Odisha Janamata : ସ୍କାଉଟ ଏବଂ ଗାଇଡ଼ସର କ୍ୟାମ୍ପ "ଉଡାଣ ` ଉଦଘାଟିତ |

ସ୍କାଉଟ ଏବଂ ଗାଇଡ଼ସର କ୍ୟାମ୍ପ "ଉଡାଣ ` ଉଦଘାଟିତ |

19-Nov-2025

ସ୍କାଉଟସ୍ ଏବଂ ଗାଇଡସ୍‌ର କ୍ୟାମ୍ପ୍ “ଉଡାନ୍” ଉଦ୍‌ଘାଟିତ::25 ଜିଲ୍ଲାର 750 ରୁ ଉର୍ଦ୍ଧ ସ୍କାଉଟ ଗାଇଡି ଙ୍କ ଯୋଗଦାନ

ଓଡିଶା ଜନମତ, ଖୋର୍ଦ୍ଧା, ଗୋପାଲକୃଷ୍ଣ ପ୍ରଧାନ,

ଓଡିଶା ରାଜ୍ୟ ଭାରତ ସ୍କାଉଟସ୍ ଏବଂ ଗାଇଡସ୍ ଆନୁକୂଲ୍ୟରେ ରାଜ୍ୟ କାର୍ଯ୍ୟାଳୟ ପରିସରରେ ଆୟୋଜିତ କ୍ୟାମ୍ପ “ ଉଡାନ୍” ତା୧୯.୧୧.୨୦୨୫ ରିଖ ସନ୍ଧ୍ୟା ୫ ଘଟିକା ସମୟରେ ଉଦ୍‌ଘାଟିତ ହୋଇଅଛି । ୨୫ ଗୋଟି ଜିଲ୍ଲାରୁ ୭୫୦ ରୁ ଊର୍ଦ୍ଧ୍ଵ ସ୍କାଉଟ, ଗାଇଡ୍ ଏହି କ୍ୟାମ୍ପରେ ଯୋଗଦାନ କରିଛନ୍ତି । ଜାତୀୟ ଉପସଭାପତି ତଥା ରାଜ୍ୟ ମୁଖ୍ୟ କମିଶନର ଡଃ କାଳିପ୍ରସାଦ ମିଶ୍ରଙ୍କ ପୌରହିତ୍ୟରେ ମୁଖ୍ୟ ଅତିଥି ଶ୍ରୀଯୁକ୍ତ ବାବୁ ସିଂହ, ମାନ୍ୟବର ବିଧାୟକ ଭୁବନେଶ୍ଵର (ଏକାମ୍ର), ଶ୍ରୀମତୀ ଶୁଭଶ୍ରୀ ନନ୍ଦ, ଆଇଏଏସ୍, ଯୋଜନା ଓ ଏକାଭିମୁଖତା ବିଭାଗ ଅତିରିକ୍ତ ସଚିବ ଏବଂ ସମ୍ମାନୀତ ଅତିଥି ଭାବେ ଶ୍ରୀଯୁକ୍ତ ବିରେନ୍ଦ୍ର କୋରକୋରା, ଆଇଏଏସ୍, ନିର୍ଦ୍ଦେଶକ ମାଧ୍ୟମିକ ଶିକ୍ଷା ପ୍ରଦୀପ ପ୍ରଜ୍ବଳନ କରି ଉକ୍ତ ଶିବିରକୁ ଆନୁଷ୍ଠାନିକ ଭାବେ ଉଦ୍‌ଘାଟନ କରିଥିଲେ ।
ରାଜ୍ୟ ମୁଖ୍ୟ କମିଶନର ଡଃ ମିଶ୍ର ଏହି “ ଉଡାନ୍” କ୍ୟାମ୍ପର ଉଦ୍ଦେଶ୍ୟ ବିଷୟରେ ଅବଗତ କରାଇଥିଲେ । ଏହି କ୍ୟାମ୍ପରେ ଛାତ୍ର ଛାତ୍ରୀମାନଙ୍କ ମଧ୍ୟରେ ସମନ୍ଵୟ ରକ୍ଷାକରି ପାରସ୍ପରିକ ସ୍ନେହ ଓ ବନ୍ଧୁତା ସ୍ଥାପନ ପୂର୍ବକ ସମାଜରେ ଭାଇଚାରାର ଭାବ ଉଦ୍ରେକ କରିବା ପାଇଁ ପ୍ରେରଣାଦାୟକ ହେବ ବୋଲି ମୁଖ୍ୟ ଅତିଥି ଶ୍ରୀଯୁକ୍ତ ସିଂହ ମତବ୍ୟକ୍ତ କରିଥିଲେ । ସେହିପରି ଶ୍ରୀମତୀ ନନ୍ଦ ଏବଂ ଶ୍ରୀଯୁକ୍ତ କୋରକୋରା ନିଜ ବକ୍ତବ୍ୟରେ କହିଥିଲେ ଯେ ପ୍ରତ୍ୟେକ କାର୍ଯ୍ୟରେ ଓଡିଶା ସଂଗଠନ ସବୁବେଳେ ଅଗ୍ରଣୀ ଭୂମିକା ନିର୍ବାହ କରି ଆସୁଛି |
ଏହି ଅବସରରେ ପିଲାମାନଙ୍କ ମଧ୍ୟରେ ଶାରୀରିକ କଳା ପ୍ରଦର୍ଶନ, ଯୋଗ, ବକ୍ତୃତା, ଖାଦ୍ୟମେଳା, ଦଳଗତ ନୃତ୍ୟ ପ୍ରତିଯୋଗିତା ଅନୁଷ୍ଠିତ ହେଉଛି ।
ରାଜ୍ୟ ସମ୍ପାଦକ ଶ୍ରୀଯୁକ୍ତ ଶରତ ଚନ୍ଦ୍ର ପାଇକରାୟ ଧନ୍ୟବାଦ ଅର୍ପଣ କରିଥିଲେ । ଶେଷରେ ସ୍କାଉଟ ଓ ଗାଇଡ୍‌ମାନଙ୍କ ଦ୍ଵାରା ଆକର୍ଷଣୀୟ ନୃତ୍ୟ ପରିବେଷଣ କରାଯାଇଥିଲା ।