Odisha Janamata : 35 ଟନ କେମିକାଲ ବୋଝେଇ ଟ୍ରକ କୁ ଉଦ୍ଧାର କଲା ବାଘ ମାରି ପୋଲିସ |

35 ଟନ କେମିକାଲ ବୋଝେଇ ଟ୍ରକ କୁ ଉଦ୍ଧାର କଲା ବାଘ ମାରି ପୋଲିସ |

07-Mar-2026

୩୫ ଟନ୍ କେମିକାଲ ବୋଝେଇ ଟ୍ରକକୁ ଉଦ୍ଧାର କଲା ବାଘମାରି ପୋଲିସ , ଚାଳକକୁ କୋର୍ଟ ଚାଲାଣ

ଓଡିଶା ଜନମତ, ଖୋର୍ଦ୍ଧା, ଗୋପାଳ କୃଷ୍ଣ ପ୍ରଧାନ

ଖୋର୍ଦ୍ଧା (ନିପ୍ର ) ଖୋର୍ଦ୍ଧା ଜିଲ୍ଲା ବାଘମାରୀ ଥାନା ଅନ୍ତର୍ଗତ ସାରୁଅ ଶିଳ୍ପାଞ୍ଚଳ ପରିସରରେ ଚକାଡୋଳା ଏଣ୍ଟର ପ୍ରାଇଜେସ ପ୍ରାଇଭେଟ୍ ଲିମିଟେଡ କମ୍ପାନୀର ୩୫ ଟନ୍ ଅର୍ଥାତ୍ ୧୨ ଲକ୍ଷ ୩୪ ହଜାରରୁ ଉର୍ଦ୍ଧ୍ବ ଟଙ୍କାର କେମିକାଲକୁ ରାୟଗଡ଼ା ଜିନ୍ଦଲ ଷ୍ଟିଲ କମ୍ପାନୀକୁ ଗତ ଜାନୁଆରୀ ମାସ ୧୪ ରିଖ ଅପରାହ୍ନରେ କଳିଙ୍ଗ ଟ୍ରାନସପୋର୍ଟ କମ୍ପାନୀର ଟ୍ରକ୍ ଚାଳକ ନେଇ ଯାଇଥିଲେ । ତେବେ ଟ୍ରକ୍ ଚାଳକ ବାଟରେ ଗାଡ଼ି ଖରାପ ହୋଇ ଯାଇଥିବାର ବାହାନା କରି ମରାମତି ପାଇଁ ଫୋନ୍ ପେ ଯୋଗେ ଅର୍ଥ ରାଶି କଳିଙ୍ଗ ଟ୍ରାନସପୋର୍ଟ କମ୍ପାନୀକୁ ଅର୍ଥ ଦେବାକୁ ଅନୁରୋଧ କରିଥିଲେ। ପରେ ଚାଳକ ଆବଶ୍ୟକ ମୁତାବକ ଅର୍ଥ ପାଇସାରିବା ପରେ ଫୋନ୍ ବନ୍ଦ କରି ଦେଇଥିଲେ । ଯାହାକୁ ନେଇ ସଂପୃକ୍ତ କଳିଙ୍ଗ କମ୍ପାନୀର ପ୍ରୋପାଇଟର ସୀତାକାନ୍ତ ନାୟକ ସନ୍ଦେହ ଘେରରେ ରହି ବାଘମାରି ଥାନାରେ ୨୧ ରିଖ ସନ୍ଧ୍ୟା ସମୟରେ ଲିଖିତ ଅଭିଯୋଗ କରିଥିଲେ l ଏନେଇ ବାଘମାରି ଥାନା ଅଧିକାରିଣୀ ସୁଚିତ୍ରା ଜେନା ଘଟଣା କୁ ଗୁରୁତ୍ୱ ର ସହିତ ନେଇ କେସ ନମ୍ବର 22/2026 ରୁଜୁ କରିବା ସହ ଏକ ସ୍ୱତନ୍ତ୍ର ଟିମ ଗଠନ କରି ପ୍ରାଥମିକ ତଦନ୍ତ ଆରମ୍ଭ କରିଥିଲେ । ପ୍ରଥମେ ସିସିଟିଭି ଯାଞ୍ଚ କରିବା ଓ ମୋବାଇଲ କଲ ରେକର୍ଡ ସହ ଅନ୍ୟ ବିଭିନ୍ନ ସୂତ୍ର ରୁ ତଥ୍ୟ ସଂଗ୍ରହ କରି କଟକ ଜିଲ୍ଲା ନରସିଂହପୁର ଥାନା କାକୁଡିଆ ନିକଟରୁ ଟ୍ରକ୍ ଉଦ୍ଧାର କରିବା ସହ ଚାଳକ କଟକ ଜିଲ୍ଲା ଚୌଦ୍ଵାର ଥାନା ବାଣୀପଡ଼ା ଗ୍ରାମର ଅକ୍ଷୟ ଚରଣ ସ୍ଵାଇଁଙ୍କ ପୁଅ ଶୁଭ୍ରାଂଶୁ ରଂଜନ ସ୍ୱାଇଁ ଓରଫ ଚିଣ୍ଟୁ (୨୮) ଙ୍କୁ ଗିରଫ କରି ମାନ୍ୟବର କୋର୍ଟଙ୍କ ନିକଟ ରେ ହାଜର କରିଛନ୍ତି l ଖୁବ ଅଳ୍ପ ଦିନ ମଧ୍ୟରେ ବାଘମାରୀ ଥାନା ର ଏହି ସଫଳତା ପାଇଁ ସ୍ଥାନୀୟ ଲୋକେ ଓ କମ୍ପାନୀ କର୍ତ୍ତ୍ତୃପକ୍ଷ ମହିଳା ଥାନା ଅଧିକାରିଣୀ ଙ୍କୁ ପ୍ରଶଂସା କରିଛନ୍ତି l