Odisha Janamata : ପୋଲସରା ର ବିଭିନ୍ନ ସ୍ଥାନରେ 77ତମ ସାଧାରଣ ତନ୍ତ୍ର ଦିବସ ପାଳିତ ||

ପୋଲସରା ର ବିଭିନ୍ନ ସ୍ଥାନରେ 77ତମ ସାଧାରଣ ତନ୍ତ୍ର ଦିବସ ପାଳିତ ||

27-Jan-2026

ପୋଲସରାର ବିଭିନ୍ନ ସ୍ଥାନରେ ୭୭ ତମ ଗଣତନ୍ତ୍ର ଦିବସ ପାଳିତ।

ଓଡ଼ିଶା ଜନମତ,ପୋଲସରା,ସନ୍ତୋଷ କୁମାର ପଣ୍ଡା
ତା. ୨୭/୦୧/୨୦୨୬:-

ପୋଲସରା ଅଞ୍ଚଳର ବିଭିନ୍ନ ସ୍ଥାନରେ ୭୭ ତମ ଗଣତନ୍ତ୍ର ଦିବସ ବହୁ ଉତ୍ସାହ ଓ ଉଦ୍ଦୀପନା ମଧ୍ୟରେ ପାଳିତ ହୋଇଯାଇଛି।ଏହି କ୍ରମରେ ବିଡିଓ କାର୍ଯ୍ୟାଳୟ, ତହସିଲ କାର୍ଯ୍ୟାଳୟ, ପୌରପରିଷଦ କାର୍ଯ୍ୟାଳୟ, ସମନ୍ୱିତ ଶିଶୁ ବିକାଶ କାର୍ଯ୍ୟାଳୟ, ବନବିଭାଗ କାର୍ଯ୍ୟାଳୟ, ଜେ.ଏମ.ଏଫ.ସି, ପୋଲିସ କାର୍ଯ୍ୟାଳୟ, ଅଗ୍ନିଶମ କାର୍ଯ୍ୟାଳୟ, ମୁଖ୍ୟ ଡାକଘର, ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର, ଗୋଷ୍ଠୀ ଶିକ୍ଷାଧିକାରୀ କାର୍ଯ୍ୟାଳୟ, ଜନସ୍ଵାସ୍ଥ୍ୟ ବିଭାଗ କାର୍ଯ୍ୟାଳୟ, ଓଡ଼ିଶା ସେବା ନିବୃତ୍ତ କର୍ମଚାରୀ ଓ ଶିକ୍ଷକ ବିକାଶ ମଞ୍ଚ ପୋଲସରା ଶାଖା,ବିଜେପି କାର୍ଯ୍ୟାଳୟ,ବିଜେଡି କାର୍ଯ୍ୟାଳୟ, ପ୍ରାଣୀଧନ କାର୍ଯ୍ୟାଳୟ, ପୋଲସରା ବିଜ୍ଞାନ ମହାବିଦ୍ୟାଳୟ, ଆଞ୍ଚଳିକ ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟ, ବର୍ତ୍ତିନୀ ଉଚ୍ଚ ମାଧ୍ୟମିକ ବିଦ୍ୟାଳୟ, ଗଙ୍ଗାଧର ସାହୁ ବିଜ୍ଞାନ ମହାବିଦ୍ୟାଳୟ ହାତଓଟ, ଶଶିକଳା ଉଚ୍ଚ ମାଧ୍ୟମିକ ବିଦ୍ୟାଳୟ ଚିରିକିପଡ଼ା ଶାସନ, ପଲ୍ଲିଶ୍ରୀ ଡିଗ୍ରୀ ମହିଳା ମହାବିଦ୍ୟାଳୟ ବଣରାମଚନ୍ଦ୍ରପୁର, ଓଡ଼ିଶା ଆଦର୍ଶ ବିଦ୍ୟାଳୟ ହାତଓଟ, ଲିଙ୍ଗରାଜ ବାଳିକା ହାଇସ୍କୁଲ ପୋଲସରା ପିଏମ୍ ଶ୍ରୀ ଗୋପବନ୍ଧୁ ଉଚ୍ଚ ବିଦ୍ୟାଳୟ ପୋଲସରା ଓ ପିଏମ୍ ଶ୍ରୀ ସରକାରୀ ଉଚ୍ଚ ବିଦ୍ୟାଳୟ ମାଳତେନ୍ତୁଳିଆ, ସରସ୍ୱତୀ ଶିଶୁ ବିଦ୍ୟାମନ୍ଦିର ଓ ମା ସରସ୍ୱତୀ ଶିଶୁ ବିଦ୍ୟାଭବନ ପୋଲସରା, ଶ୍ରୀରାଧାକୃଷ୍ଣ ନୋଡାଲ ଉଚ୍ଚ ବିଦ୍ୟାଳୟ କେନ୍ଦୁବାଡ଼ି, ମା ଭରାଣ୍ଡି ସରକାରୀ ଉଚ୍ଚ ବିଦ୍ୟାଳୟ ମନ୍ଦାର, ଶ୍ରୀ ଦଣ୍ଡେଶ୍ଵର ଉଚ୍ଚ ବିଦ୍ୟାଳୟ ରୁମାଗଡ, ଭାଟଖାଲି ଉନ୍ନୀତ ଉଚ୍ଚ ବିଦ୍ୟାଳୟ, ରାଣୀପଡ଼ା ବାଲୁଙ୍କେଶ୍ଵର ଉଚ୍ଚ ବିଦ୍ୟାଳୟ ପୋଲସରା, ମା ସରସ୍ୱତୀ ଶିଶୁ ବିଦ୍ୟାମନ୍ଦିର ହାତଓଟ, ଡୋଙ୍ଗରି ଉଚ୍ଚ ବିଦ୍ୟାଳୟ, ପ୍ରାଥମିକ ଶିକ୍ଷକ ପ୍ରଶିକ୍ଷଣ ଶିକ୍ଷା ପ୍ରତିଷ୍ଠାନ ପୋଲସରା, ଚିରିକିପଡ଼ା ଶାସନ ଉଚ୍ଚ ବିଦ୍ୟାଳୟ ସମେତ ଆହୁରି ଅନେକ ସରକାରୀ ଓ ବେସରକାରୀ ଶିକ୍ଷାନୁଷ୍ଠାନ ସମେତ ବିଭିନ୍ନ ସଂଘ ଗୁଡ଼ିକରେ ସାମ୍ବିଧାନିକ ନୀତି ଓ ନିୟମ ପ୍ରକାରେ ଏହି ଦେଶମାତୃକାର ପ୍ରେରଣାଦାୟୀ ଓ ଦେଶାତ୍ମକବୋଧ ଉତ୍ସବ ପାଳିତ ହୋଇଯାଇଛି ।ଏହି ସମୟରେ ବିଭିନ୍ନ ଶିକ୍ଷାନୁଷ୍ଠାନର ଏନସିସି, ସ୍କାଉଟ୍, ଗାଇଡ୍, ଜୁନିଅର ରେଡକ୍ରସ ଛାତ୍ରଛାତ୍ରୀମାନଙ୍କ ଦ୍ଵାରା ବ୍ୟାଣ୍ଡ ବାଜା ଦ୍ଵାରା ମାର୍ଚ୍ଚପାଷ୍ଟ, ସଲାମି, ପ୍ରଭାତଫେରୀ କାର୍ଯ୍ୟକ୍ରମ ବିଭିନ୍ନ ଦେଶାତ୍ମକ ଓ ମହାପୁରୁଷ ଓ ସଂଗ୍ରାମୀମାନଙ୍କ ନାମକୁ ନେଇ ଶ୍ଲୋଗାନ ଦିଆଯାଇଥିବାର ଚିତାକର୍ଷକ ଦୃଶ୍ୟ ଦେଖିବାକୁ ମିଳିଥିବାବେଳେ ଅତିଥିବୃନ୍ଦଙ୍କ ଦ୍ଵାରା ଛାତ୍ରଛାତ୍ରୀମାନଙ୍କୁ ଦେଶର ସେବା ଓ ସମ୍ମାନ ନେଇ ନିଜନିଜର ସୁଚିନ୍ତିତ ମନ୍ତବ୍ୟ ଦ୍ଵାରା ଉତ୍ସାହିତ କରିଥିଲେ ।