Odisha Janamata : ବ୍ରହ୍ମପୁର ରୋଲଣ୍ଡ ଫାର୍ମାସି କଲେଜ ରେ ନୁଆଁ ଓଡ଼ିଆ ଫିଲ୍ମ "ଆଇ ଏମ କାଳିଆ ` ର ଉଦଘାଟନ |

ବ୍ରହ୍ମପୁର ରୋଲଣ୍ଡ ଫାର୍ମାସି କଲେଜ ରେ ନୁଆଁ ଓଡ଼ିଆ ଫିଲ୍ମ "ଆଇ ଏମ କାଳିଆ ` ର ଉଦଘାଟନ |

01-Jul-2025

*ନୂତନ ଓଡ଼ିଆ ଚଳଚ୍ଚିତ୍ର "ଆଇ ଆମ୍ କାଳିଆ"ର ପ୍ରଚାର ରୋଲାଣ୍ଡ୍ ଫାର୍ମାସୀ କଲେଜରେ ଉଦ୍‌ଘାଟିତ*

ଓଡିଶା ଜନମତ, ବହ୍ମପୁର, ଗୋପାଳ କୃଷ୍ଣ ପ୍ରଧାନ,

ବ୍ରହ୍ମପୁର ସ୍ଥିତ ରୋଲାଣ୍ଡ୍ ଫାର୍ମାସୀ କଲେଜର ଜେଏସଆର୍ ମେମୋରିୟାଲ୍ ପ୍ରେକ୍ଷାଳୟରେ ନୂତନ ଓଡ଼ିଆ ଚଳଚ୍ଚିତ୍ର “ଆଇ ଆମ୍ କାଳିଆ” ର ପ୍ରମୋସନାଲ୍ କାର୍ଯ୍ୟକ୍ରମ ହେରା ପଞ୍ଚମୀ ଦିନ ଉଦ୍‌ଘାଟିତ ହୋଇ ଯାଇଛି । ଏହି କାର୍ଯ୍ୟକ୍ରମରେ ଚଳଚ୍ଚିତ୍ରର ପ୍ରଯୋଜକ ଶ୍ରୀ ସୁବାସ ସାହୁ, ଉପଦେଷ୍ଟା ଶ୍ରୀ ଅମିୟ ମହାରଣା , ଲୋକକଳା ଶିଳ୍ପୀ ଇଂ.ଓମ୍ ମହାପାତ୍ର ଓ ଚଳଚ୍ଚିତ୍ରର ମୁଖ୍ୟନାୟକ, କାହାଣୀକାର, ନିର୍ଦ୍ଦେଶକ ତଥା ଲୋକପ୍ରିୟ ଅଭିନେତା ଶ୍ରୀ ହରିହର ମହାପାତ୍ର ପ୍ରମୁଖ ଅତିଥିରୂପେ ଯୋଗ ଦେଇଥିଲେ । ଅନୁଷ୍ଠାନର ନିର୍ଦ୍ଦେଶିକା ଡଃ.ଜେ.ଶ୍ରୁତି ଓ ଅଧ୍ୟକ୍ଷ ଡଃ.ବିଭିଭି ରବି କୁମାର ଅତିଥିମାନଙ୍କୁ ମାନପତ୍ର ଓ ଉପଢୌକନ ପ୍ରଦାନ ପୂର୍ବକ ସମ୍ମାନିତ କରିଥିଲେ ଓ ଚଳଚ୍ଚିତ୍ରଟିର ସଫଳତା କାମନା କରିଥିଲେ । ଅତିଥିମାନେ ତାଙ୍କର ଅଭିଜ୍ଞତା, ଚଳଚ୍ଚିତ୍ରର କାହାଣୀ ବିଷୟରେ ଛାତ୍ରଛାତ୍ରୀମାନଙ୍କ ସହ ବାର୍ତ୍ତାଳାପ କରି ଓଡ଼ିଆ ସିନେମା ଦେଖିବା ପ୍ରତି ଆଗ୍ରହୀ ହେବା ପାଇଁ ବାର୍ତ୍ତା ଦେଇଥିଲେ । ଏଠାରେ ଉଲ୍ଲେଖ ଯୋଗ୍ୟ ଯେ ଏହି ଚଳଚ୍ଚିତ୍ରଟି ଆସନ୍ତା ବାହୁଡା ଯାତ୍ରା ଅବସରରେ ସାରା ଓଡିଶାର ସିନେମା ହଲ୍ ରେ ମୁକ୍ତିଲାଭ ହେବାକୁ ଯାଉଛି । ଅନୁଷ୍ଠାନର ସମସ୍ତ କର୍ମକର୍ତ୍ତା ଏହି କାର୍ଯ୍ୟକ୍ରମଟିକୁ ସୁଚାରୁ ରୂପେ ସମ୍ପାଦନ କରିଥିବା ବେଳେ ସହକାରୀ ଅଧ୍ୟାପକ ଦୀପକ ଷଡଙ୍ଗୀ ମଞ୍ଚ ପରିଚାଳନା କରିବା ସହିତ ଶେଷରେ ଧନ୍ୟବାଦ ଅର୍ପଣ କରିଥିଲେ ।