Odisha Janamata : ଖୋର୍ଦ୍ଧା ଜିଲ୍ଲା ଶିକ୍ଷା ପ୍ରତିଷ୍ଠାନ ରେ ନବାଗତ ଛାତ୍ର, ଛାତ୍ରୀଙ୍କୁ ସ୍ୱାଗତ ଓ ଦୀକ୍ଷାରମ୍ଭ

ଖୋର୍ଦ୍ଧା ଜିଲ୍ଲା ଶିକ୍ଷା ପ୍ରତିଷ୍ଠାନ ରେ ନବାଗତ ଛାତ୍ର, ଛାତ୍ରୀଙ୍କୁ ସ୍ୱାଗତ ଓ ଦୀକ୍ଷାରମ୍ଭ

10-Nov-2025

ଖୋର୍ଦ୍ଧା ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନ ରେ ନବାଗତ ଛାତ୍ରଛାତ୍ରୀ ଙ୍କୁ ସ୍ୱାଗତ ଓ ଦୀକ୍ଷାରମ୍ଭ କାର୍ଯ୍ୟକ୍ରମ

ଓଡିଶା ଜନମତ, ଖୋର୍ଦ୍ଧା, ଗୋପାଳ କୃଷ୍ଣ ପ୍ରଧାନ

ଖୋର୍ଦ୍ଧା ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନ (ଡାଏଟ ) ରେ ଡିଏଲଇଡି ପାଠ୍ୟକ୍ରମ ରେ ନୂତନ ଭାବେ ନାମ ଲେଖାଇ ଥ‌ିବା ଛାତ୍ର ଛାତ୍ରୀ ମାନଙ୍କୁ ସ୍ବାଗତ କରିବା ଓ ସେମାନଙ୍କୁ ପାଠ୍ୟକ୍ରମ ର ସ୍ବରୂପ ସମ୍ପର୍କରେ ଜଣାଇବା ପାଇଁ ଏକ ସପ୍ତାହ ବ୍ୟାପୀ ପ୍ରେରଣ ଓ ଆଭିମୁଖୀ କରଣ " ଦୀକ୍ଷାରମ୍ଭ” କାର୍ଯ୍ୟକ୍ରମ ଆରମ୍ଭ ହୋଇଛି । କାର୍ଯ୍ୟକ୍ରମ କୁ ଅନୁଷ୍ଠାନର ଅଧ୍ୟକ୍ଷ ଡ଼ ତାପସ କୁମାର ନାୟକ ଉଦଘାଟନ କରି ସମସ୍ତ ନବାଗତଙ୍କୁ ଫୁଲ ଓ ଚନ୍ଦନ ଲଗାଇ ସ୍ବାଗତ କରିବା ପରେ ଅଧ୍ୟାପିକା ବୀଣାପାଣି ପାଢୀ କାର୍ଯ୍ୟକ୍ରମର ଉଦ୍ଦେଶ୍ୟ ସମ୍ପର୍କରେ ସୂଚନା ଦେଇଥିଲେ ।ଏହି ଅବସରେ ଅନୁଷ୍ଠାନ ର ଅଧ୍ୟକ୍ଷ ଡ଼ ତାପସ କୁମାର ନାୟକ ନିଜର ଅଭିଭାଷଣରେ ପ୍ରାଚୀନ ଗୁରୁକୁଳ ସମୟର ଦୀକ୍ଷା ର ଗୁରୁତ୍ବ ଓ ଅନୁଷ୍ଠାନ ର ଉନ୍ନତି ଓ ବିକାଶରେ ଗୁରୁ-ଛାତ୍ର ଛାତ୍ରୀ ଙ୍କର ଦାୟିତ୍ୱ ସମ୍ପର୍କରେ କହିବା ସହିତ ଉତ୍ତମ ଶିକ୍ଷାର୍ଥୀ ଙ୍କର ଲକ୍ଷଣ, ବ୍ୟବହାର, ସଂସ୍କୃତି ସମ୍ପର୍କରେ ମଧ୍ୟ ଅବତାରଣ କରିବା ଅନୁଷ୍ଠାନର ଗାରିମା ବୃଦ୍ଧି କରିବାରେ ନବାଗତ ଶିକ୍ଷାର୍ଥୀଙ୍କ ଭୂମିକା ସମ୍ପର୍କରେ ବିଶଦ ଆଲୋଚନା କରିଥିଲେ । ଏହି ସମାରୋହରେ ଅତିଥି ଭାବେ ଯୋଗଦେଇ ବିଶିଷ୍ଠ ସାମ୍ବାଦିକ ତଥା ସଂସ୍କାରକ ଶ୍ରୀ ପ୍ରଭାତ ପାଣିଗ୍ରାହୀ ଭାରତର ସଂସ୍କୃତି ଓ ସେଥ‌ିରେ ଗୁରୁମାନଙ୍କର ଅବଦାନ ସମ୍ପର୍କରେ ବିଷାଦ ଆଲୋଚନା କରିଥିଲେ । ଗୁରୁ ଓ ଛାତ୍ର ସୁ ସମ୍ପର୍କ ଦ୍ବାରା ଏକ ନୂଆ ଭାରତ ଗଢାଯାଇ ପାରିବ ବୋଲି ମତବ୍ୟକ୍ତ କରିଥିଲେ । ଏହାପରେ ଅଧ୍ୟକ୍ଷ ଡ଼. ନାୟକ ସମସ୍ତ ନବାଗତ ଗୁରୁ ଛାତ୍ରଛାତ୍ରୀ ଙ୍କୁ ନିଜକୁ ଯୋଗ୍ୟ ଭାବେ ପ୍ରତିପାଦନ କରିବାକୁ ଶପଥ ପାଠ କରାଇଥିଲେ । ଏଥିରେ ଅନୁଷ୍ଠାନର ଅଧ୍ୟାପକ ଓ ଅଧ୍ୟାପିକା ସୋମ୍ୟ ଦାସ, ରଶ୍ମିରେଖା ସ୍ବାଇଁ, ମୌସୁମୀ ମହାନ୍ତି, ଶିଖା ଶିଅଳ, ମୋନାଲିସା ପଣ୍ଡା, ମଞ୍ଜୁଳତା ହଂସଦା, ଅକ୍ଷୟ ମହାନ୍ତି, ଆୟେଶା ତନବୀର, ଦିପ୍ତି ପ୍ରଭା ଦାସ ଏହି ଉତ୍ସବକୁ ପରିଚାଳନା କରିଥିଲେ । ଶ୍ରୀ ମହେଶ କୁମାର ବେହେରା ଧନ୍ୟବାଦ ଅର୍ପଣ କରିଥିଲେ ।