Odisha Janamata : ଖୋର୍ଦ୍ଧା କେନ୍ଦ୍ର ସମବାୟ ବ୍ୟଙ୍କ ଲି ରେ ଉତ୍କଳ ଗୌରବ ମଧୁସୂଦନ ଦାସଙ୍କ ଜୟନ୍ତୀ ପାଳିତ |

ଖୋର୍ଦ୍ଧା କେନ୍ଦ୍ର ସମବାୟ ବ୍ୟଙ୍କ ଲି ରେ ଉତ୍କଳ ଗୌରବ ମଧୁସୂଦନ ଦାସଙ୍କ ଜୟନ୍ତୀ ପାଳିତ |

30-Apr-2025

ଖୋର୍ଦ୍ଧା କେନ୍ଦ୍ର ସମବାୟ ବ୍ୟାଙ୍କ ଲି ରେ ଉତ୍କଳ ଗୌରବ ମଧୁସୂଦନ ଦାସଙ୍କ ରେ ଜୟନ୍ତୀ ପାଳନ
(୨୧ ଜଣ ଙ୍କୁ ଋଣ ପ୍ରଦାନ |
(

ଓଡିଶା ଜନମତ, ଖୋର୍ଦ୍ଧା, ଗୋପାଳ କୃଷ୍ଣ ପ୍ରଧାନ,

ଆନ୍ତର୍ଜାତିକ ସମବାୟ ବର୍ଷ -୨୦୨୫ ଉପଲକ୍ଷେ ଖୋର୍ଦ୍ଧା କେନ୍ଦ୍ର ସମବାୟ ବ୍ୟାଙ୍କ ତରଫରୁ ଓଡ଼ିଶାରେ ସମବାୟ ଆନ୍ଦୋଳନରେ ଉତ୍କଳ ଗୌରବ ମଧୁସୂଦନ ଦାସଙ୍କ ଭୂମିକା ଆଲୋଚନା ଚକ୍ର ଓ ଋଣ ମେଳା ଅନୁଷ୍ଠିତ ହୋଇଯାଇଅଛି । ଓଡିଶା ସରକାରଙ୍କ ସମବାୟ ବିଭାଗ ତରଫରୁ ମଧୁବାବୁଙ୍କ ଙ୍କ ଜନ୍ମ ଜୟନ୍ତୀକୁ ପ୍ରତି ଜିଲ୍ଲା ରେ ପାଳନ କରିବାକୁ ନିର୍ଦ୍ଦେଶ ପ୍ରଦାନ କରିଛନ୍ତି ।ଏହି ଅବସରେ ଆଜିର ସଭାରେ ମହାପ୍ରଭୁ ଜଗନ୍ନାଥ ଓ ମଧୁବାବୁଙ୍କ ଫୋଟୋ ଚିତ୍ର ରେ ପୁଷ୍ପମାଲ୍ୟ ଅର୍ପଣ ସହ ବନ୍ଦେ ଉତ୍କଳ ଜନନୀ ସଂଗୀତ ଗାନ କରି ସଭାକାର୍ଯ୍ୟ ଆରମ୍ଭ କରାଯାଇଥିଲା ।ଉକ୍ତ ସଭାରେ ଶ୍ରୀମତୀ ଅଲକାନନ୍ଦା ଜେନା ଉପନିବନ୍ଧକ ସମବାୟ ସମିତି ସମୂହ ଖୋର୍ଦ୍ଧା ବିଭାଜନ ଙ୍କ ସଭାପତିତ୍ୱରେ ସଭାକାର୍ଯ୍ୟ ଆରମ୍ଭ ହୋଇଥିଲା । ଏହି ଆଲୋଚନା ଚକ୍ରରେ ଶ୍ରୀମତୀ ସ୍ବୟଂ ପ୍ରଭା ପଟ୍ଟନାୟକ, ଅବସରପ୍ରାପ୍ତ ଅଧକ୍ଷ,ପ୍ରାଣନାଥ ସ୍ବୟଂ ଶାସିତ ମହାବିଦ୍ୟାଳୟ,ଖୋର୍ଦ୍ଧା,ଶ୍ରୀଯୁକ୍ତ ଗୋପାଳକୃଷ୍ଣ ଦାସ ଅବସରପ୍ରାପ୍ତ ବିଭାଗୀୟ ମୁଖ୍ୟ,ଓଡ଼ିଆବିଭାଗ,ପ୍ରାଣନାଥ ସ୍ବୟଂ ଶାସିତ ମହାବିଦ୍ୟାଳୟ,ଖୋର୍ଦ୍ଧା ତଥା ସଭାପତି ଖୋର୍ଦ୍ଧା ସାହିତ୍ୟ ସଂସଦ ଶ୍ରୀଯୁକ୍ତ ଭୀମସେନ ପ୍ରଧାନ, ଅବସରପ୍ରାପ୍ତ ପ୍ରଧାନ ଶିକ୍ଷକ,ବକ୍ସି ଜଗବନ୍ଧୁ ବିଦ୍ୟାଧରଉଚ୍ଚବିଦ୍ୟାଳୟ,ଖୋର୍ଦ୍ଧା ଓ ଶ୍ରୀଯୁକ୍ତ ସାରଥୀ ଶତପଥୀ ମୁଖ୍ୟ କାର୍ଯ୍ୟନିର୍ବାହୀ ଅଧ୍ବକାରୀ ଖୋର୍ଦ୍ଧା କେନ୍ଦ୍ର ସମବାୟ ବ୍ୟାଙ୍କ ଲି. ଉତ୍କଳ ଗୌରବ ମଧୁସୂଦନଙ୍କ ଜୀବନ ଆଦର୍ଶ ତଥା ଓଡିଶା ସମବାୟ ଆନ୍ଦୋଳନରେ ତାଙ୍କର ଯୋଗଦାନ ଏହି ଜାତିକୁ କିପରି ସର୍ବାଗ୍ରେ ରଖିଅଛି ତାହା ଉପରେ ବକ୍ତାମାନେ ନିଜ ନିଜର ଅଭିଭାଷଣ ରଖିଥିଲେ । ମଧୁବାବୁଙ୍କ ଜୀବନ ଚର୍ଚ୍ଚା ହେବାସହ ଖୋର୍ଦ୍ଧା ବ୍ୟାଙ୍କ ପରିସର ଅନ୍ତର୍ଭୁକ୍ତ ୨୧ ଜଣ ଋଣୀ, ସ୍ବୟଂସହାୟକ ଗୋଷ୍ଠୀ ଓ ଯୁଗ୍ମଦେୟ ଗୋଷ୍ଠୀ କୁ କୃଷି ଓ ଆନୁସଙ୍ଗିକ କୃଷି ଭିତ୍ତିକ ଋଣ ସମସ୍ତ ଅତିଥି ମାନଙ୍କ ଦ୍ବାରା ପ୍ରଦାନ କରାଯାଇଥିଲା ଏହି ଋଣ ମେଳା ରେ ସମସ୍ତ ଶାଖାର କର୍ମଚାରୀ,ସମିତି ର କର୍ମଚାରୀ ତଥା ବିଭିନ୍ନ ଋଣୀ ମାନେ ଉପସ୍ଥିତ ଥିଲେ । ଏହି ଶିବିରକୁ ବ୍ୟାଙ୍କର ସହପ୍ରବନ୍ଧକ ସନ୍ଦୀପ ପଟ୍ଟନାୟକ,ଜ୍ୟୋତିରଞ୍ଜନ ରାଉତରାୟ, ଭବାନୀ ମୋହନ ସିହ୍ନା,ତପନ କୁମାର ଚୌଧୁରୀ,ରଶ୍ମିତା ମଲ୍ଲିକ,ପ୍ରଭୁ ପ୍ରସାଦ ପଟ୍ଟନାୟକ ଓ ସମିତିର ବରିଷ୍ଠ ସମ୍ପାଦକ ଝଜ ସାମନ୍ତରାୟ ,ବିଶ୍ବନାଥ ମହାରଣା ଓ ନିତ୍ୟାନନ୍ଦ ଦାସ ସମେତ ପାଖାପାଖି ୨୦୦ ଜଣ ଉପସ୍ଥିତ ରହିଥିଲେ । ସର୍ବଶେଷରେ ସହପ୍ରବନ୍ଧକ ସନ୍ଦୀପ ପଟ୍ଟନାୟକ ଧନ୍ୟବାଦ ଅର୍ପଣ କରି ସଭା ସାଙ୍ଗ କରିଥିଲେ।