Odisha Janamata : ରୋଟାରି ଇଷ୍ଟ ର 37 ତମ ଅଧିଷ୍ଠାନ ଉତ୍ସବ ଅନୁଷ୍ଠିତ|

ରୋଟାରି ଇଷ୍ଟ ର 37 ତମ ଅଧିଷ୍ଠାନ ଉତ୍ସବ ଅନୁଷ୍ଠିତ|

20-Jul-2026

ରୋଟାରୀ ଇଷ୍ଟ ର ୩୭ ତମ ଅଧିଷ୍ଠାନ ଉତ୍ସବ ଜାତୀୟତା ମନୋଭାବ ସୃଷ୍ଟିକରିବା ପାଇଁ ଆହ୍ୱାନ ।

ଛତ୍ରପୁର, ତା.୨୦ / ୭,

କେ.ସତ୍ୟନାରାୟଣ ରେଡ୍ଡୀ:----
ରୋଟାରୀ କ୍ଳବ ଅଫ୍ ଵ୍ରହ୍ମପୁର ଈଷ୍ଟର ୩୭ତମ କର୍ମକର୍ତ୍ତା ଅଧିଷ୍ଠାନ ଉତ୍ସବ ଧର୍ମନଗର-୫ ସ୍ଥିତ କ୍ଳଵର ସଭାଗୣହରେ ଆୟୋଜିତ ହେଇଯାଇଛି । ଏହି ଉତ୍ସବରେ ସୁପ୍ରିମକୋର୍ଟର ବରିଷ୍ଠ ଅଧିବକ୍ତା ତଥା ଉତ୍କଳମଣି ଗୋପବନ୍ଧୁ ଦାଶଙ୍କ ଅଣନାତି ଯୋଶୋବନ୍ତ ଦାଶ ମୁଖ୍ୟ ଅତିଥି ରୂପ ଯୋଗ ଦେଇ ପ୍ରଦୀପ ପ୍ରଜ୍ଜଳନ ସହ ଉତ୍ସବ ଉଦ୍ଘାଟନ କରିଥିଲେ | ଜାତୀୟ ଚରିତ୍ରର ବିକାଶ ହେଲେ ଅଧିକ ଦେଇ କମ୍ ନେବା ମନୋବୃତ୍ତି ସୣଷ୍ଟି ହେବ ବୋଲି ପ୍ରକାଶ କରି ପ୍ରତ୍ୟେକ ରୋଟାରିଆନ୍ ସମାଜର ପ୍ରତିଫଳକ ରୂପେ କାର୍ଯ୍ୟ କରିବା ପାଇଁ ଆହ୍ୱାନ ଦେଇଥିଲେ | ପ୍ରଥମାର୍ଦ୍ଧ ବୈଠକରେ ବିଦାୟୀ ସଭାପତି ଡକ୍ଟର ପ୍ରଦୀପ୍ତ କୁମାର ପଟ୍ଟନାୟକ ସଭାପତିତ୍ୱ କରି ନିଜ କାର୍ଯ୍ୟକାଳର ବିବରଣୀ ପ୍ରଦାନ କରିଥିଲେ | ସମ୍ମାନିତ ଅତିଥି ରୋଟାରୀ ଜିଲ୍ଲା ୩୨୬୨ ନିର୍ବାଚିତ ପ୍ରାନ୍ତପାଳ ୨୦୨୮-୨୯ ଅକ୍ଷେନ୍ଦୁ ଶେଖର ପଟ୍ଟନାୟକ (ବ୍ରହ୍ମପୁର ) ସମ୍ମାନୀତ ଅତିଥି ରୂପେ ଯୋଗଦେଇ ବ୍ରହ୍ମପୁର ଈଷ୍ଟର କାର୍ଯ୍ୟ ଧାରାର ପ୍ରଶଂସା କରି ସମାଜର ଅଧିକ ମଙ୍ଗଳ ପାଇଁ ସ୍ଥାୟୀ ପ୍ରୋଜେକ୍ଟ ଉପରେ ଅଧିକ ଧ୍ୟାନ ଦେବା ପାଇଁ ପରାମର୍ଶ ଦେଇଥିଲେ | ବିଶିଷ୍ଟ ଅତିଥି ରୂପେ ଆଞ୍ଚଳିକ ଚେୟାରମ୍ୟାନ ସତ୍ୟକାମ ପାତ୍ର, ସହକାରୀ ପ୍ରାନ୍ତପାଳ ପ୍ରଦ୍ୟୁମ୍ନ ବିଷୋୟୀ ଯୋଗ ଦେଇ ବକ୍ତବ୍ୟ ରଖିଥିଲେ | ନୂତନ ବର୍ଷ ୨୦୨୬-୨୭ ର ନବନିର୍ବାଚିତ ସଭାପତି ହୣଷିକେଶ ପ୍ରଧାନ ଓ ସମ୍ପାଦକ ଶାନ୍ତନୁ କୁମାର ପାତ୍ର ବିଦାୟୀ ସଭାପତି ଡ଼ଃ ପ୍ରଦୀପ୍ତ କୁମାର ପଟ୍ଟନାୟକଙ୍କ ଠାରୁ ଦାୟିତ୍ୱ ଗ୍ରହଣ କରି ଆଗାମୀ ବର୍ଷ ପାଇଁ ଚିନ୍ତନ ହୋଇଥିବା କାର୍ଯ୍ୟକ୍ରମର ବିସ୍ତୃତ ବିବରଣୀ ଦେଇ ରୋଟାରୀ ଈଷ୍ଟକୁ ରୋଟାରୀ ଜିଲ୍ଲା -୩୨୬୨ ର ଏକ ଚର୍ଚ୍ଚିତ କ୍ଳବକୁ ନେବା ପାଇଁ ସମସ୍ତ ସଭ୍ୟଙ୍କର ସହଯୋଗ କାମନା କାରୀଥିଲେ | ବଦାୟୀ ସମ୍ପାଦକ ଅଶ୍ୱିନୀ ପାତ୍ର ବିଦାୟୀ ବର୍ଷର ବିବରଣୀ ପଠନ କରିଥିଲେ | ଏହି ଅବସରରେ ସହର ଅନ୍ୟାନ୍ୟ କ୍ଳବର କର୍ମକର୍ତ୍ତା ଓ ସଭ୍ୟ ବୣନ୍ଦ ଯୋଗ ଦେଇଥିଲେ | ନୂତନ ରୂପେ ୨୦ ଜଣ ସଭ୍ୟଙ୍କୁ ପୂର୍ବତନ ପ୍ରାନ୍ତପାଳ ଡାକ୍ତର ନାରାୟଣ ମିଶ୍ର ରୋଟାରୀ ପିନ୍ ଦେଇ ଶପଥ ପାଠ କରାଇଥିଲେ | ପୂର୍ବତନ ସଭାପତି ଗଦାଧର ରାଉଳ ଓ ଡବ୍ଳ୍ୟୁ ଧନ୍ଵନ୍ତରୀ ବିଦାୟୀ ସଭାପତି ଓ ସମ୍ପାଦକଙ୍କ ଠାରୁ ନବ ନିର୍ବାଚିତ ସଭାପତି ଓ ସମ୍ପାଦକଙ୍କୁ ଦାୟୀତ୍ଵ ହସ୍ତାନ୍ତର ପ୍ରକ୍ରିୟା ପରିଚାଳନା କରିଥିଲେ | ପୂର୍ବତନ ସଭାପତି ସ୍ଵରାଜ୍ୟ ସାହୁ,ଆଇ. ରାଜେଶ୍ଵର ରାଓ,ପ୍ରଦୀପ କୁମାର ପଣ୍ଡା,କାମରାଜୁ ମହାରଣା, କୁଶ ପାତ୍ର,ଅଜିତ କୁମାର ପୣଷ୍ଟି, ଜୟନ୍ତ କିଶୋର ପାତ୍ର, ସୁମିତ୍ କୁମାର ପଟ୍ଟନାୟକ, ଡାକ୍ତର ମଦନ ମୋହନପଣ୍ଡା , ଦୁର୍ଗା ରାଓ, ପ୍ରତ୍ଯୁଷ ଦାଶ, ପ୍ରଦୀପ୍ ନାୟକ, ସନ୍ତୋଷ ତ୍ରିପାଠୀ, କୁନାଲ କୌଶିକ ପଣ୍ଡା ପ୍ରମୁଖ ଉତ୍ସବ ପରିଚାଳନା କରିଥିଲେ | ପୂର୍ବତନ ସଭାପତି ଡାକ୍ତର ସମ୍ବିତ ବେଗ୍ରାୟ ମଞ୍ଚ ସଂଯୋଜନା କରିଥିବା ବେଳେ ସୁଧାଂଶୁ ଶେଖର ଖଡ଼ଗରାୟ ଧନ୍ୟବାଦ ଅର୍ପଣ କରିଥିଲେ ।।