Odisha Janamata : ବେଗୁନିଆପଡା ରେ ବିଶାଳ ହିନ୍ଦୁ ସମ୍ମିଳନୀ ଅନୁଷ୍ଠିତ ||

ବେଗୁନିଆପଡା ରେ ବିଶାଳ ହିନ୍ଦୁ ସମ୍ମିଳନୀ ଅନୁଷ୍ଠିତ ||

19-Jan-2026

ବେଗୁନିଆପଡ଼ାରେ ବିଶାଳ ହିନ୍ଦୁ ସମ୍ମିଳନୀ
ହଜାର ହଜାର ଲୋକଙ୍କ ସମାଗମ, ଯୋଗଦେଲେ ବହୁ ସାଧୁସନ୍ଥ

ଓଡିଶା ଜନ ମତ,, କୋଦଳା , ସୂର୍ଯ୍ୟ ନାରାୟଣ ବଡୁ

ତା--,୧୮/୦୧/୨୦୨୬:
ଗଞ୍ଜାମ ଜିଲ୍ଲା ବେଗୁନିଆପଡ଼ା ସ୍ଥିତ ବାପୁଜୀ ଷ୍ଟାଡିୟମ ଠାରେ ସମଗ୍ର ହିନ୍ଦୁ ସମାଜ ପକ୍ଷରୁ ବିଶାଳ ହିନ୍ଦୁ ସମ୍ମିଳନୀ ରବିବାର ଅନୁଷ୍ଠିତ ହୋଇଯାଇଛି। ବେଗୁନିଆପଡ଼ା ଖଣ୍ଡର ଏହି ସମ୍ମିଳନୀରେ ହଜାର ହଜାର ସଂଖ୍ୟାରେ ହିନ୍ଦୁଙ୍କ ସମାଗମ ହୋଇଥିବା ବେଳେ ବହୁ ସାଧୁସନ୍ଥ ମାନେ ଯୋଗଦେଇ ପ୍ରବଚନ ଦେଇଥିଲେ। ଏହି ଅବସରରେ ଏଠାରେ ୧୦୮ ହନୁମାନ ଚାଳିଶା ପଠନ ସହ ହିନ୍ଦୁ ମାନେ ଜାଗ୍ରତ ହୁଅ, ସଂଗଠିତ ହୁଏ, ଏକ ହୁଅ ବୋଲି ଆହ୍ବାନ ଦିଆଯାଇଛି। ହିନ୍ଦୁମାନଙ୍କୁ ଏକାଠି କରି ଭାରତୀୟ ସଂସ୍କୃତି ଓ ପରମ୍ପରାର ପ୍ରଚାର କରିବା ଉଦ୍ଦେଶ୍ୟରେ ବିଶାଳ ହିନ୍ଦୁ ସମ୍ମିଳନୀ ଆୟୋଜନ କରାଯାଇଥିବା ବେଳେ ରାଷ୍ଟ୍ରୀୟ ସ୍ଵୟଂସେବକ ସଂଘର ବିଭିନ୍ନ ପଦାଧିକାରୀ ମାନେ ଯୋଗ ଦେଇଥିଲେ। ସମାବେଶରେ ଉପସ୍ଥିତ ସାଧୁସନ୍ଥ ଓ ହଜାର ହଜାର ଶ୍ରଦ୍ଧାଳୁଙ୍କ ସହ ମିଶି ଧର୍ମ ଏବଂ ସଂସ୍କୃତିର ସୁରକ୍ଷା ପାଇଁ ଆହ୍ବାନ ଦେଇଥିଲେ। ସମ୍ମିଳନୀ ମାଧ୍ୟମରେ ହିନ୍ଦୁ ସମାଜର ଏକତା, ସନାତନ ସଂସ୍କୃତି ଓ ଧର୍ମୀୟ ମୂଲ୍ୟବୋଧର ସୁରକ୍ଷା ପାଇଁ ଦୃଢ଼ ସଙ୍କଳ୍ପ ପ୍ରକାଶ ପାଇଛି।