Odisha Janamata : ସ୍କୁଟି ଦୁର୍ଘଟଣା ରେ ଯୁବକ ଗୁରୁତର,

ସ୍କୁଟି ଦୁର୍ଘଟଣା ରେ ଯୁବକ ଗୁରୁତର,

27-Jan-2025

ସ୍କୁଟି ଦୁର୍ଘଟଣାରେ ଯୁବକ ଗୁରୁତର,

ଓଡିଶା ଜନମତ, ବୁଗୁଡା, ହର ପ୍ରସାଦ ପାଢ଼ୀ, ତା ୨୭/୦୧/୨୫ :
ବୁଗୁଡ଼ା ସହର ଉପକଣ୍ଠସ୍ଥ ସ୍ବାଗତ ତୋରଣ ନିକଟରେ ଦୁର୍ଘଟଣାଗ୍ରସ୍ତ ଜନୈକ ସ୍କୁଟି ଚାଳକ ଗୁରୁତର ଅବସ୍ଥାରେ ବ୍ରହ୍ମପୁରକୁ ସ୍ଥାନାନ୍ତର ହୋଇଥିବା ଜଣାଯାଇଛି। ଗୁରୁତର ଯୁବକ ଜଣକ ବାଲିପଦର ଗ୍ରାମର ଜିତୁ ଡାକୁଆ (୨୮) ବୋଲି ଜଣାଯାଇଛି। ପ୍ରକାଶ ଯେ, ରବିବାର ଅପରାହ୍ନରେ କୌଣସି କାମରେ ଜିତୁ ବୁଗୁଡା-ପୋଲସରା ମୁଖ୍ୟ ରାସ୍ତାରେ ଯାଉଥିବା ବେଳେ ଭାରସାମ୍ଯ ହରାଇ ରାସ୍ତାକଡ ବିଲମାଳ ମଧ୍ୟକୁ ଖସିଯାଇ ଫୋପାଡ଼ି ହୋଇ ପଡିଥିଲେ। ସ୍ଥାନୀୟ ଦମକଳବାହିନୀ ଏ ନେଇ ଖବର ପାଇ ତାଙ୍କୁ ସେଠାରୁ ଆହତ ଅବସ୍ଥାରେ ଉଦ୍ଧାର କରି ବୁଗୁଡା ମେଡିକାଲକୁ ଆଣିଥିଲେ ।ଦୁର୍ଘଟଣାରେ ତାଙ୍କର ବାମ ହାତ ଭାଙ୍ଗି ଯାଇଥିଲା । ପ୍ରାଥମିକ ଚିକିତ୍ସା ପରେ ୧୦୮ ଆମ୍ବୁଲାନ୍ସ ଯୋଗେ ତାଙ୍କୁ ବ୍ରହ୍ମପୁରକୁ ସ୍ଥାନାନ୍ତର କରାଯାଇଥିଲା। ପୋଲିସ ଦୁର୍ଘଟଣା ସ୍ଥଳରେ ପହଞ୍ଚି ଦୁର୍ଘଟଣାଗ୍ରସ୍ତ ସ୍କୁଟିକୁ ଜବତ କରି ଘଟଣାର ତଦନ୍ତ କରୁଥିବା ଜଣାଯାଇଛି।