Odisha Janamata : ଖଲ୍ଲିକୋଟ, ଦାନପୁର କ୍ଲଷ୍ଟର ତରଫରୁ ତୃତୀୟ ମାସିକ କ୍ଲଷ୍ଟର ସ୍ତରୀୟ ବୈଠକ ଅନୁଷ୍ଠିତ |

ଖଲ୍ଲିକୋଟ, ଦାନପୁର କ୍ଲଷ୍ଟର ତରଫରୁ ତୃତୀୟ ମାସିକ କ୍ଲଷ୍ଟର ସ୍ତରୀୟ ବୈଠକ ଅନୁଷ୍ଠିତ |

07-Sep-2025

ଖଲ୍ଲିକୋଟ: ଦାନପୁର କ୍ଲଷ୍ଟର ତରଫରୁ ତୃତୀୟ ମାସିକ କ୍ଲଷ୍ଟର ସ୍ତରୀୟ ବୈଠକ ଅନୁଷ୍ଠିତ,

ଓଡିଶା ଜନ ମତ ବ୍ୟୁରୋ,

ଖଲ୍ଲିକୋଟ ବ୍ଲକ ଅନ୍ତର୍ଗତ ଦାନପୁର କ୍ଳଷ୍ଟର ପକ୍ଷରୁ ତୃତୀୟ ମାସିକ କ୍ଳଷ୍ଟର ସ୍ତରୀୟ ବୈଠକ ବି.ଏନ୍.ପୁର୍ ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ରାଜ୍ୟ ସରକାରଙ୍କ ନିର୍ଦ୍ଦଶେ କ୍ରମେ ଅନୁଷ୍ଠିତ ହୋଇଛି I ଆଂଚଳିକ ସାଧାନ କେନ୍ଦ୍ର ସଂଯୋଜକ ପ୍ରଶାନ୍ତ କୁମାର ସେଠୀଙ୍କ ତତ୍ତ୍ଵାବଧାନରେ ବରିଷ୍ଠ ଶିକ୍ଷକ ଗଣେଶ ସେଠୀ, ସୁରେନ୍ଦ୍ରନାଥ ବେହେରା, ବିଜୟ କୁମାର ତ୍ରିପାଠୀ, ବିଦ୍ୟାଳୟର ପ୍ରଧାନଶିକ୍ଷକ ସନାତନ ମହାଙ୍କୁଡ ପ୍ରମୁଖ ପ୍ରଦୀପ ପ୍ରଜ୍ବଳନ କରି ବୈଠକର ଶୁଭାରମ୍ଭ କରିଥିଲେ I ଅନୁଷ୍ଠିତ ବୈଠକରେ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ରବି ନାରାୟଣୀ ସେଠୀ ଉପସ୍ଥିତ ହୋଇ ଏଫ୍. ଏଲ୍. ଏନ୍. ବିଷୟ ବସ୍ତୁ ସମ୍ପର୍କରେ ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ବୁଝାଇବା ସହ କେମିତି ନିଜ ବିଦ୍ୟାଳୟରେ କାର୍ଯ୍ୟକରି ହେବ ସେ ସମ୍ପର୍କରେ ପ୍ରଶିକ୍ଷଣ ପ୍ରଦାନ କରିଥିଲେ l ବୈଠକରେ ସେପ୍ଟେମ୍ବର ମାସର ଶୈକ୍ଷିକ କ୍ୟାଲେଣ୍ଡର, ବିଦ୍ୟାଳୟ ପରିଦର୍ଶନ ଓ ଆଲୋଚନା, ଶିକ୍ଷଣ ସୋପାନ ରେଜିଷ୍ଟର, ପଞ୍ଚମ ଶ୍ରେଣୀ ଆଧାରିତ ଗଣିତ ଶିକ୍ଷଣ କାର୍ଯ୍ୟ,ଜିଲ୍ଲା ଭିତ୍ତିକ ଶୈକ୍ଷିକ ଆଲୋଚନା, ନିପୁଣ ସପ୍ତାହ ଏବଂ ଶ୍ରେଣୀ ପରିଚାଳନା (ବହୁଶ୍ରେଣୀ) ସଂଖ୍ୟାଜ୍ଞାନ ଓ ଭାଷା ପାଠ ଯୋଜନା ଆଦି ପ୍ରସଙ୍ଗ ଉପରେ ବିଜ୍ଞାନୀ ଦିଦି ଓ ଅଳକା ଦିଦି ଉପସ୍ଥାନ କରିଥିଲେ I ଆୟୋଜିତ ବୈଠକରେ ଦଶଟି ବିଦ୍ୟାଳୟର ପ୍ରଧାନ ଶିକ୍ଷକ ଶିକ୍ଷୟିତ୍ରୀ ଏବଂ ଏଫ୍ ଏଲ୍ ଏନ୍ ଶିକ୍ଷକ ଶିକ୍ଷୟିତ୍ରୀ ମାନେ ଉପସ୍ଥିତ ହୋଇ ତାଲିମ ଗ୍ରହଣ କରିଥିଲେ ଥିଲେ l ଶିଶୁ ବାଟିକା, ପ୍ରଥମ ଶ୍ରେଣୀ, ଦ୍ଵିତୀୟ ଶ୍ରେଣୀ ଏବଂ ତୃତୀୟ ଶ୍ରେଣୀ ପାଇଁ ଉଦ୍ଦିଷ୍ଟ କାର୍ଯ୍ୟକ୍ରମକୁ ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ପ୍ରଶାନ୍ତ କୁମାର ସେଠୀ ସମସ୍ତଙ୍କ ପାଖରେ ପହଞ୍ଚାଇବାକୁ ଯଥା ସାଧ୍ୟ ଚେଷ୍ଟା କରିବା ସହିତ ସମସ୍ତ ଶିକ୍ଷକ ଶିକ୍ଷୟିତ୍ରୀ ନିଜ ବିଦ୍ୟାଳୟରେ ଯେମିତି ଏହାକୁ କାର୍ଯ୍ୟକରି କରିବେ ସେ ବିଷୟରେ ସୂଚନା ଦେଇଥିଲେ l ପରି ଶେଷରେ ସାଧନ କେନ୍ଦ୍ର ସଂଯୋଜକ ଶ୍ରୀଯୁକ୍ତ ସେଠୀ ସମସ୍ତଙ୍କୁ ନିଜ ବିଦ୍ୟାଲୟରେ କୁନି କୁନି ଶିକ୍ଷାର୍ଥୀ କେମିତି ଆଗକୁ ଯିବେ ବୁଝାଇବା ପରେ ତାଲିମକୁ ପରିସମାପ୍ତି କରିବା ସହିତ ସମସ୍ତଙ୍କୁ ଧନ୍ୟବାଦ ଦେଇଥିଲେ l