Odisha Janamata : ତହସିଲଦାର ଙ୍କୁ ଅଶାଳୀନ ମନ୍ତବ୍ୟ ଦେଈ ବନ୍ଧା ହେଲେ ରାସଗୋବିନ୍ଦ ପୁର ଷ୍ଟାମ୍ପ ଭେଣ୍ଡର |

ତହସିଲଦାର ଙ୍କୁ ଅଶାଳୀନ ମନ୍ତବ୍ୟ ଦେଈ ବନ୍ଧା ହେଲେ ରାସଗୋବିନ୍ଦ ପୁର ଷ୍ଟାମ୍ପ ଭେଣ୍ଡର |

30-Nov-2025

ରାସ ଗୋବିନ୍ଦ ପୁର ଷ୍ଟାମ୍ପ ଭେଣ୍ଡର ତହସିଲଦାର ଓ ବିଭାଗୀୟ କର୍ମଚାରୀଙ୍କୁ ଅଶାଳୀନ ବ୍ୟବହାର କରି ବନ୍ଧା ହେଲେ |

ଓଡିଶା ଜନ ମତ ବ୍ୟୁରୋ,

ବେଳେ ବେଳେ କିଛି ଲୋକ ନିଜର କଥା କହିବାର ଶୈଳୀଓ ବ୍ୟବହାର ଯୋଗୁଁ ବହୁ ଅସୁଵିଧାର ସମ୍ମୁଖୀନ ହୋଇ ବେଳେ ବେଳେ ଜେଲ ଯାଇଥିବାର ଶୁଣା ଯାଉଛି |ଏପରି ଏକ ଦୃଶ୍ୟ ଦେଖିବାକୁ ମିଳିଛି ମୟୁରଭଞ୍ଜ ଜିଲ୍ଲା ରାସଗୋବିନ୍ଦପୁର ବ୍ଲକ ରେ ଥିବା ତହସିଲ କାର୍ଯ୍ୟାଳୟ ଓ ସବରେଜିଷ୍ଟ୍ରାର ରେ ଜଣେ ଷ୍ଟାମ୍ପ ଭେଣ୍ଡର ବାରମ୍ବାର ବିଭିନ୍ନ କର୍ମଚାରୀଙ୍କୁ ଗାଳିଗୁଲଜ ସହିତ ଅଶାଳୀନ ବ୍ୟବହାର ପ୍ରଦର୍ଶନ କରି ଆସୁଥିଲେ । ଯାହାକୁ ନେଇ ତହସିଲଦାର ତଥା ସବରେଜିଷ୍ଟ୍ରାର ଦାୟିତ୍ୱ ରେ ଥ‌ିବା ଉପେନ୍ଦ୍ର କୁମାର ଦାସ ଥାନା ରେ ଅଭିଯୋଗ କରିଥିଲେ । ସୂଚନାଯୋଗ୍ୟ ଜମିକିଣା ବିକାକୁ ନେଇ କୋହୋଳ ମନଭାବ ପୋଷଣ କରିବା ସବରେଜିଷ୍ଟର ଚାର୍ଜ ରେ ଥିବା ତହସିଲଦାର ସହିତ ବିଭାଗୀୟ କର୍ମଚାରୀ ଙ୍କୁ ବିଭିନ୍ନ କାର୍ଯ୍ୟ ପାଇଁ ଚାପ ପକାଇବା କୁ ଚେଷ୍ଟା କରୁଥିଲେ ଷ୍ଟାମ୍ପ ଭେଣ୍ଡର ଜଣକ | ସେହେଉଛନ୍ତି ନାକିଚୁଆ ପଂଚାୟତ ଅନ୍ତର୍ଗତ ପରୁଳିଆ ଗାଁ ର ନରେନ୍ଦ୍ର ଚାନ୍ଦ | ସେ ଷ୍ଟାମ୍ପ ଭେଣ୍ଡର ଭାବେ କାର୍ଯ୍ୟ କରୁଥିଲେ | ତହସିଲଦାର ନିୟମ ଅନୁସାରେ କାମ ହେବ କହିବା ପରେ ତହସିଲଦାର ଙ୍କ ଚେମ୍ବର ରେ ପ୍ରବେଶ କରି ଅଶାଳୀନ ବ୍ୟବହାର ସହିତ ଅଶ୍ଳୀଳ ଭାଷା ରେ ଗାଳିଗୁଲଜ କରି ବିଭିନ୍ନ ପ୍ରକାର ଧମକପୂର୍ଣ କଥା କହିଥିଲେ । ସେହିପରି ତହସିଲ ର କାର୍ଯ୍ୟ କରୁଥିବା ମହିଳା କର୍ମଚାରୀ ଙ୍କୁ ମଧ୍ୟ ଖରାପ ବ୍ୟବହାରକରି ଥିଲେ । ଯାହା ଫଳରେ ତହସିଲ ଓ ସବରେଜିଷ୍ଟ୍ରାର କାର୍ଯ୍ୟାଳୟ ରେ କାର୍ଯ୍ୟରତ କର୍ମଚାରୀ ମାନେ କାର୍ଯ୍ୟ କରିବାରେ ଅସୁବିଧା ର ସମୁଖୀନ ହେଉଥିଲେ । ତଥାପି ତହସିଲଦାର ବହୁତ ବୁଝାଇବାକୁ ଚେଷ୍ଟା କରିଥଲେ ମଧ୍ୟ ସେ କୌଣସି କଥା କୁ ଭ୍ରୂକ୍ଷେପ ନ କରିବାରୁ ତହସିଲଦାର ଆଇନ ର ଆଶ୍ରୟ ନେଇ ରାସଗୋବିନ୍ଦ
ପୁର ଥାନା ରେ ଅଭିଯୋଗ କରିଥିଲେ । ଉକ୍ତ ଅଭିଯୋଗ ଆଧାରରେ ରାସଗୋବନ୍ଦପୁର ଥାନ ଅଧିକାରୀ ଘଟଣା ର ତଦନ୍ତ କରି ଷ୍ଟାମ୍ପ ଭେଣ୍ଡର ନରେନ୍ଦ୍ର ଚାନ୍ଦ କୁ ଗିରଫ କରି ଛନ୍ତି । ଭେଣ୍ଡର ଚାନ୍ଦ ମଧ୍ଯ ତହସିଲଦାର ଙ୍କ ନାମ ରେ ପାଲଟା ଅଭିଯୋଗ କରିଛନ୍ତି । ସବ ଡିଭିଜନ ଅଧୀନସ୍ଥ ରାସଗୋବିନ୍ଦପୁର ଉପ ନିବନ୍ଧକଙ୍କ କାର୍ଯ୍ୟାଳୟରେ ଜମି ବାଡି କିଣା ବିକାରେ ବ୍ୟାପକ ଭାବେ ଓଡିଶା ରେଜିଷ୍ଟ୍ରେସନ ଆଇନ ଉଲଂଘନ କରାଯାଇ ବହୁ ପ୍ରକାରର ବେନିୟମ କାର୍ଯ୍ୟ ଚାଲି ଆସୁଥିବା ସ‌ହିତ ନିୟମ ଅନୁଯାୟୀ କାର୍ଯ୍ୟ ନ ହେବାରୁ ସାଧାରଣ ଲୋକେ ହୋଇରାଣ ହରକତ ହେଉଥବା ଭଳି ଲିଖତ ଅଭିଯୋଗ ହୋଇଛି । ଏହା ଉପରେ ଭେଣ୍ଡର ଙ୍କ ଅଭିଯୋଗ ଭିତିହୀନ ବୋଲି ତହସିଲଦାର କହିଛନ୍ତି । ତେବେ ଷ୍ଟାମ୍ପ ଭେଣ୍ଡର ନରେନ୍ଦ୍ର ଚାନ୍ଦ ଙ୍କୁ ବିଚାର ବିଭାଗୀୟ ହାଜତକୁ ପଠାଯାଇଛି ।