର କୁଡ଼ୁନାଲା ନିକଟରେ ଏହି ଘଟଣା ଘଟିଛି । ଏଠାରେ ଚଳନ୍ତା ଟାଟା ସୁମୋ ଉପରେ ପାହାଡ଼ରୁ ବଡ଼ ବଡ଼ ପଥର ଖଣ୍ଡ ଖସି ପଡ଼ି ଥିଲା । ଟାଟା ସୁମୋ ଟ୍ୟାକ୍ସିରେ ମୋଟ ୧୫ ଜଣ ଯାତ୍ରୀ ଥିଲେ I ଭଙ୍ଗା ପଥର ଖଣ୍ଡ ମଧ୍ୟରୁ ଜଣଙ୍କୁ ଆହତ ଅବସ୍ଥାରେ ଉଦ୍ଧାର କରାଯାଇଛି। ଦୁର୍ଘଟଣା ପରେ ଗାଡ଼ିର ପଛ ଭାଗରେ ରେ ନିଆଁ ମଧ୍ଯ ଲାଗି ଯାଇ ଥୁଲା, ଯାହାର ଭିଡିଓ ସାମ୍ନାକୁ ଆସିଛି। ମୃତକଙ୍କ ସରକାରୀ ଭାବେ ପରିଚୟ ସ୍ପଷ୍ଟ ହୋଇ ନାହିଁ। ହେଲେ କୁହାଯାଉଛି, ସମସ୍ତ ମୃତକ ପାଙ୍ଗୀ ଘାଟି ବାସିନ୍ଦା । ଭରମାର ବିଧାୟକ ଜନକ ରାଜ କହିଛନ୍ତି ଯେ, ଆମେ ଚମ୍ବା ଏବଂ ଲାହୌଲ ସ୍ପିତି ଜିଲ୍ଲାପାଳଙ୍କୁ ରିଲିଫ୍ କାର୍ଯ୍ୟ ତ୍ବରାନ୍ବିତ କରିବାକୁ ଅନୁରୋଧ କରିଛୁ ଏବଂ ପୁଲିସ ଓ ଉଦ୍ଧାରକ ଦଳ ଘଟଣାସ୍ଥଳକୁ ପ୍ରସ୍ଥାନ କରିଛନ୍ତି । ଏବଂ ମୃତ ଦେହ କୁ ବ୍ୟବଚ୍ଛେଦ ପାଇଁ ପଠାଇ ଆହାତ ମାନଙ୍କୁ ମେଡିକାଲ ରେଭର୍ତ୍ତୀ କରିଛି ପୋଲିସ |