ଏଥିରେ ସମସ୍ତେ ହିନ୍ଦୁ ଧର୍ମ ଏବଂ ସଂଘ ପରିବାରର ମାର୍ଗଦର୍ଶିକା ଉପରେ ଅନେକ ସୁନ୍ଦର ସୁନ୍ଦର ବିଚାର ପ୍ରକଟ କରିଥିଲେ। ଏହି ସମ୍ମିଳନୀ ଦ୍ଵାରା ଯୁବ ସମାଜ କିପରି ରାଷ୍ଟ୍ର ଧର୍ମ ଏବଂ ସଂସ୍କୃତିକୁ ଭୁଲି ଯାଇଛନ୍ତି ଏହାକୁ କିପରି ତାଙ୍କ ମନରେ ଜାଗ୍ରତ ହୋଇପାରିବ ଆଲୋଚନା କରାଯାଇଛି।ମୁଖ୍ୟ ଅତିଥି ଭାବେ ମହାମଣ୍ଡେଳେଶ୍ୱର ସତ୍ୟାନନ୍ଦ ଗିରି, ସନ୍ଥ ଶ୍ରୀ ଦୀନବନ୍ଧୁ ଦାସ,ସୁଚିତ୍ରା ଦାସ ,ସ୍ୱାମୀ କ୍ରିଷ୍ଣା ନନ୍ଦ ଗିରି, ଶିବରାମ ଦାସ ମହାରାଜ ଯୋଗ ଦେଇଥିଲେ। ରାଷ୍ଟ୍ରୀୟ ସ୍ଵୟଂସେବକ ସଂଘର ସମ୍ପର୍କ ପ୍ରମୁଖ ମୁଖ୍ୟ ବକ୍ତା ସୁନୀଲ କୁମାର ଗୌଡ଼ ପଞ୍ଚ ପରିବର୍ତ୍ତନ ବିଷୟ ଉପରେ ମତ ରଖିଥିଲେ। ରାଷ୍ଟ୍ରୀୟ ସ୍ଵୟଂସେବକ ସଂଘର ଜିଲ୍ଲା କାର୍ଯ୍ୟବାହ ସଞ୍ଜୟ କୁମାର ଦାଶ, ଜିଲ୍ଲା କାର୍ଯ୍ୟକର୍ତ୍ତା ନାରାୟଣ ପ୍ରଧାନ, ଗଣେଶ୍ବର ମୁଦୁଲି, ଖଣ୍ଡ କାର୍ଯ୍ୟବାହ ସଂଜୀବ କୁମାର ପ୍ରଧାନଙ୍କ ସମେତ ସମସ୍ତ ଆର୍ ଏସ୍ ଏସ୍ କାର୍ଯ୍ୟକର୍ତ୍ତା ସହଯୋଗ କରିଥିଲେ। ବିଶାଳ ହିନ୍ଦୁ ସମ୍ମିଳନୀର ସଭାପତି ସୁନୀଲ ରଥ ଓ ସମ୍ପାଦକ ସୁଶାନ୍ତ କୁମାର ପ୍ରଧାନ ମଞ୍ଚ ପରିଚାଳନା କରିଥିଲେ। ଅନ୍ୟ ସାଧୁ ସନ୍ଥ ହିନ୍ଦୁ ଧର୍ମ,ହିନ୍ଦୁ ସଂସ୍କୃତି ଓ ହିନ୍ଦୁ ସମାଜର ସଂରକ୍ଷଣ କରିବା ବିଷୟରେ ମତ ରଖିଥିଲେ। ଏହି ଅବସରରେ ପ୍ରସାଦ ସେବନ କାର୍ଯ୍ୟକ୍ରମ ମଧ୍ୟ ଅନୁଷ୍ଠିତ ହୋଇଥିଲା।