Odisha Janamata : ପୁରୀରେ ପଞ୍ଚୁକ ପାଈଁ ଭକ୍ତଙ୍କ ପ୍ରବଳ ଗହଳି ଲାଗିଛି ||

ପୁରୀରେ ପଞ୍ଚୁକ ପାଈଁ ଭକ୍ତଙ୍କ ପ୍ରବଳ ଗହଳି ଲାଗିଛି ||

03-Nov-2025

ପୁରୀରେ ପଞ୍ଚୁକ ପାଈଁ ଭକ୍ତଙ୍କ ନାହିଁ ନଥିବା ଭିଡ଼,

ଓଡିଶା ଜନ ମତ ବ୍ୟୁରୋ,

ଧର୍ମ ମାସ ମଧ୍ୟରେ କାର୍ତ୍ତିକ ହେଉଛି ସବୁଠାରୁ ଶ୍ରେଷ୍ଠ |ସେଥିପାଇଁ ପ୍ରଭୁ ଜଗନ୍ନାଥ ଙ୍କ ପାଖରେ ନିଜକୁ ସମର୍ପଣ ଭାବନା ନେଇ ହବିଷ୍ୟାଳି ଙ୍କ ଠାରୁ ଭକ୍ତ ମାନେ ଭାରତ ଓ ବାହାର ଦେଶରୁ ଆସିଥାନ୍ତି ତାଙ୍କର ଶରଣା ପର୍ଣ୍ଣ ହୋଇ ଟିକେ ଆଶିଷ ପାଇବା ପାଈଁ | ଧର୍ମକ୍ଷେତ୍ର ଶ୍ରୀକ୍ଷେତ୍ର । ଶ୍ରୀକ୍ଷେତ୍ରରେ କାର୍ତିକ ମାସରେ ସୃଷ୍ଟି ହୋଇଛି ଆଧ୍ୟାତ୍ମିକ ପରିବେଶ । ସଂକୀର୍ତ୍ତନ, ପ୍ରବଚନ, ଭଜନ, ଜଣାଣ, ହୁଳୁହୁଳି ଓ ଜୟ ଜଗନ୍ନାଥ ଧ୍ଵନିରେ ପ୍ରକମ୍ପିତ ହେଉଛି ଶ୍ରୀମନ୍ଦିର, ବଡ଼ଦାଣ୍ଡ ସମେତ ମଠ ଓ ହବିଷ୍ୟାଳି କେନ୍ଦ୍ର । ଶ୍ରୀମନ୍ଦିର ରେ ଭକ୍ତ, ଶ୍ରଦ୍ଧାଳୁ ଓ ହବିଷ୍ୟାଳି ବ୍ରତଧାରୀଙ୍କ ଭିଡ ଲାଗି ରହିଛି । ଶ୍ରୀମନ୍ଦିରରେ ପଞ୍ଚୁକ ପ୍ରଥମ ଦିନଠାରୁ ଆରମ୍ଭ କରି ପୁର୍ଣିମା ପର୍ଯ୍ୟନ୍ତ ପ୍ରବଳ ଗହଳି ଦେଖୁବାକୁ ମିଳିବ । ଶ୍ରୀମନ୍ଦିରରେ ପଞ୍ଚୁକ କାର୍ତ୍ତିକ ଶୁକ୍ଳ ଏକାଦଶୀ ଠାରୁ କାର୍ତ୍ତିକ ପୂର୍ଣିମା ଅବସରରେ ମହାପ୍ରଭୁଙ୍କର ବିଭିନ୍ନ ବେଶ ଅନୁଷ୍ଠିତ ହେବ। ରବିବାର ବଡ଼ ଏକାଦଶୀରେ ମହାପ୍ରଭୁ ଙ୍କ ଠିଆକିଆ ବା ଲକ୍ଷ୍ମୀ ନାରାୟଣ ବେଶ ନଭେମ୍ବର ୩ ତାରିଖସୋମବାରତ୍ରୟୋଦଶୀ
ରେ ମହାପ୍ରଭୁ ଙ୍କ ଡାଳିକିଆ ବା ତ୍ରିବିକ୍ରମ ବେଶ । ଏହିବର୍ଷ ପଞ୍ଚକ ପାଞ୍ଚ ଦିନ ବଦଳରେ ଚାରିଦିନମହାପ୍ରଭୁ ଙ୍କ ବେଶ ଦର୍ଶନ ପାଇଁ ଭକ୍ତଙ୍କ ଆବେଗରହିଛି |
