Odisha Janamata : ଆଜିଠାରୁ କିଛି ଜିଲ୍ଲରେ ଶୀତ ପଡିବା ସମ୍ଭାବନା,

ଆଜିଠାରୁ କିଛି ଜିଲ୍ଲରେ ଶୀତ ପଡିବା ସମ୍ଭାବନା,

03-Nov-2025

ଆଜିଠାରୁ କିଛି ଜିଲ୍ଲାରେ ସୀତର ଆରମ୍ଭ ହେବ ବୋଲି ଆଞ୍ଚଳିକ ପାଣିପାଗ ବିଭାଗ ର ସୂଚନା,

ଓଡିଶା ଜନ ମତ ବ୍ୟୁରୋ,

ବାତ୍ୟା ମୋନ୍ଥା ଛାଡିଗଲାପରେ ଆଭ୍ୟନ୍ତରୀଣ ଓଡ଼ି ଶାର କିଛି ଅଞ୍ଚଳରେ ସର୍ବନିମ୍ନ ତାପମାତ୍ରା ହ୍ରାସ ପାଇବା ସମ୍ଭାବନା ଯୋଗୁଁ କେତେକ ସ୍ଥାନରେ ଶୀତ ପଡ଼ିବା ଆରମ୍ଭହୋଇପାରେ । ଏହା ସହିତ ଉପକୂଳବର୍ତ୍ତୀ ଜିଲ୍ଳାର କିଛି ଅଞ୍ଚଳରେ ରାତିରେ ତାପମାତ୍ରା କମିବ ବୋଲି ଜଣା ପଡିଛି । କିନ୍ତୁ ଆଭ୍ୟନ୍ତରୀଣ ଓ ଉପକୂଳରେ ରାତି ତାପମାତ୍ରା କମିଲେ ବି ଶୀତ ପ୍ରକୋପ ଅଧିକରହିବା ସମ୍ଭାବନା ନାହିଁ । କାରଣ ସର୍ବନିମ୍ନ ତାପମାତ୍ରା ଫୁଲବାଣୀ ଏବଂ କୋରାପୁଟକୁ ଛାଡ଼ି ଦେଲେ ବାକି ସମସ୍ତ ସ୍ଥାନରେ ୨୦ ଡିଗ୍ରୀ ଉପରେ ରହିଛି। ଭୁବନେଶ୍ବର ପାଣି ପାଗ ବିଜ୍ଞାନ କେନ୍ଦ୍ରର ପୂର୍ବାନୁମାନ ଅନୁଯାୟୀ, ଆଜିଠାରୁ ଆଭ୍ୟନ୍ତରୀଣ ଓଡ଼ିଶାରେ ୨ରୁ ୩ଡିଗ୍ରୀ ପର୍ଯ୍ୟନ୍ତ ରାତି ତାପମାତ୍ରା କମି ପାରେ । ସେହି ପରି ମଧ୍ୟରେ କିଛି ସ୍ଥାନରେ ରାତି ତାପମାତ୍ରା ୧ରୁ ୨ ଡିଗ୍ରୀ ପର୍ଯ୍ୟନ୍ତଏବଂଉପକୂଳ ବର୍ତ୍ତୀ ଜିଲ୍ଲାଗୁଡିକରେ ତାପମାତ୍ରା ହ୍ରାସ ପାଇପାରେ। ଶନିବାର କୋରାପୁଟରେ ରାତି ତାପମାତ୍ରା 16.2 ଡିଗ୍ରୀ ରେକର୍ଡ ହୋଇଥିବା ବେଳେ ଫୁଲବାଣୀରେ ୧୮ ଏବଂ ଦାରିଙ୍ଗବାଡ଼ିରେ ୧୮.୫ ଡିଗ୍ରୀ ରହିଛି। ସେହିପରି ପାରାଦ୍ବୀପରେ ସର୍ବନିମ୍ନ ତାପମାତ୍ରା 27.2 ଡିଗ୍ରୀ, ପୁରୀରେ 27.4 ବାଲେଶ୍ୱର ରେ 25.5, ଚାନ୍ଦବାଲି ୨୫.୮, ଭୁବନେଶ୍ୱର ୨୫ ଏବଂ କଟକରେ ୨୩ ଡିଗ୍ରୀ । ରହିଛି। ଉତ୍ତର ଗାଙ୍ଗେୟ ପଶ୍ଚିମବଙ୍ଗ ଏବଂ ଏ ଏହାର ପାର୍ଶ୍ଵବର୍ତ୍ତୀ ଅଞ୍ଚଳରେ ଏକ ଲଘୁଚାପ କ୍ଷେତ୍ରସୃଷ୍ଟି ହୋଇଛି| ଏହା ଉତ୍ତର-ପୂର୍ବ ଦିଗରେ ଗତି କରୁଛି। ହେଲେ ଆଗାମୀ ୧୨ ଘଣ୍ଟା ମଧ୍ଯରେ ବି ଶେଷ ଘନୀଭୂତ ହେବାର ସମ୍ଭାବନା ନାହିଁ । ସୃଷ୍ଟ ଲଘୁଚାପ ପ୍ରଭାବ ଓଡ଼ିଶା ଉପରେ ପଡ଼ିବ ନାହିଁ ବୋଲି ବିଭାଗ ପକ୍ଷରୁ ଆକଳନ କରାଯାଇଛି।