Odisha Janamata : ମଇଁଷି ଗାଡି ଦୁର୍ଘଟଣା ଘଟାଇ ଫେରାର ଡ୍ରାଇଭର କୁ ଉଦ୍ଧାର କଲା ପୋଲିସ ||

ମଇଁଷି ଗାଡି ଦୁର୍ଘଟଣା ଘଟାଇ ଫେରାର ଡ୍ରାଇଭର କୁ ଉଦ୍ଧାର କଲା ପୋଲିସ ||

23-Dec-2025

ବାଲୁଗାଁ ନିକଟରେ ମଇଁଷି ଗାଡି ଦୁର୍ଘଟଣା ଘଟାଇ ଫେରାର ଟ୍ରକ, ଡ୍ରାଇଭର,

ଓଡିଶା ଜନ ମତ,,ଖଲ୍ଲିକୋଟ,

ବିକାଶ କୁମାର ସାହୁ,--୨୩/୧୧/୨୦୨୫--

ବାଲେଶ୍ୱର ରୁ ଗୋପାଳପୁର ଟ୍ରକ ଯୋଗେ ଚାଳାନ ହେଉଥିଲା ୩୨ ଗୋଟି ମଇଁଷି। ବାଲୁଗାଁ ନିକଟରେ ଦୁର୍ଘଟଣା ଘଟାଇ ଫେରାର ହେଉଥିଲା ଟ୍ରକ।କେଶପୁର ଛକ ରେ ଟାୟାର ଫାଟି ଯିବାରୁ ଅଟକି ଯାଇଥିଲା ଟ୍ରକ। ଏତେ ସଂଖ୍ୟକ ମଇଁଷି ଟ୍ରକ ରେ ଚାଳାନ ହେଉଥିବା ଦେଖି ସ୍ଥାନୀୟ ଅଞ୍ଚଳ ରେ ଉତ୍ତେଜନା ଦେଖା ଦେଇଥିଲା। ଲୋକ ଙ୍କ ଆକ୍ରମଣ ରୁ ବର୍ତ୍ତିବା ପାଇଁ ଓଡ଼ିଆରପି କଲୋନୀ ପାଇଖାନା ଘରେ ଲୁଚିଥିଲା ଡ୍ରାଇଭର। ଖବର ପାଇ ଖଲ୍ଲିକୋଟ ପୁଲିସ ପହଂଚି ଉଦ୍ଧାର କରି ଡ୍ରାଇଭର ଓ ମଇଁଷି ସହିତ ଟ୍ରକ କୁ ଥାନା କୁ ଆଣିଥିଲେ। ଖବର ନେବାରୁ ଜଣାପଡ଼ିଛି ଯେ, ବାଲେଶ୍ୱର ରୁ ଏକ ଟ୍ରକ ନମ୍ବର ଓଡି ୦୪ ଆର ୧୬୮୭ ଯୋଗେ ବେଆଇନ ଭାବେ ୩୨ ଗୋଟି ମଇଁଷି ଗୋପାଳପୁର ଚାଳାନ ହେଉଥିଲା। ଚାନ୍ଦପୁର ଠାରେ ଟ୍ରକ ରେ ମଇଁଷି ଚାଳାନ ହେଉଥିବା ଦେଖି ବଜରଙ୍ଗ ଦଳ ର ସଦସ୍ୟ କହୁଥିବା ଦୁଇ ଜଣ ଯୁବକ ବାଇକ ଯୋଗେ ଟ୍ରକ କୁ ଗୋଡେଇ ଥିଲେ। ଏହା ଦେଖି ଟ୍ରକ ର ବେଗ ବଢ଼େଇ ଦେଇଥିଲେ ଡ୍ରାଇଭର। ଦୂତଗତି ରେ ଆସୁଥିବା ବେଳେ ବାଲୁଗାଁ ନିକଟରେ ତିନୋଟି ଗୋରୁ ସହ ଏକ ଟାଟା ଏସି ଗାଡି କୁ ଧକ୍କା ଦେଇଥିବା କହିଛନ୍ତି ଦୁଇ ଯୁବକ। ତଥାପି ଟ୍ରକ ଅଟକି ନଥିଲା। କେଶପୁର ଛକ ଠାରେ ଥିବା ଓଭର ବ୍ରିଜ ଉପରେ ଟାୟାର ଫାଟି ଯିବାରୁ ଟ୍ରକ ଅଟକିଥିଲା। ବେଆଇନ ଭାବେ ମଇଁଷି ଚାଳାନ ହେଉଥିବା ଦେଖି ସ୍ଥାନୀୟ ଅଞ୍ଚଳ ରେ ବହୁ ଲୋକ ଜମା ହେବା ପରେ ଉତ୍ତେଜନା ପ୍ରକାଶ ପାଇଥିଲା। ଲୋକମାନେ ଆକ୍ରମଣ କରିବାକୁ ଉଦ୍ୟତ ହେଉଥିବା ବେଳେ ଭୟ ରେ ଡ୍ରାଇଭର ଦୌଡ଼ି ଯାଇ ନିକଟସ୍ଥ ଓଡ଼ିଆରପି କଲୋନୀ ଭିତରକୁ ପଶି ଯାଇଥିଲା। ସେଠାରେ ଜନୈକ ବ୍ୟକ୍ତି ଙ୍କ ପାଇଖାନା ଘରେ ଲୁଚି ଯାଇ ଭିତର ପଟୁ କବାଟ ବନ୍ଦ କରି ଦେଇଥିବା ବେଳେ ବାହାରେ ଉତ୍ତ୍ୟକ୍ତ ଲୋକେ ଘେରି ରହିଥିଲେ।ଖବର ପାଇ ଖଲ୍ଲିକୋଟ ଥାନା ଅଧିକାରୀ ରମେଶ କୁମାର ପ୍ରଧାନ ସଦଳ ବଳେ ଘଟଣା ସ୍ଥଳ ରେ ପହଂଚି ଉତ୍ତ୍ୟକ୍ତ ଲୋକ ମାନଙ୍କୁ ଘଉଡ଼ାଇବା ସହିତ ପାଇଖାନା ଘରୁ ଡ୍ରାଇଭର କୁ ଉଦ୍ଧାର କରି ଥାନାକୁ ଆଣିଥିଲେ। ଡ୍ରାଇଭର ଜଣକ ବାଲେଶ୍ୱର ର ଏସ. କେ. ସାଫିଦ ବୋଲି ପୁଲିସ ସୂତ୍ର ରୁ ଜଣାପଡ଼ିଛି। ଡ୍ରାଇଭର କୁ ଥାନା ରେ ଅଟକ ରଖି ପୁଲିସ ପଚରାଉଚରା କରୁଥିବା ବେଳେ ଉଦ୍ଧାର ହୋଇଥିବା ୩୨ ଗୋଟି ମଇଁଷି କୁ କେଶପୁର ସରପଞ୍ଚ ବିଚିତ୍ର ଜାଲି ଙ୍କୁ ଜିମା ଦିଆଯାଇଥିବା ସୂଚନା ମିଳିଛି।

ମଇଁଷି ଚରାଳି ନିଖୋଜ, 24 ଘଣ୍ଟା ପରେ ପୋଖରୀରୁ ମିଳିଲା ମୃତ ଦେହ ||

ନୁଆଁ ବର୍ଷ ପାଇଁ ମଦ୍ୟପ ବ୍ୟକ୍ତି ଓ ମାଙ୍କ ଫୋଟ ଉଠା ପାଇଁ ମନ୍ଦିର ପ୍ରଶାସନ ର କଟକଣା ଜାରି |