Odisha Janamata : ଖୋର୍ଦ୍ଧା ରେ ବିକଶିତ କୃଷି ସଂକଳ୍ପ ଅଭିଯାନ |

ଖୋର୍ଦ୍ଧା ରେ ବିକଶିତ କୃଷି ସଂକଳ୍ପ ଅଭିଯାନ |

12-Jun-2025

ଖୋର୍ଦ୍ଧା ରେ ବିକଶିତ କୃଷି ସଂକଳ୍ପ ଅଭିଯାନ::ଚାଷୀଙ୍କ ମୂଳଦୁଆ ସୁଦୃଢ କରିବା ଏହାହିଁ ସରକାର ଙ୍କ ଲକ୍ଷ-,
---------------------------------------------
ଓଡିଶା ଜନମତ,ଖୋର୍ଦ୍ଧା, ଗୋପାଳକୃଷ୍ଣ ପ୍ରଧାନ

କୃଷି ବିଜ୍ଞାନ କେନ୍ଦ୍ର ଖୋର୍ଦ୍ଧା ,ଆଇସିଏଆର,ସିଫା କୌଶଲ୍ୟା ଗଙ୍ଗା ଭୁବନେଶ୍ୱର ଓ ରାଜ୍ୟ କୃଷି ଓ ସଶକ୍ତିକରଣ ବିଭାଗ ଆୟୋଜନ ରେ ଖୋର୍ଦ୍ଧା ର କୃଷକ ବନ୍ଧୁ ମାନଙ୍କୁ ନେଇ ବିକଶିତ କୃଷି ସଂକଳ୍ପ ଅଭିଯାନ ସ୍ଥାନୀୟ ଜୟୀରାଜଗୁରୁ ଭବନ ଠାରେ ଅନୁଷ୍ଠିତ ହୋଇଯାଇଛି |ଉକ୍ତ କାର୍ଯ୍ୟକ୍ରମରେ ଖୋର୍ଦ୍ଧା ଜିଲ୍ଲା ମୁଖ୍ୟ କୃଷି ଅଧିକାରୀ ରବି ନାରାୟଣ ସେନାପତି ପୌରୋହିତ୍ୟ ରେ ଅତିଥି ରୂପେ ଖୋର୍ଦ୍ଧା ବିଧାୟକ ପ୍ରଶାନ୍ତ କୁମାର ଜଗଦେଵ ଯୋଗ ଦେଇ ଏହି କାର୍ଯ୍ୟକ୍ରମ କୁ ଉଦଘାଟନ କରିବା ସହିତ ବିକଶିତ କୃଷି ସଂକଳ୍ପ ଅଭିଯାନ ର ମୁଖ୍ୟ ଉଦ୍ୟଶ କହିଥିଲେ।ରାଜ୍ୟ ଓ କେନ୍ଦ୍ର ସରକାର କୃଷକ ମାନଙ୍କ ଆୟ ଦୁଇଗୁଣ କରିବା ସହିତ କୃଷି କ୍ଷେତ୍ରରେ ଓଡିଶା କିଭଳି ବିକଶିତ ହେବ ଓ ଚାଷୀ ପରିବାର କିଭଳି ଆତ୍ମନିର୍ଭରଶୀଳ ହୋଇ ଓଡିଶା ର ବିକାଶରେ ସହଭାଗୀତା ହେବ ସେଥିପାଇଁ ସରକାର ସଂକଳ୍ପ ନେଇଛନ୍ତି।ତେଣୁ ଚାଷୀଙ୍କୁ ତୃଣମୂଳ ସ୍ତରରୁ ସୁଦୃଢ଼ କରିବା ପାଇଁ ନୂଆ ନୂଆ ପଦ୍ଧତି ଓ ନୂଆ ଜ୍ଞାନ କୌଶଳ ପ୍ରଦାନ କରାଯିବ ସେଥିପାଇଁ ଜିଲ୍ଲା କୃଷି ବିଭାଗ କର୍ମଚାରୀ ଓ ବରିଷ୍ଠ କୃଷି ବୈଜ୍ଞାନିକ ମାନେ ଆଗେଇ ଆସିଛନ୍ତି ବୋଲି ବିଧାୟକ କହିଥିଲେ।।ଅନ୍ୟ ମାନଙ୍କ ମଧ୍ୟରେ କୃଷି ବିଜ୍ଞାନ କେନ୍ଦ୍ର ଖୋର୍ଦ୍ଧା ର ବରିଷ୍ଠ ବୈଜ୍ଞାନିକ ଡ଼ ହରପ୍ରିୟା ନାୟକ,ସିଫା ଭୁବନେଶ୍ୱର ର ଡ଼ାଇରେକ୍ଟର ଡ଼ ପିକେ ସାହୁ,ଆଇସିଅଆର ନୂଆଦିଲ୍ଲୀ ର ଫିସୋରି ବୈଜ୍ଞାନିକ ଡ଼ ଜେକେ ଜେନା,ଖୋର୍ଦ୍ଧା ଉଦ୍ୟାନ ବିଭାଗର ଅଧିକାରିଣୀ ସ୍ମିତା ମହାନ୍ତି,ପିଡ଼ି ମୂର୍ତ୍ତିକା ସଂରକ୍ଷଣ ବିଭାଗ ର ଦିଗାମ୍ବର ବିଶ୍ୱାଳ,ଖୋର୍ଦ୍ଧା ଜିଲ୍ଲା ବିଜେପି ସଭାପତି ବିଶ୍ୱରଂଜନ ବଡ଼ଜେନା,ଭୁବନେଶ୍ୱର ସାଂସଦ ପ୍ରତିନିଧି,ପ୍ରମୁଖ ଯୋଗ ଦେଇ ସରକାର ଙ୍କ କୃଷି ଯୋଜନା ଉପରେ ନିଜସ୍ୱ ମତ ରଖିବା ସହିତ ଉକ୍ତ କାର୍ଯ୍ୟକ୍ରମର ଉଦେଶ୍ୟ ଓ ମହତ୍ୱ ସମ୍ପର୍କରେ ଉପସ୍ଥିତ ଚାଷୀ ମାନଙ୍କୁ ଅବଗତ କରାଇଥିଲେ |ଅନୁରୂପଭାବେ ଚାଷୀ ଭାଇଙ୍କ ନିମନ୍ତେ ସରକାରଙ୍କ ପକ୍ଷରୁ ହୋଇଥିବା ସ୍କିମ, ପ୍ରୋଜେକ୍ଟ ଓ ଅନୁସଙ୍ଗିକ ଜ୍ଞାନ କୌଶଳ ବିଷୟରେ ଚାଷୀ ଭାଇ ମାନଙ୍କୁ ସୁ ପରାମର୍ଶ ଦେଇଥିଲେ | ଖୋର୍ଦ୍ଧା ଅଞ୍ଚଳର ଶହଶହ ସଂଖ୍ୟାରେ ଚାଷୀଭାଇଙ୍କ ସମେତ କୃଷକ ସାଥି,ଲୋକ ପ୍ରତିନିଧି ଙ୍କ ସମେତ ଅନେକ ମହିଳା କୃଷକ ଉପସ୍ଥିତ ଥିଲେ |ଶେଷରେ ଜିଲ୍ଲା କୃଷି ଅଧିକାରି ଡ଼ ମନୋରଞ୍ଜନ ରାଉଳ ଧନ୍ୟବାଦ ଅର୍ପଣ କରିଥିଲେ |