ନଭେମ୍ବର ୪ ତାରିଖ ମଙ୍ଗଳବାର ଚତୁର୍ଦ୍ଦଶୀରେ – ମହାପ୍ରଭୁଙ୍କ ଲକ୍ଷ୍ମୀ ନୃସିଂହ ବେଶ ନଭେମ୍ବର ୫ ତାରିଖ ବୁଧବାର କାର୍ଭିକ ପୂର୍ଣି ମାରେ ମହାପ୍ରଭୁଙ୍କ ରାଜରାଜେଶ୍ଵର ବା ସୁନା ବେଶ ଅନୁଷ୍ଠିତ ହେବ । ଆଜିଠାରୁ ଶ୍ରୀମନ୍ଦିରରେ ଆରମ୍ଭ ହୋଇଛି ମହାପଞ୍ଚୁକ ନୀତି ସହ ହରିଉତ୍‌ଥାପନ ଏକାଦଶୀ। ଏଥିପାଇଁ ଶ୍ରୀମନ୍ଦିରରେ ହଜାର ହଜାର ଶ୍ରଦ୍ଧାଳୁ ଓ ହବିଷ୍ୟାଳୀଙ୍କ ଭିଡ଼ ଲାଗିଛି । ପଞ୍ଚୁକର ପ୍ରଥମ ଦିନରେ ଶ୍ରୀମନ୍ଦିରରେ ସ୍ଵତନ୍ତ୍ର ନୀତିକାନ୍ତି ଅନୁଷ୍ଠିତ ହେଉଥ‌ିବା ବେଳେମହାପ୍ରଭୁଲକ୍ଷ୍ମୀନାରା ୟଣ ବେଶରେ ସଜ୍ଜିତ ହୋଇ ଅଗଣିତ ଭକ୍ତ ଶ୍ରଦ୍ଧାଳୁଙ୍କୁ ଦର୍ଶନ ଦେଉଛନ୍ତି । ତେବେ ଭକ୍ତଙ୍କ ଶୃଙ୍ଖଳିତ ଦର୍ଶନ ପାଇଁ ଜିଲ୍ଲା ପ୍ରଶାସନ ପକ୍ଷରୁ ମାର୍କେଟ ଛକ ଠାରେ କରାଯାଇଥିବା ଅସ୍ଥାୟୀ ବ୍ୟାରିକେଡ଼ଭିତରେ ଆସି ଭକ୍ତମାନେ ଶ୍ରୀମନ୍ଦିର ସିଂହଦ୍ଵାର ଦେଇ ପ୍ରବେଶ କରିବା ସହ ଅନ୍ୟ ତିନି ଦ୍ବାର ଦେଇ ପ୍ରସ୍ଥାନ କରୁଛନ୍ତି । ଭକ୍ତଙ୍କ ସୁବିଧା, ସୁରକ୍ଷା ଓ ଶୃଙ୍ଖଳିତ ଦର୍ଶନକୁ ନଜରରେ ରଖି ଜିଲ୍ଲା ପ୍ରଶାସନ , ପୋଲିସ ଓ ଶ୍ରୀମନ୍ଦିର ପ୍ରଶାସନ ପକ୍ଷରୁ ସମସ୍ତ ବ୍ୟବସ୍ଥା ଗ୍ରହଣ କରାଯାଇଛି। ଶ୍ରୀମନ୍ଦିର ଚତୁଃପାର୍ଶ୍ଵକୁ ନୋ ଭେହିକିଲ କୋନ(ଗାଡି ପ୍ରବେଶ ନାହିଁ )କରା
କରାଯାଇଛି। ଯାହାଫଳରେ ଯାତ୍ରୀମାନେ ବଡ଼ ଦାଣ୍ଡରେ ଠିକ ଭାବେ ଯିବା ଆସିବା କରିପାରିବେ | ଏହା ସହ ଭକ୍ତ ଙ୍କ ସୁରକ୍ଷା ଦାୟିତ୍ଵରେ ୫ ଅତିରିକ୍ତ ଏସପି, ୧୬ ଡିଏସପି, ୩୫ ଇନ୍ସପେକ୍ଟରଙ୍କ ସହ ୩୨ ପ୍ଲାଟୁନ ପୋଲିସ ଫୋର୍ସ ମୁତୟନ ହୋଇ ରହିଛନ୍ତି । ଦୀର୍ଘ ଏକାମାସ ଧରି ଶ୍ରୀକ୍ଷେତ୍ରରେ ରହି କାର୍ତ୍ତିକ ବ୍ରତ ପାଳନ କରୁଥିବା ହବିଷ୍ୟାଳୀଙ୍କ ପାଇଁ ପଞ୍ଚୁକ ବ୍ରତ ବେଶ୍ ମହତ୍ଵ ରଖୁଥାଏ ବୋଲି ବିଶ୍ଵାସ ରହିଛି। ଚଳିତ ଥରପଞ୍ଚୁକ ପାଞ୍ଚଦିନ ପରି ବର୍ତ୍ତେ ଚାରିଦିନ ପଡ଼ୁଛି । ଫଳରେ ଭକ୍ତମାନେ ମହାପ୍ରଭୁ ଙ୍କର ବାଙ୍କଚୂଡ଼ ବେଶ ଦର୍ଶନରୁ ବଞ୍ଚିତ ରହିବେ ।ତେବେ ଆସନ୍ତା ବର୍ଷକୁ ଅପେକ୍ଷାଭକ୍ତ ଙ୍କ ନିମନ୍ତେ ପ୍ରଭୁଙ୍କ ସେହି ବାଙ୍କ ଚୂଡ଼ ବେଶ ଦର୍ଶନକରିବା ପାଈଁ |