Odisha Janamata : ବେଗୁନିଆପଡା ବ୍ଳକ ଗ୍ରସ୍ତରେ ଆସ୍କା ସାଂସଦ,

ବେଗୁନିଆପଡା ବ୍ଳକ ଗ୍ରସ୍ତରେ ଆସ୍କା ସାଂସଦ,

24-Dec-2025

ବେଗୁନିଆପଡ଼ା ବ୍ଳକ ଗସ୍ତରେ ଆସିକା ସାଂସଦ
ଉନ୍ନୟନ କାର୍ଯ୍ୟର କଲେ ସମୀକ୍ଷା,

l ଓଡିଶା ଜନ ମତ,,କୋଦଳା , ସୂର୍ଯ୍ୟ ନାରାୟଣ ବଡୁ,

ଗଞ୍ଜାମ ଆସିକା ସାଂସଦ ଅନିତା ଶୁଭଦର୍ଶିନି ପଟ୍ଟନାୟକ ଆଜି ବେଗୁନିଆପଡ଼ା ବ୍ଲକ କାର୍ଯ୍ଯାଳୟ ଆସି ଏଠାରେ ବିଭିନ୍ନ ଉନ୍ନୟନମୂଳକ କାର୍ଯ୍ୟର ସମୀକ୍ଷା କରିଛନ୍ତି। ମୁଖ୍ଯତଃ ଭାବେ ସାଂସଦ ପାଣ୍ଠିର ସୁ ବିନିଯୋଗ ନେଇ ସମୀକ୍ଷା କରିଥିଲେ। ବେଗୁନିଆପଡ଼ା ପଞ୍ଚାୟତ ସମିତିର ମୁଖ୍ୟ ଯନ୍ତ୍ରୀ ପ୍ରଦୀପ ସାହୁଙ୍କ ସହ ବିଭିନ୍ନ କାର୍ଯ୍ୟକୁ ନେଇ ଆଲୋଚନା କରିଛନ୍ତି। ଆସିକା ସଂସଦୀୟ କ୍ଷେତ୍ରକୁ ବହୁ ପ୍ରକଳ୍ପ ଆସୁଥିବା ସୂଚନା ଦେଇଛନ୍ତି ସାଂସଦ। ସେହିପରି ଆସିକା ସୂତା କଳ ଓ ଚିନି କାରଖାନାର ପୁନରୁଦ୍ଧାର ତଥା ଉନ୍ନତିକରଣ ନେଇ ସଂସଦରେ ଦାବି କରିଥିବା କହିଛନ୍ତି ସାଂସଦ। କେନ୍ଦ୍ରୀୟ ବିଦ୍ୟାଳୟ ସ୍ଥାପନ ନେଇ ମଧ୍ୟ କେନ୍ଦ୍ର ଶିକ୍ଷା ମନ୍ତ୍ରୀଙ୍କୁ ଅନୁରୋଧ କରାଯାଇଛି। ଆଗାମୀ ଦିନରେ ବ୍ୟାପକ ଉନ୍ନତି କାର୍ଯ୍ଯ କରାଯିବାକୁ ଯୋଜନା ରହିଥିବା ସୂଚନା ଦେଇଛନ୍ତି। ମନରେଗା ଯୋଜନାର ନୂଆ ନାମକରଣ ପରେ କଂଗ୍ରେସର ବିରୋଧକୁ ନେଇ କଡା ସମାଲୋଚନା କରିଛନ୍ତି ସାଂସଦ। ଆମେ ମହାତ୍ମାଗାନ୍ଧୀଙ୍କୁ ଅସମ୍ମାନ କରି ନାହୁଁ। କଂଗ୍ରେସର ବିରୋଧ କେବଳ ଅସ୍ଥିତ୍ବ ବଞ୍ଚାଇବା ପାଇଁ ବୋଲି ସେ ଗଣ ମାଧ୍ୟମକୁ କହିଛନ୍ତି। ସାଂସଦଙ୍କ ଗସ୍ତ ସମୟରେ ସଂସଦୀୟ ପ୍ରତିନିଧି ଜଜ୍ଞ ନାରାୟଣ ଦାଶ, ବେଗୁନିଆପଡ଼ା ବ୍ଲକ ସାଂସଦ ପ୍ରତିନିଧି ଆଲୋକ ଶତପଥୀ, କୋଦଳାର ବରିଷ୍ଠ ନେତା ସଞ୍ଜୀବ କୁମାର ସାହୁ, ସଞ୍ଜୟ ଘୋଷ, ଭବାନୀ ପ୍ରସାଦ ମିଶ୍ର, ମୁନା ପଣ୍ଡା, ରବିନ୍ଦ୍ର ମହାନ୍ତି, ବହୁ ଦଳୀୟ କାର୍ଯ୍ୟକର୍ତ୍ତାଙ୍କ ଉପସ୍ଥିତି ଦେଖିବାକୁ ମିଳିଥିଲା।