Odisha Janamata : ଆଜିଠାରୁ ପୁରୀରେ ଆରମ୍ଭ ହେଲା ହବିଷ୍ୟାଳୀ ଙ୍କ କାର୍ତ୍ତିକ ବ୍ରତ |

ଆଜିଠାରୁ ପୁରୀରେ ଆରମ୍ଭ ହେଲା ହବିଷ୍ୟାଳୀ ଙ୍କ କାର୍ତ୍ତିକ ବ୍ରତ |

07-Oct-2025

କାର୍ତ୍ତିକ ବ୍ରତ ଆରମ୍ଭ ଯୋଗୁଁ ପୁରୀରେ ହବିଷ୍ୟାଳି ଙ୍କ ଭିଡ଼ |

ଓଡିଶା ଜନ ମତ ବ୍ୟୁରୋ,

ବାରମାସରେତେର ଯାତ, ସେମଧ୍ୟେ ଅଟଇ କାର୍ତ୍ତିକ,
ଆଜି ଠାରୁ ପବିତ୍ର କାର୍ତିକ ମାସ ଆରମ୍ଭ ହେଉଛି ।ସେଥିପାଇଁ ପଲ୍ଲୀରୁ ସହର ଯାଏଁ ବିଧବା ଏବଂ ସଧବାମହିଳା ମାନେ ଏହି ମାସରେ ରାଇ ଦାମୋଦର ପୂଜା ଜରିଥାନ୍ତି | ସେଥିପାଇଁ ଶ୍ରୀକ୍ଷେତ୍ର ହେଉଛି ଏକ ଉତ୍କୃଷ୍ଟ ସ୍ଥାନ | ତେଣୁ ହବିଷ୍ୟାଳି ମାନେ ପୁରୀ ରେ ରହି କାର୍ତିକ ର୍ ବ୍ରତ ପାଳନ କରି ଥାନ୍ତି |

