Odisha Janamata : ରାଜ୍ୟ ରେ ହାଡ଼ ଭଙ୍ଗା ଶୀତ, ଜନ ଜୀବନ ଅସ୍ତ ବ୍ୟସ୍ତ |

ରାଜ୍ୟ ରେ ହାଡ଼ ଭଙ୍ଗା ଶୀତ, ଜନ ଜୀବନ ଅସ୍ତ ବ୍ୟସ୍ତ |

12-Dec-2025

୧୦ ଡିଗ୍ରୀ ତଳେ ୧୬ ସହର, ହାଡ଼ଭଙ୍ଗାଶୀତ ରେ ଥରୁଛି ସାରା ରାଜ୍ୟ,

ଓଡିଶା ଜନ ମତ ବ୍ୟୁରୋ ,

ବର୍ତ୍ତମାନ ସାରା ରାଜ୍ୟରେ ଶୀତ ର ଶୀତର ଲହରୀ ଖେଳାଇ ଯାଇଛି | ଯାହାଫଳ ରେ ଅସ୍ତବ୍ୟସ୍ତ ଜନ ଜୀବନ | ହାଡ଼ ଭଙ୍ଗା ଶୀତ ପାଇଁ ସହର ଓ ମଫସଲ ର ଅଧିକାଂଶ ସ୍ଥାନରେ ଲୋକେ ନିଆଁ ଜାଳି ଶୀତରୁ ରକ୍ଷା ପାଉଛନ୍ତି ତ ଅଫିସର ଠାରୁ ଆରମ୍ଭ କରି କର୍ମଚାରୀ ମାନେ ଶୀତ ବସ୍ତ୍ର ପରିଧାନ କରି କାର୍ଯ୍ୟାଳୟ କୁ ଯାଉଥିବାର ଦେଖା ଯାଉଛି | ସକାଳେ ଏବଂ ସନ୍ଧ୍ୟାରେ ଶୀତ ପାଇଁ କୁହୁଡି ପଡୁଥିବାରୁ ଥଣ୍ଡା ର ପରିମାଣ ବେଶି ମାତ୍ରାରେ ଅନୁଭୂତ ହୋଉ ଥାଏ | ରାଜ୍ୟରେ ଶୀତ କାୟା ବିସ୍ତାର କରିଥିବା ବେଳେ ବହୁ ସ୍ଥାନରେ ପାରଦ୧୦ ଡିଗ୍ରୀ ତଳେ ରହିଛି । ବିଗତ ଦୁଇ ସପ୍ତାହ ହେବ ହାଡ଼ଭଙ୍ଗା ଶୀତରେ ଥରୁଛି ସାରା ଓଡ଼ିଶା । ତେବେ ୧୦ ଡିଗ୍ରୀ ତଳେ10ଗୋଟି ସହର ରହିଛି ।ସେମିଳିଗୁଡ଼ା ରେ ସର୍ବନିମ୍ନ ୩.୫ରହିଥ‌ିବା ବେଳେ ଜି. ଉଦୟଗିରି ୪,ଫୁଲବାଣୀ ୫.୨ ଡିଗ୍ରୀ, ଚିପିଲିମା୬.୧, ରାଉରକେଲା ୬.୬,ଝାରସୁଗୁଡ଼ା ୬.୮ ଡିଗ୍ରୀ ତାପମାତ୍ର ରହିଛି । ସେହିପରି ଦାରିଙ୍ଗବାଡ଼ି୭,ଭବାନୀ ପାଟଣା ଓ ଅନୁଗୋଳ ୮, କୋରେଇ ୮.୧ ଡିଗ୍ରୀ, ନବରଙ୍ଗପୁର ୮.୬, କୋରାପୁଟ ଓ ବଲାଙ୍ଗୀର ୯.୩ ଡିଗ୍ରୀ, କେନ୍ଦୁଝର ଓ ସୁନ୍ଦରଗଡ଼ ୯.୬, ସୋନପୁର ତାପମାତ୍ରା ୧୦ ଡିଗ୍ରୀ ରହିଛି । ପ୍ରବଳ ଶୀତ ଓ ଘନ କୁହୁଡ଼ି ଯୋଗୁ ଜନଜୀବନ ପ୍ରଭାବିତ ହେଉଛି । ଏପରିକି ପ୍ରବଳ ଶୀତ ଯୋଗୁ ରାସ୍ତା ପାର୍ଶ୍ଵରେ ରହି ବ୍ୟବସାୟ କରୁଥିବା ସ୍ଥାନୀୟ ଚାଷୀ, ଦିନ ମଜୁରିଆମାନେ ବେଶୀ ପ୍ରଭାବିତ ହେଉଛନ୍ତି । ଏଣେ ଶୀତର ମଜା ନେବା ପାଇଁ ରାଜ୍ୟବାହାରୁ ପର୍ଯ୍ୟଟକଙ୍କ ସଂଖ୍ୟା ବଢ଼ି ଚାଲିଛି । କନ୍ଧମାଳ ଜିଲାର ହିଲଟପ, କଫି ବଗିଚା, କଳିଙ୍ଗା ଘାଟି ଓ ବଟନିକାଲ ଗାର୍ଡେନ ଭଳି ବହୁ ପର୍ଯ୍ୟଟନ ସ୍ଥଳୀ ଗୁଡ଼ିକର ପ୍ରାକୃତିକ ସୌନ୍ଦର୍ଯ୍ୟର ମଜା ନେବା ପାଇଁ ପର୍ଯ୍ୟଟକଙ୍କ ସଂଖ୍ୟା ବୃଦ୍ଧି ପାଉଛି । ଏପଟେ ମଜା ନେବାପାଇଁ ଯୁବକ ମାନେ ଆଗ୍ରହ ପ୍ରକାଶ କରୁଥିବା ବେଳେ ଶୀତ ର ପ୍ରାପକୋ ରେ ବୟସା ଧିକ ବୁଢ଼ା, ବୁଢ଼ୀ ମାନେ ଶୀତ ସହି ନପାରି ପ୍ରାଣ ତ୍ୟାଗ କରୁ ଥିବାର ଦେଖା ଦେଇଛି |