Odisha Janamata : ଜଗତସିଂହପୁର ଜିଲ୍ଲା ରାହାମା ରେଞ୍ଜେର ଙ୍କ ଘରେ ଭିଜିଲାନ୍ସ ଚଢ଼ାଉ |

ଜଗତସିଂହପୁର ଜିଲ୍ଲା ରାହାମା ରେଞ୍ଜେର ଙ୍କ ଘରେ ଭିଜିଲାନ୍ସ ଚଢ଼ାଉ |

21-Dec-2025

ଭିଜିଲାନ୍ସ ରେଞ୍ଜର ଙ୍କ ଘରେ ଚଢ଼ାଉ, 200ଗ୍ରାମ ସୁନା ଓ ପ୍ରାୟ 4 ଲକ୍ଷ ଟଙ୍କା ଜବତ,

ଓଡିଶା ଜନ ମତ ବ୍ୟୁରୋ,

ବିଜେପି ସରକାର ରେ ଯିଏ ବି ଭୁଲ କରେ ତାକୁ ଦଣ୍ଡ ମିଳେ | ଆୟ ବହିର୍ଭୁତ ସଂପତ୍ତି ଠୁଳ ଅଭିଯୋଗରେ ଆଜି ଜଗତସିଂହପୁର ଜିଲ୍ଲା ରାହାମା ବନ ବିଭାଗ ରେଞ୍ଜର ରାଜେନ୍ଦ୍ର କୁମାର ସାମନ୍ତରାୟ
ଙ୍କ ଘରେ ଭିଜିଲାନ୍ସ ଚଢାଉ କରିଛି। ଭିଜିଲାନ୍ସ ବିଭାଗ ପକ୍ଷରୁ ୨ଜଣ ଆଡିସିନାଲ ଏସପି, ୫ ଜଣ ଡିଏସପି ଓ ୮ଜଣ ଇନ୍ସପେକ୍ଟରଙ୍କ ସମେତ ବିଭାଗୀୟ କର୍ମଚାରୀ ମାନେ ଏହି ଚଢ଼ାଉରେ ସାମିଲ ଥିବା ଜଣାଯାଇଛି। ରେଞ୍ଜରଙ୍କ ସାମନ୍ତରାପୁରରେ ଥିବା ଦ୍ବୀତଳ ବିଶିଷ୍ଟ ବାସଭବନ, ଚାଟର ଟରାରେ ଥିବା ତାଙ୍କ ତ୍ରିତଳିୟ ପ୍ରାସାଦ, ସାଁପୁରରେ ଥୂବା ତାଙ୍କ ରେଞ୍ଜ ଅଫିସ ଓ ଅଫିସକୁ ଲାଗି କ୍ୱାଟରକୁ ଭିଜିଲାନ୍ସ ବିଭାଗ ପକ୍ଷରୁ ଏକ ସହିତ ଚଢାଉ କରାଯାଇଥିଲା। ଚଡଉ ବେଳେ ନଗଦ ୩ଲକ୍ଷ ୫୦ହଜାର ଟଙ୍କା, ଆନୁମାନିକ ୨ଶହ ଗ୍ରାମ ସୁନା ଅଳଙ୍କାର ଓ ୬୭ ଲକ୍ଷ ଟଙ୍କାର ଜମା ରାଶି ଥିବା ପ୍ରାଥମିକ ସୂଚନା ମିଳିଛି। ଏଥି ସହିତ ଗୋଟିଏ ଚାରି ଚକିଆ ଓ ଦୁଇଟି ଦୁଇ ଚକିଆ ଯାନ ଥିବା ଏବଂ କଟକ ସହର ବାହାରେ ଏକ ପ୍ଲଟ ଓ ଜଗତସିଂହପୁର ଟାଉନ ଅଂଚଳରେ ଦୁଇଟି ମୂଲ୍ୟବାନ ପ୍ଲଟ ଠାବ କରା ଯାଇଥିବା ଜଣାପଡିଛି । ରେଞ୍ଜର ହୋଇ ଲୋକଙ୍କ ଠାରୁ ପୁଳା, ପୁଳା ଟଙ୍କାଅସତ ଉପାୟରେ ରୋଜଗାର କରୁଥିବା ରେଞ୍ଜର ଆଜି ହରଣ ଘଡ଼ାରେ ପଡି ଯାଇଛନ୍ତି |