Odisha Janamata : ଆସ୍କା ବଜାର ନିକଟରେ ଛୁରା ମାଡ଼ରେ ଗୁରୁତର ଯୁବକ ମେଡିକାଲ ରେ ଚିକିତ୍ସିତ |

ଆସ୍କା ବଜାର ନିକଟରେ ଛୁରା ମାଡ଼ରେ ଗୁରୁତର ଯୁବକ ମେଡିକାଲ ରେ ଚିକିତ୍ସିତ |

05-Jul-2025

ଛୁରା ମାଡ଼ରେ ଗୁରୁତର ଆହତ ଯୁବକ ଡାକ୍ତରଖାନାରେ ଚିକିତ୍ସିତ ।

ଓଡିଶା ଜନମତ, ବ୍ରହ୍ମପୁର, କୈଳାସ ଚନ୍ଦ୍ର ଚୌଧୁରୀ,
ତା 05/07/25:

ଆସ୍କା ବଜାର ଷ୍ଟେଟ ବ୍ୟାଙ୍କ ନିକଟ ଏକ ବିଦେଶୀ ମଦ ଦୋକାନ ପାଖରେ କିଛି ଯୁବକ ଙ୍କ ମଧ୍ୟରେ ପାଟିତୁଣ୍ଡ ଓ ଝଗଡା ହୋଇଥିଲା। ଏହି ଭଳି ପରିସ୍ଥିତିରେ ଆସ୍କା ନିକଟବର୍ତ୍ତୀ ବାବନପୁର ଗ୍ରାମର ହିମାଂଶୁ ଦାସ ନାମକ ଜଣେ ଯୁବକ କୁ ଛୁରାମାଡ ଫଳରେ ତା`ର ଶରୀରରେ ଭୀଷଣ ଆଘାତ ଲାଗିଛି ଓ ହିମାଂଶୁ ଗୁରୁତର ଆହତ ହୋଇ ବ୍ରହ୍ମପୁର ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି ହୋଇଛି। ଏହି ପରିପ୍ରେକ୍ଷୀରେ ଆସ୍କା ସହରରେ ପୁରା ଅଶାନ୍ତ ବାତାବରଣ ସୃଷ୍ଟି ହୋଇଛି। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଆକ୍ରମଣକାରୀ ଯୁବକ କାଳିଆ ନାହାକ କୁ ଉଠାଇ ଆଣି ଥାନା ରେ ରଖି ଜେରା କରୁଛନ୍ତି। ଉଭୟେ ପୁରୁଣା ଅପରାଧୀ ଓ ଉଭୟଙ୍କ ନାମରେ ବହୁ ସଙ୍ଗୀନ ମାମଲା ରହିଥିବା ବେଳେ ଆହତ ହିମାଂଶୁ ଭୁବନେଶ୍ୱର ରେ ରହୁଥିବା ବେଳେ କାଳିଆ ଫୁଲବାଣୀ ରେ ରହୁଥିବା ଜଣାପଡିଛି।