Odisha Janamata : ଆମେରିକାରେ ମାଲ ବାହି ୟୁପିଏସ ବିମାନ ଦୁର୍ଘଟଣା 3ମୃତ ||

ଆମେରିକାରେ ମାଲ ବାହି ୟୁପିଏସ ବିମାନ ଦୁର୍ଘଟଣା 3ମୃତ ||

08-Nov-2025

ଆମେରିକାରର ଲୁଇସ ଭିଲ ରେ ବ୍ଲାଷ୍ଟ ହେଲା UPS ମାଲବାହୀ ବିମାନ, ତିନି ମୃତ,

ଓଡିଶା ଜନ ମତ ବ୍ୟୁରୋ,

ସବୁ ଦେଶରେ ବିମାନ ଦୁର୍ଘଟଣା ବଢ଼ି ଚାଲିଛି | ତେବେ ତାର ପ୍ରକୃତ କାରଣ ଏପର୍ଯ୍ୟନ୍ତ ଠିକ ଭାବରେ ଜଣା ପଡୁନାହିଁ | ଏହାଦ୍ୱାରା ବିମାନରେ ଯିବାପାଇଁ ଲୋକଙ୍କ ମନରେ ଭୟ ଓ ଆଶଙ୍କା ବଢ଼ି ଯାଇଛି | ତେବେଏକ ମାଲ ବାହି ବିମାନ ଆମେରିକାରେ ଭୟଙ୍କର ଦୁର୍ଘଟଣା ହୋଉଛି | ଆମେରିକାର ଲୁଇସଭିଲରେ କ୍ରାସ ହେଲା UPS ମାଲବାହୀ ବିମାନ । ଦୁର୍ଘଟଣାରେ ୩ ଜଣଙ୍କ ମୃତ୍ୟୁ ହୋଇଥିବା ବେଳେ ୧୦ ରୁ ଅଧିକ ଆହତ ହୋଇଛନ୍ତି । ଲୁଇସଭିଲର ମହମ୍ମଦ ଅଲି ଅନ୍ତର୍ଜାତୀୟ ବିମାନବନ୍ଦର ରୁ ଉଡ଼ାଣ ଭରିବାର କିଛି ସମୟ ପରେ ମ୍ୟାକଡୋନେଲ ଡଗଲାସ୍ MD-11 ମାଲବାହୀ ବିମାନଟି ଦୁର୍ଘଟଣାର ଶିକାର ହୋଇଥିଲା । ବିମାନରେ ତିନି ଜଣ କ୍ଲୁ ସଦସ୍ୟ ଥିଲେ |ପ୍ଲେନରେ ପ୍ରାୟ ଦୁଇ ଲକ୍ଷ ୮୦ ହଜାର ପାଉଣ୍ଡ ଇନ୍ଧନ ଥିଲା ।ଦୁର୍ଘଟଣା ପରେ ପ୍ଲେନଟି ଫର୍ନଭ୍ୟାଲି ରୋଡ୍ ଓ ଗ୍ରେଡ ଲେନରେ ଖସି ପଡିଥିଲା । ପରେ ବଡ଼ ବିସ୍ପୋରଣ ହୋଇଥିବା ବେଳେ କେଣ୍ଡୁକି ପେଟ୍ରୋଲିୟମ ରିସାଇକ୍ଲିଙ୍ଗ ଏବଂ ଗ୍ରେଡ୍ ଇ ଅଟୋ ପାର୍ଟସ୍ ସମେତ ବିଭିନ୍ନଶିଳ୍ପକାରଖାନା କୁ ନିଆଁ ବ୍ୟାପିଥିଲା । ଦୁର୍ଘଟଣା ପୂର୍ବରୁ ବିମାନକୁ ଉପରକୁ ଉଠାଇ ବାକୁ ଉଦ୍ୟମ କରିଥିଲେ ପାଇଲଟ । ହେଲେ ଶେଷ ମୁହୂର୍ତ୍ତରେ ବିମାନ ଉପରେ ନିୟନ୍ତ୍ରଣ ପାଇନଥିଲେ ପାଇଲଟ । ତେବେ ଦୁର୍ଘଟଣାରେ ଆଗକୁ ମୃତକଙ୍କ ସଂଖ୍ୟା ବଢିପାରେ ବୋଲି କହିଛନ୍ତି କେଣ୍ଡୁକି ଗଭର୍ଣ୍ଣର ଆଣ୍ଡି ବେସିୟର ।