Odisha Janamata : ତାରାତାରିଣୀ ମହାବିଦ୍ୟାଳୟ ରେ ସଡକ ସୁରକ୍ଷା ସଚେତନତା କାର୍ଯ୍ୟକ୍ରମ ଅନୁଷ୍ଠିତ |

ତାରାତାରିଣୀ ମହାବିଦ୍ୟାଳୟ ରେ ସଡକ ସୁରକ୍ଷା ସଚେତନତା କାର୍ଯ୍ୟକ୍ରମ ଅନୁଷ୍ଠିତ |

23-Jan-2025

*ସଡ଼କ* *ସୁରକ୍ଷା* *ସଚେତନତା*

ଓଡିଶା ଜନମତ ବ୍ୟୁରୋ

ତାରାତାରିଣୀ ମହାବିଦ୍ୟାଳୟର ଜାତୀୟ ସେବା ଯୋଜନା ଓ ଯୁବ ରେଡକ୍ରସ୍ ର ମିଳିତ ଆନୁକୂଲ୍ୟରେ 33 ତମ ଜାତୀୟ ସଡ଼କ ସୁରକ୍ଷା ମାସ ପାଳିତ ହୋଇଯାଇଛି। ଗଞ୍ଜାମ ଜିଲ୍ଲା ପରିବହନ ବିଭାଗର ଏମ୍.ଭି.ଆଇ. ଶ୍ରୀଯୁକ୍ତ ରବୀନ୍ଦ୍ର ଜେନା, ପୁରୁଷୋତ୍ତମପୁର ଥାନା ଅଧିକାରୀ କାର୍ଯ୍ୟକ୍ରମକୁ ଶୁଭାରମ୍ଭ କରିଥିଲେ। ଛାତ୍ରଛାତ୍ରୀମାନେ ସଚେତନ ଶୋଭାଯାତ୍ରାରେ ବାହାରି ହାତରେ ପ୍ଲାକାର୍ଡ, ବ୍ୟାନର ଧରି ଯମ, ଚିତ୍ରଗୁପ୍ତ, ରାଜା ବେଶରେ ସଜ୍ଜିତ ହୋଇ ଏକ କ୍ଷୁଦ୍ର ନାଟକ ଓ ନୃତ୍ୟ ମାଧ୍ୟମରେ ଟ୍ରାଫିକ ନିୟମ ମାନିବା, ହେଲମେଟ ବ୍ୟବହାର କରିବା, ମଦ୍ୟପାନ କରି ଗାଡ଼ି ନ ଚଳାଇବା, ସିଟ୍ ବେଲ୍ଟ ବ୍ୟବହାର କରିବା ପାଇଁ ପଥଚାରୀଙ୍କୁ ସଚେତନ କରିଥିଲେ। କଲେଜ ପରିସରରେ ଆୟୋଜିତ ସଚେତନତା ସଭାରେ ଏକ ସାଧାରଣ ଜ୍ଞାନ ପ୍ରତିଯୋଗିତା କରାଯାଇ ପୁରସ୍କାର ପ୍ରଦାନ କରାଯାଇଥିଲା ଏବଂ ସୁରକ୍ଷା ସମ୍ପର୍କରେ ଦୃଷ୍ଟାନ୍ତମୂଳକ ତଥ୍ୟ ଭିଡିଓ ମାଧ୍ୟମରେ ଉପସ୍ଥାପନା କରାଯାଇଥିଲା। କଲେଜ ଅଧ୍ୟକ୍ଷ ଡ଼ଃ ସୁରେନ୍ଦ୍ର ନାଥ ପଣ୍ଡା, ଡ଼ଃ ରମେଶ ଚନ୍ଦ୍ର ସେନାପତି, ଶ୍ରୀମତୀ ସନ୍ଧ୍ୟା ରାଣୀ ପାତ୍ର, ଏନ୍.ଏସ.ଏସ. ଅଧିକାରୀ ମୀନାକ୍ଷୀ ଦାଶ, ସ୍ୱାଗତିକା ଦାସ, ଯୁବ ରେଡକ୍ରସ୍ ଅଧିକାରୀ ଏନ୍.ମୋହନ ନାଇଡୁ, ଡ଼ଃ ଶ୍ରୀରାମ ମିଶ୍ର, ଶ୍ରୀଯୁକ୍ତ ପ୍ରକାଶ ଚନ୍ଦ୍ର ପଣ୍ଡା, ପ୍ରସାଦ କୁମାର ବେହେରା, ଅନୀଲ ସାହୁ, କାହ୍ନା ପଣ୍ଡା , ପରିବହନ ବିଭାଗର ସହଯୋଗୀ କର୍ମଚାରୀ, ଟ୍ରକ୍, ବସ୍, ଅଟୋ ମାଲିକ, ଅନେକ ଛାତ୍ରଛାତ୍ରୀ ଯୋଗଦେଇ ସଭାକାର୍ଯ୍ୟକୁ ସାଫଲ୍ୟ ମଣ୍ଡିତ କରିଥିଲେ ।