Odisha Janamata : ଭଞ୍ଜନଗର ଥାନା ପକ୍ଷରୁ 2ୟ ମୋବାଇଲ ମେଳା କରି 23ଜଣଙ୍କୁ ଫେରାଇଲେହଜିଥିବା ମୋବାଇଲ |

ଭଞ୍ଜନଗର ଥାନା ପକ୍ଷରୁ 2ୟ ମୋବାଇଲ ମେଳା କରି 23ଜଣଙ୍କୁ ଫେରାଇଲେହଜିଥିବା ମୋବାଇଲ |

03-Nov-2025

ଭଞ୍ଜନଗର ଥାନା ପକ୍ଷରୁ ଦ୍ଵିତୀୟ ମୋବାଇଲ ମେଳାଅନୁଷ୍ଠିତ |
(୨୩ ଜଣ ଫେରିପାଇଲେ ହଜିଯାଇଥିବା ମୋବାଇଲ ସେଟ୍,

ଓଡିଶା ଜନ ମତ ବ୍ୟୁରୋ,

ବେଳେ ବେଳେ ଲୋକଙ୍କ ହଜି ଯାଇଥିବା କିମ୍ବା ଚୋରି ହୋଇଥିବା ମୋବାଇଲ ପାଈଁ ସେମାନେ ନିକଟସ୍ତ ଥାନାରେ ଏଫଆର ଦେଇଥାନ୍ତି | ତେବେ ଏପରି ଏକ ସଫଳ ମୋବାଇଲ ଫେରସ୍ତ ମେଳା ଅନୁଷ୍ଠିତ ହୋଇଥିଲା ଭଞ୍ଜନଗର ପୋଲିସ ଦ୍ୱାରା |ଭଞ୍ଜନଗର ଥାନା ପକ୍ଷରୁ ଦ୍ବିତୀୟ ମୋବାଇଲ ମେଳା ଅପରାହ୍ନରେ ଅନୁଷ୍ଠିତ ହୋଇଯାଇଛି । ଆଉ ନିଜର ହଜିଯାଇଥ‌ିବା ମୋବାଇଲ ସେଟ୍ ପାଇ ବେଶ ଖୁସି ବ୍ୟକ୍ତ କରିଛନ୍ତି ଅନେକ ପୁରୁଷ ଓ ମହିଳା । ଏହା ପୂର୍ବରୁ ଗତମାସ ରେ ଏହି ଥାନା ପକ୍ଷରୁ ମୋବାଇଲ ମେଳା ଆୟୋଜନ କରାଯାଇ ୩୦ ଜଣ ଉପଭୋକ୍ତା ଙ୍କୁ ସେମାନଙ୍କ ହଜିଯାଇଥିବା ମୋବାଇଲ ସେଟ୍ ପ୍ରଦାନ କରାଯାଇଥିଲା । ଆଉ ଏବେ ଦ୍ୱିତୀୟ ଥର ୨୩ ଜଣଙ୍କୁ ସେମାନଙ୍କ ହଜିଯାଇଥିବା ମୋବାଇଲ ସେଟ୍ ଉଦ୍ଧାର କରି ଫେରସ୍ତ କରିଛି ପୋଲିସ । ଏଥିପାଇଁ ଥାନା ପରିସରରେ ଆୟୋଜିତ ମେଳାରେ ଭଞ୍ଜନଗର ଅତିରିକ୍ତ ଏସପି ରଞ୍ଜନ ଦେ ଗଣମାଧ୍ୟମ ପ୍ରତିନିଧ ମାନଙ୍କୁ ସୂଚନା ଦେଇଛନ୍ତି । ସାମାନ୍ୟ ଅସାବଧାନତା ରୁ ମୋବାଇଲ ସେଟ୍ ଚୋରି ହେଉଛି। ଆଉ ଏଠାରୁ ହଜିଥିବା ମୋବାଇଲ ରାଜଧାନୀ ଭୁବନେଶ୍ଵର ଠାରୁ ଆରମ୍ଭ କରି କୋଏଲ ନଗର, ସୁନ୍ଦରଗଡ଼ ଆଦି ସ୍ଥାନ ରୁ ଉଦ୍ଧାର କରାଯାଇଥିବା ନେଇ ଏଏସପି ଦେ ସୂଚନା ଦେଇଛନ୍ତି । ଏବେ ମୋବାଇଲ ସେଟ୍ ରେ ସମସ୍ତ ପ୍ରକାର ବ୍ୟକ୍ତିଗତ ତଥ୍ୟ ସହ ବ୍ୟାଙ୍କ ସମ୍ବନ୍ଧୀୟ ସମସ୍ତ ତଥ୍ୟ ରହୁଛି। ଏଣୁ ନିଜ ନିଜର ମୋବାଇଲ ସେଟ୍ କୁ ଅତ୍ୟନ୍ତ ସତର୍କତା ର ସହ ରଖିବାକୁ ସେ ଉପଦେଶ ଦେଇଛନ୍ତି । ଆୟୋଜିତ ଏହି ମୋବାଇଲ ମେଳା ରେ ଅନ୍ୟ ମାନଙ୍କ ମଧ୍ୟରେ ଏସଡିପିଓ ଡକ୍ଟର ଦୀପକ କୁମାର ମିଶ୍ର, ଥାନା ଅଧୂକାରୀ ଜୀବନାନନ୍ଦ ଜେନା ଙ୍କ ସମେତ ଥାନା ର ସମସ୍ତ ସବ୍ ଇନ୍ସପେକ୍ଟର ଓ ଅନ୍ୟାନ୍ୟ ଷ୍ଟାଫ୍ ଉପସ୍ଥିତ ରହିଥିଲେ। ସାଇବର ଶାଖାର ସହଯୋଗ ରେ ହଜି ଯାଇଥିବା ମୋବାଇଲ ସେଟ୍ ପୁନଶ୍ଚ ଫେରିପାଇଥିବା ବ୍ୟକ୍ତି ବିଶେଷ ମାନେ ଏଥିପାଇଁ ପୁଲିସ ର ଉଦ୍ୟମ କୁ ଭୂୟସୀ ପ୍ରଶଂସା କରିବା ସହ କୃତଜ୍ଞତା ବ୍ୟକ୍ତ କରିଥିଲେ।