Breaking
News
Breaking
News
Breaking
News
11-Nov-2025
ଚିଲିକାରୁ ଚିଙ୍ଗୁଡ଼ି ରପ୍ତାନୀ ଉପରେ ମାଫିଆ ଙ୍କ ଲୋଲୁପ ଦୃଷ୍ଟି,
ମରାଳ ମାଳିନୀ ନୀଳମ୍ଭୁ ଚିଲିକାରୁ ଉପ୍ପାଦିତ ବିଭିନ୍ନ ମାଛ, କଙ୍କଡା, ଓ ଚିଙ୍ଗୁଡ଼ି ନିଜ ରାଜ୍ୟ ସହ ଦେଶ ବିଦେଶ ରେ ବହୁ ପ୍ରସିଦ୍ଧ ଲାଭ କରିଛି | ତେଣୁ ରାଜ୍ୟ ସରକାର ଏହାଉପରେ ମଧ୍ୟ ବହୁତ ଗୁରୁତ୍ୱ ଦେଉଛନ୍ତି |କିନ୍ତୁ ଦୁଃଖ ଓ ପରିତାପର ବିଷୟ ଏହିକି ଯେ ଏଠାରୁ ଉତ୍ପାଦିତ
ବାଗଦା ଚିଙ୍ଗୁଡ଼ି ବହୁ ମୂଲ୍ୟବାନ ଅଟେ। ଏହି ବାଗଦା ରାଣୀ ଚିଙ୍ଗୁଡି ଉପରେ ବିଦେଶକୁ ରପ୍ତାନି କରୁଥିବା ଚିଙ୍ଗୁଡ଼ି ମାଫିଆମାନଙ୍କର ଲୋଲୁପ ଦୃଷ୍ଟି ପଡ଼ିଛି । ଯାହାଦ୍ବାରା ଚିଲିକାରୁ ଏହି ମୂଲ୍ୟବାନ ଚିଙ୍ଗୁଡ଼ି ବିଦେଶକୁ ରପ୍ତାନି କରି ପ୍ରଚୁର ଅର୍ଥ ଉପାର୍ଜନ କରୁଛନ୍ତି । କିଛି ନ୍ୟସ୍ତ ସ୍ବାର୍ଥ ମତ୍ସ୍ୟଜୀବୀ ମାଫିଆ ମାନଙ୍କ ସହାୟତା ରେ ସିପକୁଦା ମୁହାଁଣରୁଆଲିମି ଜାଲ ମାଧ୍ୟମରେ ଜାଆଁଳ ମାଛ ଚିଙ୍ଗୁଡ଼ି ସହ ବାଗଦା ରାଣୀ ଚିଙ୍ଗୁଡି ଧରୁଛନ୍ତି ଓ ମାଫିଆ ମାନେ ଏହି ବାଗଦା ରାଣୀ ଚିଙ୍ଗୁଡିକୁ ରାଜ୍ୟ ବାହାରକୁ ରପ୍ତାନୀ କରୁଛନ୍ତି। ତେବେ ରାଣୀ ଚିଙ୍ଗୁଡିକୁ ବହୁ ଦାମରେ ରାଜ୍ୟ ବାହାରକୁ ଚାଲାଣ କରା ଯାଉଛି । ରାଣୀ ଚିଙ୍ଗୁଡ଼ି ୬ ଗୋଟିରେ ଏକ କିଲୋ ହେଉଥିବାବେଳେ ଗୋଟିଏ ରାଣୀ ଚିଙ୍ଗୁଡିର ମୂଲ୍ୟ ପ୍ରାୟ ୩ଶହରୁ ୫ଶହ ଟଙ୍କା ରହିଛି । ଏହି ରାଣୀଚିଙ୍ଗୁଡି ରାଜ୍ୟ ବାହାରକୁ ରପ୍ତାନୀ କରା ନଯାଇ ଏଠାରେଫାର୍ମ ହାଉସ୍ କରାଯାଇ ଚିଙ୍ଗୁଡି ଜାଆଁଳ ଛାଡ଼ି ଚାଷ କରାଗଲେ ଏଠାକାର ବହୁ ମତ୍ସ୍ୟଚାଷୀ ଉପକୃତ ହୋଇପାରନ୍ତେ । ଏଥିପ୍ରତି ପ୍ରତି ରାଜ୍ୟ ସରକାର ତଥା ମତ୍ସ୍ୟ ପ୍ରଶିକ୍ଷଣ (ଫିସାରୀ) ବିଭାଗ ଓ ଚିଲିକା ଉନ୍ନୟନ ପରିଷଦ ଦୃଷ୍ଟି ଦେବାକୁ ସାଧାରଣରେ ଦାବି ହେଉଛି। ଏବଂ ଚଙ୍ଗୁଡ଼ି ମାଫିଆ ମାନଙ୍କ ଉପରେ ଦୃଢ଼ କାର୍ଯ୍ୟନୁଷ୍ଠାନ ଗ୍ରହଣ କରାଗଲେ ରାଣୀ ଚିଙ୍ଗୁଡ଼ି ଚାଷ ଆହୁରି ବେଶ ଭଲ ହୋଇ ପାରିବ |
Copyright @ 2024 All rights reserved. ଓଡିଶା ଜନମତ
BACK TO TOP