Odisha Janamata : ଦାନ ପୁର ଉଚ୍ଛ ପ୍ରାଥମିକ ବିଦ୍ୟାଳୟ ର ପ୍ରଧାନ ଶିକ୍ଷକ ଙ୍କୁ ବିଦାୟ ସମ୍ବର୍ଦ୍ଧନା |

ଦାନ ପୁର ଉଚ୍ଛ ପ୍ରାଥମିକ ବିଦ୍ୟାଳୟ ର ପ୍ରଧାନ ଶିକ୍ଷକ ଙ୍କୁ ବିଦାୟ ସମ୍ବର୍ଦ୍ଧନା |

19-Apr-2026

*ଖଲ୍ଲିକୋଟ ବ୍ଲକ ଏବିଇଓ ତଥା ଦାନପୁର ଉଚ୍ଚ ପ୍ରାଥମିକ ବିଦ୍ୟାଳୟ ପ୍ରଧାନ ଶିକ୍ଷକ ରବି ନାରାୟଣ ସେଠୀଙ୍କୁ ବିଦାୟ ସମ୍ବର୍ଦ୍ଧନା*

ଓଡିଶା ଜନ ମତ ବ୍ୟୁରୋ,

ଖଲ୍ଲିକୋଟ ବ୍ଲକ୍‌ ଅନ୍ତର୍ଗତ ଦାନପୁର କ୍ଲଷ୍ଟର ଅଧୀନସ୍ଥ ଦାନପୁର ଉଚ୍ଚ ପ୍ରାଥମିକ ବିଦ୍ୟାଳୟ ପ୍ରଧାନ ଶିକ୍ଷକ ଶ୍ରୀଯୁକ୍ତ ରବି ନାରାୟଣ ସେଠୀଙ୍କୁ ଭବ୍ୟ ବିଦାୟ ସମ୍ବର୍ଦ୍ଧନା ପ୍ରଦାନ କରାଯାଇଛି। ସେ ଗତ ୩୧ ମାର୍ଚ୍ଚ ୨୦୨୬ରେ ସେବାନିବୃତ୍ତ ହୋଇଥିଲେ ।
ବାରେଶ୍ୱର ମନ୍ଦିର ପରିସରରେ ଏହି ଅବସରରେ ଏକ କାର୍ଯ୍ୟକ୍ରମ ଆୟୋଜିତ ହୋଇଥିଲା l ଦାନପୁର କ୍ଲଷ୍ଟର ସିଆରସିସି ଶ୍ରୀ ପ୍ରଶାନ୍ତ କୁମାର ସେଠୀଙ୍କ ତତ୍ତ୍ୱାବଧାନରେ ଏବଂ କରଞ୍ଜରା ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ ଶ୍ରୀ ନାଗେଶ୍ୱର ବାରିକଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା ।
ଆରମ୍ଭରେ ଶିକ୍ଷୟିତ୍ରୀ ସଂଗୀତା ସାହୁ, ଦୀପ୍ତିବାଳା ମହାନ୍ତି,ଶିକ୍ଷକ ଶଶିକାନ୍ତ ଜେନା, ମାଧବ ପ୍ରଧାନ, ସୁରେନ୍ଦ୍ରନାଥ ବେହେରା, ପ୍ରାରମ୍ଭିକ ସଙ୍ଗୀତ ଗାନ କରିଥିଲେ l ଏହି କାର୍ଯ୍ୟକ୍ରମରେ ବରିଷ୍ଠ ଶିକ୍ଷୟତ୍ରୀ ଉର୍ମିଲା ଦାସ ଏବଂ ଶିକ୍ଷୟତ୍ରୀ ରାଜଲକ୍ଷ୍ମୀ ନାୟକ ଫୁଲତୋଡ଼ା ଓ ଉତ୍ତରୀୟ ଦେଇ ଶ୍ରୀ ସେଠୀଙ୍କୁ ସ୍ଵାଗତ କରିଥିଲେ l
ଏହି ଅବସରରେ ଶିକ୍ଷକ ଗଣେଶ ସେଠୀ, ସନାତନ ମହାଙ୍କୁଡ, ଶଶିକାନ୍ତ ଜେନା, ବିପିନ ଚନ୍ଦ୍ର ପାଳ, ମାଧବ ପ୍ରଧାନ,ନାଗେଶ୍ୱର ବାରିକ, ମନୋରଞ୍ଜନ ସାମନ୍ତରାୟ ଏବଂ ସିଆରସିସି ଶ୍ରୀ ପ୍ରଶାନ୍ତ କୁମାର ସେଠୀ, ଶ୍ରୀ ରବି ନାରାୟଣସେଠୀଙ୍କ ୩୩ ବର୍ଷର ସେବାକାଳୀନ କାର୍ଯ୍ୟଦକ୍ଷତା, କର୍ତ୍ତବ୍ୟନିଷ୍ଠା ଓ ଶିକ୍ଷାକ୍ଷେତ୍ରରେ ତାଙ୍କ ଅବଦାନକୁ ସ୍ମରଣ କରିଥିଲେ। ସେ ଜଣେ ଛାତ୍ରବତ୍ସଳ ଓ ମିଷ୍ଟଭାଷୀ ଶିକ୍ଷକ ଭାବେ ପରିଚିତ ବୋଲି ମତ ପ୍ରକାଶ ପାଇଥିଲା।
ବିଦାୟୀ ଶିକ୍ଷକଙ୍କୁ ମାନପତ୍ର ସହ ଶ୍ରଦ୍ଧା ସୁମନ ଅର୍ପଣ କରାଯାଇ ତାଙ୍କ ଅବସର ଜୀବନ ସୁଖମୟ ହେବାକୁ ପ୍ରାର୍ଥନା କରାଯାଇଥିଲା।
କାର୍ଯ୍ୟକ୍ରମରେ କ୍ଲଷ୍ଟରର ସମସ୍ତ ପ୍ରଧାନଶିକ୍ଷକ, ଶିକ୍ଷକ-ଶିକ୍ଷୟିତ୍ରୀ ଓ ଅଞ୍ଚଳବାସୀ ବହୁ ସଂଖ୍ୟାରେ ଉପସ୍ଥିତ ଥିଲେ। ଶିକ୍ଷକ ଗଣେଶ ସେଠୀ, ମିଥୁନ ଭୂୟାଁ ଏବଂ ମାଧବ ପ୍ରଧାନ ଏହି କାର୍ଯ୍ୟକ୍ରମ ପାଇଁ ସୁବନ୍ଦୋବସ୍ତ କରିଥିଲେ ଏବଂ କ୍ଲଷ୍ଟରର ସମସ୍ତ ଶିକ୍ଷକ ଉପସ୍ଥିତ ଥିଲେ l