ପୁରୁଷୋତ୍ତମପୁର ଏନଏସି ମେଡିକାଲ ରେ ରୋଗୀ କଲ୍ୟାଣ ସମିତି ର ବୈଠକ ଅନୁଷ୍ଠିତ |
08-Jan-2026
ପୁରୁଷୋତ୍ତମପୁର ମେଡିକାଲ ରୋଗୀ କଲ୍ୟାଣ ସମିତିରେ ନୂଆଁ କମିଟି ଚୟନ ଓ ବୈଠକ,
ଓଡିଶା ଜନ ମତ ବ୍ୟୁରୋ,
ପୁରୁଷୋତ୍ତମପୁର ମେଡିକାଲ ପରିସରରେ ନୂଆଁ ବର୍ଷ ର ପ୍ରଥମ ସପ୍ତାହରେ ଆଜି ରୋଗୀ କଲ୍ୟାଣ ସମିତିର ଏକ ଗୁରୁତ୍ଵପୂର୍ଣ୍ଣ ବୈଠକ ମେଡିକାଲ ଇନଚାର୍ଜ ଶିବାଶିଷ ଗୋସ୍ୱାମୀଙ୍କ ପୌରୋହିତ୍ୟରେ ଆରମ୍ଭ କରାଯାଇଥିଲା । ଏହି କାର୍ଯ୍ୟକ୍ରମ ରେମୁଖ୍ୟ ଅତିଥି ଭାବେ ଖଲ୍ଲିକୋଟ ବିଧାୟକ ପୁର୍ଣଚନ୍ଦ୍ର ସେଠୀ ସମ୍ମାନିତ ଅତିଥି ଭାବେ ଭାଟ କୁମରଡ଼ା ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ରର ଅଧ୍ୟକ୍ଷ ଡ଼କ୍ଟର ମନୋଜ କୁମାର ମିଶ୍ର ମଞ୍ଚାସିନ ଥିଲେ |ଏହି ବୈଠକରେ ରୋଗୀ କଲ୍ୟାଣ ସମିତି ର ଆୟ ବ୍ୟୟ ଓ ଏହି ମେଡିକାଲ ର ଡାକ୍ତରନିଯୁକ୍ତି, ଷ୍ଟାଫ, ନର୍ସ, ଓ ଅନ୍ୟନ୍ୟ ଭିତିଭୂମି ସହିତ ବହୁଅର୍ଥ ରେ ନିର୍ମିତ ଆଉଟ ଡୋର କୋଠାର ଆରମ୍ଭ, ରୋଗୀ ସେବା, ହସ୍ପିଟାଲ ପରିଚାଳନା ଓ ରୋଗୀଙ୍କ ମୌଳିକ ସୁବିଧା ସମ୍ପର୍କରେ ବିସ୍ତୃତ ଆଲୋଚନା କରାଯାଇଥିଲା।ଏହାକୁ ଉପସ୍ଥାପନା କରିଥିଲେ ବାଡା ମେଡମ ||ବୈଠକରେ ପୁରୁଣା ସଦସ୍ୟମାନଙ୍କୁ ବିଦାୟ ଦିଆଯାଇ ନୂତନ ସଦସ୍ୟ ଙ୍କୁ ଦାଇତ୍ୱ ଦିଆଯାଇଥିଲା | ନୂଆ ସଦସ୍ୟ ମାନଙ୍କ ଦ୍ବାରା ସମିତିକୁ ପୁନର୍ଗଠନ କରାଯାଇଛି । ଏହି ପୁନର୍ଗଠନର ମୂଳ ଲକ୍ଷ୍ୟ ହେଉଛି ସମିତିକୁ ଅଧିକ ସକ୍ରିୟ, ଓ କ୍ରିୟାଶୀଳ, ପାରଦର୍ଶୀ ଓ ଲୋକାଭି ମୁଖୀ କରି ରୋଗୀଙ୍କ ହିତରେ ଦ୍ରୁତ ପଦକ୍ଷେପ ଗ୍ରହଣ କରିବା। ବୈଠକରେ ମୁଖ୍ୟ ଆଲୋଚିତ ବିଷୟ ଥୁଲା ହସ୍ପିଟାଲରେ ପରିମଳ ବ୍ୟବସ୍ଥା ଓ ସଫା-ସୁତୁରାକୁ ଅଧିକ ଗୁରୁତ୍ବ, ରୋଗୀଙ୍କ ପାଇଁପାନୀୟ ଜଳ, ବିଦ୍ୟୁତ ସୂବିଧାରସୁଦୃଢ଼ିକରଣ,ନିରାମୟ ର ମାଗଣା ଔଷଧ ବିତରଣ ଓ ଚିକିତ୍ସାର ଉନ୍ନତି କରଣ, ଛୋଟ ଛୋଟ ମରାମତି ଓ ରୋଗୀ ସୁବିଧା ପାଇଁ ଫଣ୍ଡକୁ ତୁରନ୍ତବ୍ୟବହାର କରିବା ଏବଂଚବିଶ ଘଣ୍ଟିଆ ଆମ୍ବୁଲାନ୍ସ ସେବାକୁ ସକ୍ରିୟ ରଖୁବା |ଏହାସହ ହସ୍ପିଟାଲର ବିଭିନ୍ନ ପରୀକ୍ଷା ଲ୍ୟାବ, ଜରୁରୀ କାଳୀନ ସେବା ଓ ବେଡ୍ ସଂଖ୍ୟାକୁବୃଦ୍ଧି କରିବା ଦିଗରେ ବିଧାୟକ ଙ୍କ ଦୃଷ୍ଟି ଆକର୍ଷଣ କରାଗଲା | ରୋଗୀ କଲ୍ୟାଣ ସମିତି ରେ ବିଧାୟକ ଙ୍କ ସୁପାରିଶ ରେ ନୂଆଁ ସଦସ୍ୟ ମାନେ ହେଲେ ପୃଥିବୀ ରାଜ ମହାପାତ୍ର, ମନୋଜ କୁମାର ମହାପାତ୍ର, କୃଷ୍ଣଚନ୍ଦ୍ର ନାୟକ, ସନ୍ତୋଷ କୁମାର ପଣ୍ଡା ଓ ଯମୁନାବେହେରା। ବୈଠକରେ ନୂଆଁ ସଦସ୍ୟ ମାନେ ଉପସ୍ଥିତ ରହିଦୂର ଦୁରାନ୍ତରୁ ଚିକିତ୍ସା ପାଈଁ ଆସୁଥିବା ରୋଗୀଙ୍କ ସମସ୍ୟା ର ଆଶୁ ସମାଧାନ, କରିବା ଉପରେ ଦୃଷ୍ଟି ଦେବାକୁ ପ୍ରତିଶୃତି ଦେଲେ | ବିଧାୟକ କହିଥିଲେ ଏହି କମିଟି ପ୍ରତି ୩ମାସରେଥରେ ବସି ଏହାର ଅସୁବିଧା ଓ ସୁବିଧା ଉପରେ ଗୁରୁତ୍ୱ ଦେବେ |କିଛି ଅସୁବିଧା ର ତୁରନ୍ତ ସମାଧନ କରିବାକୁ ବିଧାୟକ ଇନଚାର୍ଜ ଙ୍କୁ ନିର୍ଦେଶ ଦେଲେ | ଏବଂ ଶେଷରେ ଇନଚାର୍ଜ ସମସ୍ତଙ୍କୁ ଧନ୍ୟବାଦ ଦେଈ ସଭା ସାଙ୍ଗ କରିଥିଲେ |
Breaking
News