Odisha Janamata : ଖଲ୍ଲିକୋଟ, "ମାତୃ ଭାରତୀ `ଶିଶୁ ବିକାଶ ବିଦ୍ୟା ମନ୍ଦିର ତରଫରୁ "ମାତୃ ଭାରତୀ " ଅନୁଷ୍ଠିତ |

ଖଲ୍ଲିକୋଟ, "ମାତୃ ଭାରତୀ `ଶିଶୁ ବିକାଶ ବିଦ୍ୟା ମନ୍ଦିର ତରଫରୁ "ମାତୃ ଭାରତୀ " ଅନୁଷ୍ଠିତ |

11-Nov-2025

ଖଲ୍ଲିକୋଟ : ଶିଶୁ ବିକାଶ ବିଦ୍ୟା ମନ୍ଦିର ପକ୍ଷରୁ "ମାତୃ ଭାରତୀ" ଅନୁଷ୍ଠିତ,

ଓଡିଶା ଜନ ମତ ବ୍ୟୁରୋ ,

ଭାରତୀୟ ଶିକ୍ଷା ଓ ଗବେଷଣା ପ୍ରତିଷ୍ଠାନ, ଭୁବନେଶ୍ୱରଙ୍କ ମାର୍ଗ ଦର୍ଶନରେ ପରିଚାଳିତ ଶିଶୁ ବିକାଶ ବିଦ୍ୟା ମନ୍ଦିର, ଖଲ୍ଲିକୋଟ, ଗଂଜାମ ତରଫରୁ ଏକ ମନୋଜ୍ଞ ମାତୃ ଭାରତୀ ସମ୍ମିଳନୀ ଅନୁଷ୍ଠିତ ହୋଇଯାଇଛି । ବିଦ୍ୟାମନ୍ଦିରର ସମ୍ପାଦକ ଭାଗିରଥି ସ୍ୱାଇଁ ପ୍ରାକ୍ ସୂଚନା ପ୍ରଦାନ କରିଥିଲା ବେଳେ ଅନୁଷ୍ଠାନର ପ୍ରଧାନ ଆଚାର୍ଯ୍ୟା ଅନୁସୂୟା ମହାରଣା ଅତିଥିମାନଙ୍କୁ ସ୍ବାଗତ ଜଣାଇ ମାତୃ ଦିବସ ଆୟୋଜନର ଉଦ୍ଦେଶ୍ୟ ସମ୍ପର୍କରେ ଅଭିହିତ କରିଥିଲେ । ଅନୁଷ୍ଠାନରେ କାର୍ଯ୍ୟରତ ସହକାରୀ ଆଚାର୍ଯ୍ୟାମାନେ ପ୍ରାରମ୍ଭିକ ସଂଗୀତ ପରିବେଷଣ କରିଥିଲେ । ଏହି ଅବସରରେ ଆୟୋଜିତ ଉତ୍ସବରେ ବିଦ୍ୟାମନ୍ଦିରରେ ପଠନ ରତ ଛାତ୍ର ଛାତ୍ରୀଙ୍କ ମାଆମାନେ ଯୋଗଦାନ କରିଥିଲେ । ଉତ୍ସବରେ ଅର୍ଗସ ଟିଭିର ବରିଷ୍ଠ ସାମ୍ବାଦିକ ଅଶୋକ କୁମାର ତ୍ରିପାଠୀ, ଯୁବ ଚିତ୍ରଶିଳ୍ପୀ ହରିହର ବେହେରା, ସି ଆର ସି ସି ତଥା ଯୁବ ସାହିତ୍ୟିକ ଡକ୍ଟର ଦ୍ବାରିକାନାଥ ମହାରଣା ପ୍ରମୁଖ ଯୋଗଦେଇ ସମାଜରେ ମାଆମାନଙ୍କ ଅବଦାନ ବ୍ୟତୀତ ଛୁଆଙ୍କ ଜୀବନ ମହାନ ହୋଇପାରେନା ବୋଲି ମତବ୍ୟକ୍ତ କରିବା ସହିତ ପୁଅଝିଅଙ୍କ ପ୍ରତି ମାଆଙ୍କ ଦାୟିତ୍ଵବୋଧ, ମାର୍ଗ ଦର୍ଶନରେ ଭୂମିକା, ଉତ୍ତମ ମଣିଷ କରି ଗଢି ତୋଳିବାରେ ତ୍ୟାଗ ଉତ୍ସର୍ଗ, ରାଷ୍ଟ୍ର ପ୍ରତି ସେବା ମନୋବୃତ୍ତି ପୋଷଣ କରିବା ଭଳି ବହୁବିଧ ଦିଗ ବିଷୟରେ ସାରସ୍ୱତ ଆଲୋଚନା କରିଥିଲେ । ଅନୁଷ୍ଠାନ ପକ୍ଷରୁ ଉପସ୍ଥିତ ମାଆମାନଙ୍କୁ ନେଇ ରଙ୍ଗୋଲି, ହୁଳହୁଳି, ଝୋଟିଚିତା, ନୃତ୍ୟ, ସଂଗୀତ ଆଦି ପ୍ରତିଯୋଗିତାର ଆୟୋଜନ କରାଯାଇଥିଲା । କୃତୀ ପ୍ରତିଯୋଗୀଙ୍କୁ ଆଗାମୀ ଉତ୍ସବରେ ପୁରସ୍କୃତ କରାଯିବ ବୋଲି ବିଦ୍ୟାମନ୍ଦିରର ସମ୍ପାଦକ ଭାଗିରଥି ସ୍ୱାଇଁ ମତପ୍ରକାଶ କରିଛନ୍ତି ।
ବିଦ୍ୟାମନ୍ଦିରର ସହକାରୀ ଆଚାର୍ଯ୍ୟା କାଜଲ ବାରିକ, ସୁବାସିନୀ ଖଟୁଆ, ଅଲିଭା ରାଣୀ ତ୍ରିପାଠୀ ପ୍ରମୁଖ ମେଳାରେ ଉପସ୍ଥିତ ଥିଲେ ।ପରିଶେଷରେ ସମ୍ପାଦକ ଶ୍ରୀଯୁକ୍ତ ସ୍ୱାଇଁ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।