Odisha Janamata : ଖଲ୍ଲିକୋଟ ର ପୂର୍ବତନ ବିଧାୟିକା ଙ୍କ ସ୍ୱାମୀଙ୍କୁ ପଳାତକ ଘୋଷଣା କଲା କୋଦଳା ପୋଲିସ |

ଖଲ୍ଲିକୋଟ ର ପୂର୍ବତନ ବିଧାୟିକା ଙ୍କ ସ୍ୱାମୀଙ୍କୁ ପଳାତକ ଘୋଷଣା କଲା କୋଦଳା ପୋଲିସ |

25-Mar-2026

ଖଲ୍ଲିକୋଟ ପୂର୍ବତନ ବିଧାୟକ ଙ୍କ ସ୍ୱାମୀ ଙ୍କ ନାମରେ ପଳାତକ ନୋଟିସ ଲଗାଇଲା କୋଦଳା ପୋଲିସ,

ଓଡିଶା ଜନ ମତ, ବେଗୁନିଆପଡା, ସୂର୍ଯ୍ୟ ନାରାୟଣ ବଡୁ:--

ଖଲ୍ଲିକୋଟ ପୂର୍ବତନ ବିଧାୟିକା ସୂର୍ଯ୍ୟମଣୀ ବୈଦ୍ୟଙ୍କ ସ୍ୱାମୀ ତଥା ଖଲ୍ଲିକୋଟ ବ୍ଲକ ପୂର୍ବତନ ଅଧକ୍ଷ ଦୈତାରୀ ବେହେରାଙ୍କ କେଶପୁର ସ୍ଥିତ ଘର ଆଗରେ ପଳାତକ ନୋଟିସ ଲଗାଇଲା କୋଦଳା ପୋଲିସ।ଏହା ସହିତ କୋର୍ଟରେ ହାଜର ହେବା ପାଇଁ ୩୦ ଦିନର ମହଲତ ଦେଇଛି ପୋଲିସ। ଗତ ୨୦୨୩ ମସିହାରେ କୋଦଳା ଥାନା ଅନ୍ତର୍ଗତ ଦାନପୁର ଗ୍ରାମରେ ଏକ ସନ୍ଧ୍ୟାରେ ଭୋଜି ଚାଲିଥିବା ବେଳେ ଜଣେ ଯୁବକଙ୍କୁ ଜଘନ୍ୟ ଭାବେ ହତ୍ୟା କରାଯାଇଥିଲା। ଏହି ଘଟଣାରେ ଦୈତାରୀ ବେହେରାଙ୍କ ନାମରେ ୪୭୩/୨୩ ରେ ଏକ ମାମଲା ରୁଜ୍ଜୁ ହୋଇଥିଲା। ପରେ ଦୈତାରୀ ଙ୍କ ନାମରେ ଖଲ୍ଲିକୋଟ ଜେ ଏମ ଏଫ ସି ଙ୍କ ପକ୍ଷରୁ ଜାମିନ ବିହୀନ ଗିରଫ ପରୱାନା ଜାରି ହେବା ସହ ମାନ୍ୟବର ଅଦାଲତଙ୍କ ଭାରତୀୟ କାର୍ଯ୍ୟ ଵିଧି ଧାରା ୮୨ ଅନୁସାରେ ଦୈତାରୀଙ୍କ ଘର ଆଗରେ ପଳାତକ ନୋଟିସ ଲଟକା ଯିବା ସହ ଆସନ୍ତା ୩୦ ଦିନ ଭିତରେ ଆତ୍ମ ସମର୍ପଣ ନକଲେ କାର୍ଯ୍ୟାନୁଷ୍ଠାନ ନିଆଯିବ ବୋଲି କୋଦଳା ପୋଲିସ ପକ୍ଷରୁ ଘୋଷଣା କରାଯାଇଛି। ଗତ ୨୮/୦୯/୨୦୨୩ ମସିହାରେ କୋଦଳା ଥାନା ଦାନପୁର ଗ୍ରାମରେ ଗଣେଶ ପୂଜା ଭୋଜି ଖାଇବା ସମୟରେ ସଂଘବଧ ଆକ୍ରମଣ ରେ ଆସିକା ର ଦୁର୍ଦ୍ଧାନ୍ତ ଅପରାଧୀ ସୁନିଲ ନାହାକ ଙ୍କୁ ହତ୍ୟା କରାଯାଇଥିଲା । ଗଣେଶ ପୂଜା ଭୋଜି ଖାଇବାକୁ ଗାଁ ମଝିରେ ବସିଥିବା ବେଳେ ଠେଙ୍ଗା, ଲୁହା ରଡ ଓ ଛୁରୀରେ ସଂଘବଦ୍ଧ ଆକ୍ରମଣ ସହିତ ମୁଣ୍ଡକୁ ଇଟା ରେ ଛେଚି ଆସିକା ବରଗାଁର ସୁନୀଲ ନାହାକଙ୍କୁ ହତ୍ୟା କରାଯାଇଥିଲା । କୋଦଳା ଥାନା ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ତଦନ୍ତ କରିଥିଲା। ଘଟଣା ପରେ ହତ୍ୟାକାରୀ ସେଠାରୁ ଫେରାର ହୋଇ ଯାଇଥିଲେ। ପରେ ଦୈତାରୀଙ୍କ ନାମରେ ଏତଲା ଦିଆଯାଇଥିଲା।