Odisha Janamata : ମାରଦା ମହୋତ୍ସବ 2026 ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ |

ମାରଦା ମହୋତ୍ସବ 2026 ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ |

07-Dec-2025

ମାରଦା ମହୋତ୍ସବ -୨୦୨୬ ପାଇଁ ପ୍ରସ୍ତୁତି ବୈଠକ।

ଓଡ଼ିଶା ଜନମତ ପୋଲସରା ସନ୍ତୋଷ କୁମାର ପଣ୍ଡା
ପୋଲସରା ତା.୦୭/୧୨/୨୦୨୫:- ଆଜି ପୋଲସରା ବ୍ଲକ୍ ମଥୁରା ଗ୍ରାମ ପଞ୍ଚାୟତ ସ୍ଥିତ ଶରଣ ଶ୍ରୀକ୍ଷେତ୍ର ମାରଦା ଠାରେ ଆସନ୍ତା ୨୦୨୬ ଜାନୁୟାରୀ ମାସ ୧୪,୧୫ ଓ ୧୬ ତାରିଖ ଶ୍ରୀଦିବସୀୟ ରାଜ୍ୟ ସ୍ତରୀୟ ମାରଦା ମହୋତ୍ସବ ସକାଶେ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ଗଂଜାମ ଜିଲ୍ଲାପାଳ ଭି.କୀର୍ତ୍ତିଭାସନଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାକାର୍ଯ୍ୟରେ ମୁଖ୍ୟ ଅତିଥିଭାବେ ପୋଲସରା ବିଧାୟକ ତଥା ରାଜ୍ୟ ମତ୍ସ୍ୟ ଓ ପଶୁସମ୍ପଦ ବିଭାଗ ମନ୍ତ୍ରୀ ଗୋକୁଳାନନ୍ଦ ମଲ୍ଲିକ ଯୋଗଦେଇ ପ୍ରଦୀପ ପ୍ରଜ୍ବଳନ ପୂର୍ବକ କାର୍ଯ୍ୟକ୍ରମକୁ ଶୁଭ ଉଦଘାଟନ କରିଥିବା ବେଳେ ସମ୍ମାନୀତ ଅତିଥିଭାବେ ଗଂଜାମ ଏସପି ଶୁଭେନ୍ଦୁ ପାତ୍ର, ଉପଜିଲ୍ଲାପାଳ ଡ଼ଃ ଶିବାଶିଷ ବରାଳ , ଘୁମୁସର ବନଖଣ୍ଡ ଭଞ୍ଜନଗର ଅଧିକାରୀ ବିପାଶା ପାରୁଲ,ଜିଲ୍ଲା ସଂସ୍କୃତି ବିଭାଗ ଅଧିକାରୀ ଅଦିତି ଆଚାର୍ଯ୍ୟ, ମାରଦା ମହୋତ୍ସବ କମିଟି ଉପସଭାପତି ପ୍ରଭାକର ପଣ୍ଡା,ପୋଲସରା ବ୍ଲକ୍ ଅଧ୍ୟକ୍ଷା କଳ୍ପନାପ୍ରଧାନ,ଏନଏସିନଗରପାଳସଂଯୁକ୍ତାବେହେରା, ପୋଲସରା ତହସିଲଦାର ଦିପ୍ତିମୟୀ ପାତ୍ର ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ। ଏହି ଅବସରରେ ପୂର୍ବବର୍ଷ ଠାରୁ ଆହୁରି ଅଧିକ ଆକର୍ଷଣୀୟ ଭବ୍ୟଦିବା, ବର୍ଣ୍ଣାତ୍ୟ ପରିବେଶରେ ଉକ୍ତ ପ୍ରଶିଦ୍ଧ ମହୋତ୍ସବ କିଭଳି ଭାବେ ଶାନ୍ତିଶୃଙ୍ଖଳା ଓ ନିର୍ବିଘ୍ନ ପ୍ରକାରେ ସମ୍ପନ୍ନ ହେବ ସେଥିଉପରେ ଗୁରୁତ୍ଵ ଦିଆଯିବା ସହିତ ବୈଠକରେ ଉପସ୍ଥିତ ବିଭିନ୍ନ ବିଭାଗୀୟ ଅଧିକାରୀମାନଙ୍କୁ ସମୟସୀମା ମଧ୍ୟରେ ସମସ୍ତ ପ୍ରକାର ପ୍ରସ୍ତୁତି ଶେଷ କରିବାକୁ ପରାମର୍ଶ ଦିଆଯାଇଥିଲା।ବିଶେଷ କରି ନିରବିଛିନ ଆଲୋକ,ପିଇବାପାଣି, ଗମନାଗମନ ସୁରକ୍ଷା ଉପରେ ମନ୍ତ୍ରୀ ଏବଂ ସ୍ବାସ୍ଥ୍ୟ ଏଵଂ ଅଗ୍ନିନିରାପତ୍ତା ଜିଲ୍ଲାପାଳ ମହୋଦୟ ଗୁରୁତ୍ଵ ଦେଇଥିଲେ। ଏଥିରେ ବିଡ଼ିଓ ଶଶିଭୂଷଣ ମହାପାତ୍ର ଥାନା ଆଇଆଇସି କୌସିକ ମାଝୀ ମନ୍ଦିର ପରିଚାଳନା କମିଟି, କର୍ମକର୍ତ୍ତା, ସଂଗଠକ,ସ୍ୱେଚ୍ଛାସେବୀବୁଦ୍ଧିଜୀବୀ,ମଥୁରା ପଞ୍ଚାୟତବାସୀଙ୍କ ସମେତ ପୋଲସରା ଉପନଗରପାଳ ସନ୍ତୋଷ କୁମାର ବେହେରା, ଅଭ୍ୟର୍ଥନା କମିଟିର ସଦସ୍ୟବୃନ୍ଦ ଉପସ୍ଥିତ ରହି ସହଯୋଗ କରିଥିଲେ। ମହନ୍ତ ଶ୍ରୀରାମ ଦାସ ମହାରାଜ ପୂର୍ବବର୍ଷ ମହୋତ୍ସବର ବିବରଣୀ ପ୍ରଦାନ କରିଥିବାବେଳେ ଶେଷରେ ଜିଲ୍ଲାପାଳ ମହୋଦୟ ମହୋତ୍ସବର ସଫଳତା କାମନା କରିବା ସହିତ ଉପସ୍ଥିତ ସମସ୍ତଙ୍କୁ ଧନ୍ୟବାଦ୍ ଅର୍ପଣ କରିଥିଲେ।