Odisha Janamata : 140 ବର୍ଷରେ ପହଞ୍ଚିଲା ପାଇକ ତିଗିରିଆ ରାମ ଲୀଳା |

140 ବର୍ଷରେ ପହଞ୍ଚିଲା ପାଇକ ତିଗିରିଆ ରାମ ଲୀଳା |

12-May-2025

୧୪୦ ବର୍ଷ ରେ ପହଞ୍ଚିଲା ପାଇକତିଗିରିଆ ରାମଲୀଳା::ଭାଇଚାରା, ଭାତୃତ୍ୱ ଭାବ ସହିତ ଭକ୍ତି ଭାବନା ସୃଷ୍ଟି କରୁଛି ରାମଲୀଳା--ସଭାପତି-ଜୟକୃଷ୍ଣ ରାଉତ,

ଓଡିଶା ଜନମତ,ଖୋର୍ଦ୍ଧା, ଗୋପାଳକୃଷ୍ଣ ପ୍ରଧାନ

ଖୋର୍ଦ୍ଧା ବ୍ଲକ ଟାଙ୍ଗିଆପଡା ପଞ୍ଚାୟତ ଅନ୍ତର୍ଗତ ପାଇକତିଗିରିଆ ଗ୍ରାମ ରେ ଦୀର୍ଘ ୧୪୦ ବର୍ଷ ଧରି ଅନୁଷ୍ଠିତ ହେଉଛି ରାମଲୀଳା।ପ୍ରତିବର୍ଷ ଅକ୍ଷୟ ତୃତୀୟା ଠାରୁ ଆରମ୍ଭ ହୋଇ ରାମଲୀଳା ୨୧ ଦିନ ଧରି ରାମ ଜନ୍ମ ଠାରୁ ଅଭିଷେକ ପଯ୍ୟନ୍ତ ଏହି ଗ୍ରାମ ହେଉଥିଲା ବେଳେ ଏହି ଆଧ୍ୟାତ୍ମିକ ବିଷୟ ବସ୍ତୁ ଓ ଶ୍ରୀରାମ ଲୀଳା ଦେଖିବାକୁ ଗ୍ରାମର ଛୋଟ ଠାରୁ ବୃଦ୍ଧ ପର୍ଯ୍ୟନ୍ତ ଓ ଆଖ ପାଖ ଅଞ୍ଚଳ ରୁ ପ୍ରାୟ ପ୍ରତି ଦିନ ହଜାର ରୁ ଉର୍ଦ୍ଧ୍ବ ଲୋକଙ୍କ ସମାଗମ ହେଉଅଛି।।ଗ୍ରାମର ଛୋଟ ବଡ଼ କଳାକାର ମାନେ ନିଷ୍ଠାର ସହିତ ଏହାକୁ ସୁନ୍ଦର ଅଭିନୟ କରିଥିଲା ବେଳେ ଅନେକ ମାନସିକ ନେଇ ମଧ୍ୟ ଅଭିନୟ କରନ୍ତି।ସେହିପରି ଗ୍ରାମର ରଘୁନାଥ ରାମଲୀଳା କମିଟି ର ସଭାପତି ତଥା ବରିଷ୍ଠ କଳାକାର ଜୟକୃଷ୍ଣ ରାଉତ ,ଯୁବ ସମ୍ପାଦକ ସ୍ମୃତି ରଞ୍ଜନ ସାହୁ,କୋଷାଧ୍ୟକ୍ଷ ତ୍ରିନାଥ ରାଉତ ଓ କମିଟି ର ସମସ୍ତ ସଦସ୍ୟ ଓ ଗ୍ରାମବାସୀଙ୍କ ପୂର୍ଣ୍ଣ ସହଯୋଗ ଗାୟକ ବଦ୍ରିନାଥ ସେନାପତି ଓ ଜୟକୃଷ୍ଣ ରାଉତ ଙ୍କ ସୁମଧୁର କଣ୍ଠ ରେ ରାମଲୀଳା ଅତି ସୁନ୍ଦର ଭାବେ ପରିଚାଳିତ ହେଉଥିଲା ବେଳେ ।ଗ୍ରାମର ରାମଲିଳା ପ୍ରଚାର ସମିତି ତରଫରୁ ଶାନ୍ତି ଶୃଙ୍ଖଳା ସହିତ ଏହି ପରମ୍ପରା ବଜାୟ ରହିଛି। ଏହି ପୁରୁଣା ପରମ୍ପରା ରାମଲୀଳା ଦ୍ୱାରା ଗ୍ରାମବାସୀଙ୍କ ମଧ୍ୟରେ ଭାଇଚାରା ଓ ଭାତ୍ତୃତ୍ୱ ଭାବ ସୃଷ୍ଟି ହେବା ସହିତ ଭକ୍ତି ଭାବନା ଜାଗ୍ରତ ହୁଏ ବୋଲି ସଭାପତି ଜୟକୃଷ୍ଣ ରାଉତ କୁହନ୍ତି।ପୂର୍ବ ରୁ ବିଶ୍ୱାସ ଅଛି ଏହା ଦ୍ୱାରା ଗ୍ରାମର ମଙ୍ଗଳ ସାଧନ ହୋଇଥାଏ।ବର୍ଷ ଯାକ ପ୍ରଭୁ ଶ୍ରୀରାମ ଓ ହନୁମାନ ଙ୍କ ଆଶ୍ରିବାଦ ରୁ ଗ୍ରାମରେ କୌଣସି ଦୈବୀ ଦୁର୍ବିପାକ ହୋଇ ନ ଥାଏ।ଏହି ପରମ୍ପରା ଭକ୍ତି ଓ ବିଶ୍ୱାସ କୁ ନେଇ ବାପ ଗୋସିବାପ ସମୟରୁ ହୋଇଆସୁଛି ଓ ଆଗକୁ ମଧ୍ୟ ଚାଲି ରହିବ ବୋଲି ଗ୍ରାମବାସୀ କହିଛନ୍ତି। ତେବେ ଆଗକୁ ଆହୁରି ସୁନ୍ଦର ଭାବରେ କରିବା ପାଁଇ ଯୁବବର୍ଗ ଯୋଜନା କରିଥିବା ସମ୍ପାଦକ ସ୍ମୃତିରଞ୍ଜନ ସାହୁ କୁହନ୍ତି।ଆଜି ସୁପର୍ଣ୍ଣଖା ନାଶା ଛେଦନ ସହିତ ଖର,ଧୂଷଣ,ତ୍ରିସିରା ଙ୍କ ବଦ୍ଧ ବିଷୟ ବସ୍ତୁ ଦେଖିବାକୁ ବହୁ ଦର୍ଶକଙ୍କ ସମାଗମ ହୋଇଥିଲା।