Odisha Janamata : ଏସଟି ଜାଭିଏର ଘରୋଇ ବିଦ୍ୟାଳୟ ଦକ୍ଷିଣ ପୁର ନାଁରେ ସଂଗୀନ ଅଭିଯୋଗ |

ଏସଟି ଜାଭିଏର ଘରୋଇ ବିଦ୍ୟାଳୟ ଦକ୍ଷିଣ ପୁର ନାଁରେ ସଂଗୀନ ଅଭିଯୋଗ |

16-Jul-2025

ଏସଟି ଜାଭିୟାର ଘରୋଇ ସ୍କୁଲ ଦକ୍ଷିଣପୁର ନାଁ ରେ ସଙ୍ଗୀନ ଅଭିଯୋଗ।

ଓଡିଶା ଜନମତ ବ୍ୟୁରୋ,

ବ୍ରହ୍ମପୁର -କୁକୁଡାଖଣ୍ଡି ବ୍ଲକ ଅଧିନସ୍ଥ ଘରୋଇ ବିଦ୍ୟାଳୟ ଏସଟି ଜାଭିୟାର ସ୍କୁଲ ନାଁ ରେ ସଙ୍ଗୀନ ଅଭିଯୋଗ ଆସିଛି। ଏହି ବିଦ୍ୟାଳୟ ସରକାରୀ ସ୍ପୀକୃତି ପ୍ରାପ୍ତ ନୁହେଁ କିନ୍ତୁ ପ୍ରଥମ ଶ୍ରେଣୀ ଠାରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଶିଶୁ ମାନେ ଅଧ୍ୟୟନ କରୁଛନ୍ତି। ଏହିବିଦ୍ୟାଳୟରେ ଅନେକ ଛାତ୍ର ଛାତ୍ରୀ ସପ୍ତମ ଓ ଅଷ୍ଟମ ଶ୍ରେଣୀ ରେ ଅଧୟନ କରୁଥିଲେ। ଅଷ୍ଟମ ପାସ ପରେ ଉକ୍ତ ବିଦ୍ୟାଳୟ ଦେଇଥିବା ସାର୍ଟିଫିକେଟ ଅନ୍ୟ ବିଦ୍ୟାଳୟ ଗ୍ରହଣ କରିବାକୁ ଅନିଚ୍ଛା ପ୍ରକାଶ କରିଥିଲେ। ଯେହେତୁ ଏହି ଶିଶୁର ପେନ ନମ୍ବର ନାହିଁ। ତେଣୁ ଏହି ଅଭିଭାବକ ବହୁତ ସମସ୍ୟାର ସମ୍ମୁଖୀନ ହୋଇଥିଲେ। ସରକାରଙ୍କ ଗାଇଡଲାଇନ ଅନୁସରଣ ନ କରି ଏହିପରି ଗଞ୍ଜାମ ଜିଲ୍ଳାରେ ମାଳମାଳ ଘରୋଇ ବିଦ୍ୟାଳୟ ଖୋଲି ଶିଶୁମାନଙ୍କ ଭବିଷ୍ୟତ ସହ ଖେଳୁଛନ୍ତି। ସରକାରଙ୍କ ଗାଇଡ଼ଲାଇନ ଅନୁସାରେ ୟୁଡାଏସକୋଡ଼ ନିହାତି ଆବଶ୍ୟକ। ବିନା ୟୁଡାଏସକୋଡ଼ ରେ କୌଣସି ଶିଶୁର କୌଣସି ତଥ୍ୟ ରହିପାରିବ ନାହିଁ। ତେଣୁ ସାଧାରଣରେ ଆଲୋଚନା ର ବିଷୟ ପାଲଟିଛି ଯେ ଏ ସବୁ ଘରୋଇ ବିଦ୍ୟାଳୟ ଏବଂ ଶିକ୍ଷା ବିଭାଗ ର ମଧୁଚନ୍ଦ୍ରିକା ରେ ଚାଲିଛି। ଅଭିଭାବକ ମାନେ ବହୁ ଖର୍ଚ୍ଚାନ୍ତ କରି ଘରୋଇ ବିଦ୍ୟାଳୟ ରେ ଶିଶୁ ମାନଙ୍କୁ ପଢ଼ାନ୍ତି କିନ୍ତୁ ଘରୋଇ ବିଦ୍ୟାଳୟ ଗୁଡିକ ପିଲାମାନଙ୍କ ଭବିଷ୍ୟତ ସହ ଖେଳୁଛନ୍ତି। ତେଣୁ ଆଗାମୀ ଦିନରେ ଯଦି ଶିକ୍ଷା ବିଭାଗ ଏହିପରି ବିଦ୍ୟାଳୟ ମାନଙ୍କ ପ୍ରତି ଯଦି କଠୋର କାର୍ଯ୍ୟାନୁଷ୍ଠାନ ନ ନିଅନ୍ତି ତାହାହେଲେ ଗୋଷ୍ଠିଶିକ୍ଷାଧିକାରୀଙ୍କ କାର୍ଯ୍ୟାଳୟ ଆଗରେ ଧାରଣାରେ ବସିବାକୁ ଚେତାବନୀ ଦେଇଛନ୍ତି। ଉକ୍ତ ବିଦ୍ୟାଳୟ ର ୟୁଡାଏସ କୋଡ଼ ନ ଥିବାବେଳେ ଚଳିତ ଶିକ୍ଷା ବର୍ଷରେ ମଧ୍ୟ ଷଷ୍ଠ, ସପ୍ତମ ଏବଂ ଅଷ୍ଟମ ଶ୍ରେଣୀରେ ଶିଶୁ ମାନେ ଅଧୟନ କରୁଛନ୍ତି।ତେଣୁ ସେହି ଶିଶୁ ମାନଙ୍କର ଅନ୍ୟ ବିଦ୍ୟାଳୟ ରେ ଅଧୟନ କରିବା ଅସୁବିଧା ହେବ। ତେଣୁ ଏହି ବିଦ୍ୟାଳୟ ଉପରେ ଦୃଢ଼ କାର୍ଯ୍ୟାନୁଷ୍ଠାନ ନେବା ନିହାତି ଆବଶ୍ୟକ ବୋଲି ବୁଦ୍ଧିଜୀବୀ ମହଲରେ ଆଲୋଚନର ବିଷୟ ପାଲଟିଛି।