Odisha Janamata : ବଜ୍ର ପାତ ରେ ଖଲ୍ଲିକୋଟ ଥାନା ମଥୁରା ପଞ୍ଚାୟତ ର ଜଣେ ମହିଳା ଙ୍କ ମୃତ୍ୟୁ ହୋଉଥିଲା ବେଳେ ଅନ୍ୟଜଣେ ଆହତ |

ବଜ୍ର ପାତ ରେ ଖଲ୍ଲିକୋଟ ଥାନା ମଥୁରା ପଞ୍ଚାୟତ ର ଜଣେ ମହିଳା ଙ୍କ ମୃତ୍ୟୁ ହୋଉଥିଲା ବେଳେ ଅନ୍ୟଜଣେ ଆହତ |

21-Sep-2025

ବଜ୍ରପାତରେ ଜଣେ ମହିଳା ମୃତ ଓ ଅନ୍ୟ ଜଣେ ଆହତ,

ଓଡିଶ ଜନମତ, ମାଧବ ଚନ୍ଦ୍ର ବେହେର, ଖଲ୍ଲିକୋଟ 22/9:

ବଜ୍ରପାତରେ ଜଣେ ମହିଳାଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଆହତ ହୋଇଥିବା ଜଣାପଡିଛି।ମୃତ ମହିଳା ଜଣକ ହେଲେ ଖଲ୍ଲିକୋଟ ଥାନା ଅନ୍ତର୍ଗତ ମଥୁରା ପଞ୍ଚାୟତ ଭରାସା ନୂଆଁପଲ୍ଲୀ ଗ୍ରାମର ଜୟରାମ ଗୌଡଙ୍କ ପତ୍ନୀ ୪୫ ବର୍ଷୀୟା ଚନ୍ଦ୍ରମା ଗୌଡ ବୋଲି ଜଣାପଡିଛି ।ମୃତ ଚନ୍ଦ୍ରମା ଧାନ ବିଲରେ କାମ କରୁଥିବା ବେଳେ ଘଟିଛି ଅଘଟଣ । ତାଙ୍କ ସହ କାମ କରୁଥିବା ଅନ୍ୟ ଜଣେ ମହିଳା ଆହତ ହୋଇଛନ୍ତି। ଆହତ ମହିଳା ଜଣକ ହେଲେ ସେହି ଗ୍ରାମର ଉର୍ମିଳା ଗୌଡ। ଉର୍ମିଳା ଖଲ୍ଲିକୋଟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଚିକିତ୍ସିତ ହେଉଛନ୍ତି। ବଜ୍ରପାତରେ ଚନ୍ଦ୍ରମା ବିଲରେ ଟଳି ପଡିଥିବା ବେଳେ ପାଖରେ କାମ କରୁଥିବା ଅନ୍ୟ ମାନେ ତୁରନ୍ତ ତାଙ୍କ ପରିବାରକୁ ଜଣାଇଥିଲେ। ପରିବାର ଲୋକେ ନିକଟସ୍ଥ ଖଲ୍ଲିକୋଟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରିଥିଲେ।ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ପୋଲିସ ପହଞ୍ଚି ଶବକୁ ଜବତ କରିବା ସହ ବ୍ୟବଛେଦ ପାଇଁ ପଠାଇଛି।ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ପରିସରରେ ଏକ ଶୋକାକୁଳ ପରିବେଶ ସୃଷ୍ଟି ହୋଇଥିଲା।|