Breaking
News
Breaking
News
Breaking
News
03-Nov-2025
ବେଗୁନିଆପଡା ବ୍ଲକ୍ ପକ୍ଷରୁ ରବି ଘୋଷ ନୋଡାଲ ଉଚ୍ଚ ବିଦ୍ୟାଳୟ, ସୁମଣ୍ଡଳ ଠାରେ ସୁରଭି-୨୦୨୫ ଆୟୋଜିତ
ଶିଶୁଙ୍କ ଲୁକ୍କାୟିତ ପ୍ରତିଭାର ବିକାଶରେ "ସୁରଭି" ମାଇଲ୍ ଖୁଣ୍ଟ
ଶିଶୁମାନଙ୍କ ଅନ୍ତର୍ନିହିତ ଗୁଣାବଳୀ ତଥା ଲୁକ୍କାୟିତ ପ୍ରତିଭାର ବିକାଶ ଭଳି ମହତ୍ ଉଦ୍ଦେଶ୍ୟ ନେଇ ବେଗୁନିଆ ପଡ଼ା ବ୍ଲକ୍ ତରଫରୁ ବ୍ଲକ୍ ସ୍ତରୀୟ ଶିଶୁ ମହୋତ୍ସବ "ସୁରଭି" ବ୍ଲକ୍ ଅନ୍ତର୍ଗତ ସୁମଣ୍ଡଳ ସ୍ଥିତ ଅଗ୍ରଣୀ ଶିକ୍ଷାନୁଷ୍ଠାନ ରବି ଘୋଷ ନୋଡାଲ ବିଦ୍ୟାପୀଠ ଠାରେ ଆନୁଷ୍ଠାନିକ ରୀତିରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ଆୟୋଜିତ ବର୍ଣ୍ଣାଢ଼୍ୟ ଉତ୍ସବରେ କୋଦଳା ତହସିଲଦାର ତଥା ବେଗୁନିଆପଡ଼ା ବ୍ଲକର ଗୋଷ୍ଠୀ ଉନ୍ନୟନ ଅଧିକାରୀ ସସ୍ମିତା ଶତପଥୀ, ଗୋଷ୍ଠୀ ଶିକ୍ଷା ଅଧିକାରୀ ରୁଦ୍ରନାରାୟଣ ସାହୁ, ବେଗୁନିଆପଡ଼ା ଥାନା ଅଧିକାରୀ ଟୁନା ପୀଡ଼ିକା, ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଜ୍ୟୋତିର୍ମୟୀ ନନ୍ଦ, ବିଦ୍ୟାଳୟର ପ୍ରଧାନଶିକ୍ଷକ ପଞ୍ଚାନନ ସେଠୀ, ଭାଲିଆଝର ସଭାପତି ଜୟଦେବ ବାରିକ, ବିଦ୍ୟାଳୟ ପରିଚାଳନା କମିଟି ସଭାପତି ନିରଞ୍ଜନ ପାଣ୍ଡି, ସାମ୍ବାଦିକ ବିଜୟ କୁମାର ନାୟକ, ଶିକ୍ଷକ ସଂଘ ସଭାପତି ପଙ୍କଜ କୁମାର ବେହେରା ପ୍ରମୁଖ ଅତିଥି ଭାବେ ଯୋଗ ଦେଇ ଶିଶୁମାନଙ୍କ ସୃଜନଶୀଳତା, କଳା କଉଶଳ, ପ୍ରତିଯୋଗୀ ମନୋଭାବ, ବହୁବିଧ କ୍ଷେତ୍ରରେ ଥିବା ପାରଦର୍ଶିତା, ଶିକ୍ଷା ପ୍ରତି ଦାୟିତ୍ୱବୋଧ, ସାମାଜିକ କର୍ତ୍ତବ୍ୟ, ଶୃଙ୍ଖଳିତ ଆଚରଣ, ନୈତିକ ବିଚାର ବିମର୍ଶ, ସମୟାନୁବର୍ତ୍ତିତା ଆଦି ଦିଗ ଉପରେ ସାରସ୍ୱତ ବକ୍ତବ୍ୟ ପ୍ରଦାନ କରି ଉପସ୍ଥିତ ଛାତ୍ରଛାତ୍ରୀମାନଙ୍କୁ ଉତ୍ସାହିତ କରିଥିଲେ । ୧୨ ଗୋଟି କ୍ଲଷ୍ଟରରୁ ଚୟନ ହୋଇଥିବା ଛାତ୍ର ଛାତ୍ରୀ ତର୍କ, ଚିତ୍ରାଙ୍କନ, ହସ୍ତାକ୍ଷର ଲିଖନ, କୁଇଜ୍, ପ୍ରବନ୍ଧ ଲିଖନ, ବକ୍ତୃତା, ସାଂସ୍କୃତିକ କାର୍ଯ୍ୟକ୍ରମ, ସଂଗୀତ ପରିବେଷଣ, ଶିଳ୍ପ କଳା, ପି ଏମ୍ ପୋଷଣ ଆଦି ବହୁ ପ୍ରତିଯୋଗିତାରେ ଅଂଶଗ୍ରହଣ କରିଥିଲେ । ପ୍ରତିଯୋଗିତାରେ କୃତିତ୍ୱ ଅର୍ଜନ କରିଥିବା କୃତୀ ପ୍ରତିଯୋଗୀଙ୍କୁ ଅତିଥିମାନେ ପୁରସ୍କାର ମାନପତ୍ର ସହିତ ସମ୍ମାନୀତ କରିଥିଲେ । ବରିଷ୍ଠ ଶିକ୍ଷକ ରବିନାରାୟଣ ଶତପଥୀ କାର୍ଯ୍ୟକ୍ରମର ସଂଯୋଜନା କରିଥିଲେ । ଆୟୋଜିତ ଉତ୍ସବରେ ୧୨ ଗୋଟି କ୍ଲଷ୍ଟରର ସି ଆର ସି ସି, ବହୁ ପ୍ରଧାନ ଶିକ୍ଷକ ଶିକ୍ଷୟିତ୍ରୀ, ସହକାରୀ ଶିକ୍ଷକ ଶିକ୍ଷୟିତ୍ରୀ, ସ୍ଥାନୀୟ ଅଞ୍ଚଳବାସୀଙ୍କ ସହଯୋଗରେ ଚଳିତ ବର୍ଷର ରଙ୍ଗାରଙ୍ଗ କାର୍ଯ୍ୟକ୍ରମ "ସୁରଭି" ସମାହିତ ହୋଇଅଛି । ବ୍ଲକ୍ ସ୍ତରୀୟ ସୁରଭି ରେ କୃତିତ୍ୱ ହାସଲ କରିଥିବା କୃତୀ ପ୍ରତିଯୋଗୀ ଜିଲ୍ଲା ସ୍ତରୀୟ ସୁରଭିରେ ସକ୍ରିୟ ଅଂଶଗ୍ରହଣ କରିପାରିବେ ବୋଲି ବେଗୁନିଆପଡ଼ା ଗୋଷ୍ଠୀ ଶିକ୍ଷା ଅଧିକାରୀ ରୁଦ୍ରନାରାୟଣ ସାହୁ ଅଭିବ୍ୟକ୍ତ କରିଛନ୍ତି ।
Copyright @ 2024 All rights reserved. ଓଡିଶା ଜନମତ
BACK TO TOP