ଏଥିପାଇଁ ରାଜ୍ୟ ସରକାରଙ୍କ ହବିଷ୍ୟାଳି ଯୋଜନାରେ ବ୍ରତଧାରୀଙ୍କ ପାଇଁ ବ୍ୟବସ୍ଥା କରାଯା ରାଯାଇଛି । ଆଜିଠାରୁ ଚଳିତ ବର୍ଷର ହବିଷ୍ୟାଳି ଯୋଜନାର ଶୁଭାରମ୍ଭ ହୋଇଛି । ଏଥିପାଇଁ ବୃନ୍ଦାବତୀ ନିବାସ ପରିସରରେ ଆନୁଷଙ୍ଗିକ ବ୍ୟବସ୍ଥା କରାଯାଇଛି । ଏହି ଯୋଜନାରେ ନାମ ପଞ୍ଜୀକରଣ କରିଥିବା ବ୍ରତଧାରୀଙ୍କ ଲାଗି ୪ଟି ରହଣି କେନ୍ଦ୍ର କରାଯାଇଛି । ସ୍ଥାୟୀ ଶିବିର ବୃନ୍ଦାବତୀ ନିବାସ ବ୍ୟତୀତ ବଗଲା ଧର୍ମଶାଳା, ରେଲୱେ ଟୁରିଷ୍ଟ କମ୍ପ୍ଲେକ୍ସ ଏବଂ ମୋଚିସାହି କଲ୍ୟାଣ୍ଡ ମଣ୍ଡପରେ ହବିଷ୍ୟାଳିଙ୍କୁ ରଖାଯାଇଛି । ମଙ୍ଗଳବାରଠାରୁ ଆରମ୍ଭ ହେଉଥିବା ହବିଷ ବ୍ରତ ନଭେମ୍ବର ୫ ତାରିଖ ପର୍ଯ୍ୟନ୍ତ ଏକ ମାସ ଧରି ଚାଲିବ ।
ହବିଷ୍ୟାଳି ଯୋଜନାରେ ୭୦ ବର୍ଷ ବୟସ୍କା ପର୍ଯ୍ୟନ୍ତ ବିଧବା ମା’ ଓ ୫୦ରୁ ୭୦ ବର୍ଷ ବିବାହିତ ମହିଳାମାନେ ଏହି ବ୍ରତ ପାଇଁ ଆବେଦନ ଅନ୍ ଲାଇନ ମାଧ୍ୟମରେ କରିଥିଲେ । ସେମାନଙ୍କର ସୁରକ୍ଷିତ ରହଣି, ସୁରକ୍ଷା, ବୃନ୍ଦାବତୀ ପୂଜା, ମନ୍ଦିର ଦର୍ଶନ, ଗମନାଗମନ, ମହାପ୍ରସାଦ ସେବନ, ପ୍ରବଚନ, ଭଜନ, ପାଲା ଇତ୍ୟାଦି ବ୍ୟବସ୍ଥା,ସହିତ ସ୍ୱାସ୍ଥ୍ୟ ପରୀକ୍ଷା ଓ ଚିକିତ୍ସା, ପରିମଳ, ପାନୀୟ ଜଳ, ସ୍ୱେଚ୍ଛାସେବୀ ସହଯୋଗ ଇତ୍ୟାଦି ସମସ୍ତ ବ୍ୟବସ୍ଥା କରାଯାଇଛି। ଏହାକୁ ସୁନିୟନ୍ତ୍ରିତ କରିବାକୁ ସମ୍ପୃକ୍ତ ବିଭାଗର ଅଧିକାରୀ ଓ କର୍ମଚାରୀଙ୍କୁ ଦାୟିତ୍ୱ ଦିଆଯାଇଛି । ସେହିପରି ତଦାରଖ କରିବାକୁ ନୋଡାଲ ଅଧୂକାରୀ, ବରିଷ୍ଠ ଅଧିକାରୀମାନଙ୍କୁ ମଧ୍ଯ ନିୟୋଜିତ କରାଯାଇଛି ।ଗତ ସୋମବାର ଦିନ ଜିଲ୍ଲାପାଳ ଦିବ୍ୟଜ୍ୟୋତି ପରିଡ଼ାଙ୍କ ସମେତ ଅନ୍ୟ ଅଧିକାରୀମାନେ ବିଭିନ୍ନ ରହଣି କେନ୍ଦ୍ର ବୁଲି ସ୍ଥିତି ପରଖୁଛନ୍ତି । କ’ଣ ସୁବିଧା, ଅସୁବିଧା ରହିଛି, ବୁଝିବା ସହ ସମସ୍ତ ବ୍ୟବସ୍ଥା ବୁଲି ଦେଖୁଛନ୍ତି । ହବିଷ୍ୟାଳିମାନେ ଭୋରରୁ ଉଠି ନରେନ୍ଦ୍ର ପୁଷ୍କରିଣୀ ସମେତ ଶ୍ରୀକ୍ଷେତ୍ରର ବିଭିନ୍ନ ତୀର୍ଥ ପୁଷ୍କରିଣୀ ରେ ସ୍ନାନ ସାରି ଶ୍ରୀମନ୍ଦିରକୁ ଯିବେ । ମହାପ୍ରଭୁଙ୍କ ମଙ୍ଗଳ ଆଳତି ଦର୍ଶନ କରିବା ସହ ତୁଳସୀ ଚଉରାମୂଳେ ରାଇଦାମୋଦରଙ୍କୁ ପୂଜା କରି ଏକମାସ ଯାଏଁ ଆଧ୍ୟାତ୍ମିକ ଭାବେ ବାନ୍ଧି ହୋଇ ରହିବେ । ପ୍ରତି ସନ୍ଧ୍ୟାରେ ଆକାଶ ଦୀପ ଟାଣିବେ । ପୁଣି ଭଜନ, ଭାଗବତ, ପୁରାଣ ଓ ପ୍ରବଚନ ଶୁଣିବେ । ଗୋଟିଏଥର ମହାପ୍ରସାଦ ସେବନ କରି ଏହିପରି ପ୍ରଭୁ ଜଗନ୍ନାଥ ଙ୍କ ପାଦ ପଦ୍ମରେ ନିଜକୁ ଉତ୍ସର୍ଗ କରିଥାନ୍ତି | କାର୍ତ୍ତିକ ରାସ ପୂର୍ଣମୀ ପରେ କେଉଁମାନେ ଘରକୁ ଯାଇଥାନ୍ତି ତ ଅନ୍ୟମାନେ ଛାଡ଼ ଖାଇ କରି ଆସିଥିବା ନିଜ ପରିବାର ସହିତ ଘରକୁ ଫେରନ୍ତି |