Odisha Janamata : ପାରଳା ଖେମୁଣ୍ଡୀ ସ୍ଥିତ କୃଷ୍ଣ ଚନ୍ଦ୍ର ଗଜପତି ମହାବିଦ୍ୟାଳୟ ରେ 60 ତମ କ୍ରୀଡା ଉତ୍ସବ ଅନୁଷ୍ଠିତ |

ପାରଳା ଖେମୁଣ୍ଡୀ ସ୍ଥିତ କୃଷ୍ଣ ଚନ୍ଦ୍ର ଗଜପତି ମହାବିଦ୍ୟାଳୟ ରେ 60 ତମ କ୍ରୀଡା ଉତ୍ସବ ଅନୁଷ୍ଠିତ |

22-Jan-2025

ଶ୍ରୀ କୃଷ୍ଣ ଚନ୍ଦ୍ର ଗଜପତି ସ୍ଵୟଂ ଶାସିତ ମହାବିଦ୍ୟାଳୟର ୬୦ତମ ବାର୍ଷିକ କ୍ରୀଡା ପ୍ରତିଯୋଗିତା ଉଦଯାପିତ,

ଓଡିଶା ଜନମତ ବ୍ୟୁରୋ

ପାରଳାଖେମୁଣ୍ଡି, ସ୍ଥିତ ଶ୍ରୀ କୃଷ୍ଣଚନ୍ଦ୍ର ଗଜପତି ଉଚ୍ଚ ମାଧ୍ୟମିକ ବିଦ୍ୟାଳୟ ଏବଂ ସ୍ଵୟଂ ଶାସିତ ମହାବିଦ୍ୟା ଳୟରେ ଦ୍ୱିଦିବସୀୟ ୬୦ତମ ବାର୍ଷିକ କ୍ରୀଡା ପ୍ରତିଯୋଗିତା ଉଦଯାପିତ ହୋଇଯାଇଛି। ଗତ ୨୦ ତାରିଖରେ କ୍ରୀଡାପ୍ରେମୀ ଛାତ୍ରଛାତ୍ରୀମାନେ ମା ନୀଳମଣି ଦୁର୍ଗା ଠାକୁରାଣୀ ମନ୍ଦିରରୁ କ୍ରୀଡାଜ୍ୟୋତି ଶୋଭାଯାତ୍ରା କରି ସ୍ଥାପନ କରିଥିଲେ I ପାରଳାଖେମୁଣ୍ଡିର ପୌରାଧ୍ୟକ୍ଷା ଶ୍ରୀମତୀ ନିର୍ମଳା ସେଠୀ ମୁଖ୍ୟ ଅତିଥି ଭାବେ ଯୋଗଦେଇ ଉତ୍ସବକୁ ଉଦଘାଟନ କରିଥିଲେ I ଉଦଯାପନୀ ସମାରୋହରେ ଜାତୀୟ ଏବଂ ଅନ୍ତର୍ଜାତୀୟ ସ୍ତରରେ ସୁନାମ ଅର୍ଜନ କରିଥିବା ଗଜପତି ଜିଲ୍ଲାର ସୁଦକ୍ଷ କ୍ରୀଡାବିତ୍ ତଥା ପ୍ରଶିକ୍ଷକ ଶ୍ରୀଯୁକ୍ତ ସୁକାନ୍ତ ଦଳବେହେରା ମୁଖ୍ୟଅତିଥି, ମହାବିଦ୍ୟାଳୟର କ୍ରିଡା ସଂସଦର ଫିଲ୍ଡ ମାର୍ଶାଲ ପ୍ରଫେସର ରାଧାକାନ୍ତ ଭୂୟାଁ ସମ୍ମାନିତ ଅତିଥି ଭାବେ ଯୋଗଦେଇ କୃତି ଛାତ୍ରଛାତ୍ରୀମାନଙ୍କୁ ପୁରସ୍କୃତ କରିଥିଲେ l ମହାବିଦ୍ୟାଳୟର ଅଧ୍ୟକ୍ଷ ପ୍ରଫେସର ଡକ୍ଟର ଜିତେନ୍ଦ୍ର ନାଥ ପଟ୍ଟନାୟକଙ୍କ ସଭାପତିତ୍ବରେ ଅନୁଷ୍ଠିତ କାର୍ଯ୍ଯକ୍ରମରେ ଓଡ଼ିଆ ବିଭାଗର ବିଭାଗ ମୁଖ୍ୟ ସହକାରୀ ପ୍ରଫେସର ଡକ୍ଟର ବିପ୍ଳବ ରଞ୍ଜନ ପ୍ରଧାନ ସ୍ଵାଗତ ଅଭିଭାଷଣ ସହ ମଞ୍ଚସଞ୍ଚାଳନ, ଇଂରାଜୀ ବିଭାଗର ସହକାରୀ ପ୍ରଫେସର ଡକ୍ଟର କୋମଲ ଶିଖା ମଲ୍ଲିକ ଅତିଥିମାନଙ୍କ ପରିଚୟ ପ୍ରଦାନ କରିଥିଲେ I ଏହି ଅବସରରେ ଅତିଥିମାନେ କ୍ରୀଡା ଜୀବନର ଏକ ଅଙ୍ଗ ଓ ଏହା ସୁସ୍ଥ ମାନସିକ ସ୍ଥିତି ବଜାୟ ରଖିବା ସହିତ ନୂତନ ନେତୃତ୍ଵ ସୃଷ୍ଟି କରିଥାଏ ବୋଲି କହିଥିଲେ I କ୍ରୀଡା ଦ୍ଵାରା ଛାତ୍ରଛାତ୍ରୀମାନଙ୍କର ଶାରୀରିକ ଅଭିବୃଦ୍ଧି ସହ ବୌଦ୍ଧିକ ଜ୍ଞାନର ବିକାଶ ଧାରାରେ ସହାୟକ ହୋଇଥାଏ ବୋଲି ମତ ଦେଇଥିଲେ। ଅନ୍ୟତମ ଅତିଥି ଭାବେ କ୍ରୀଡା ସଂସଦର ସଂଯୋଜିକା ଶ୍ରୀମତୀ ପାଣସା ନୀରଜା ସହ ଅନ୍ୟ ସମସ୍ତ ସହଯୋଗୀ ଉପସଭାପତି ଡକ୍ଟର କିରଣବାଳା ଭୂୟାଁ, ଡକ୍ଟର ସନତ ଲେଙ୍କା, ସୁଶ୍ରୀ ସନ୍ତୋଷୀ ପ୍ରଧାନ, ଶ୍ରୀ ରାମହରି କାର୍ଜି, ଶ୍ରୀଯୁକ୍ତ ଦେବୀପ୍ରସାଦ ପଣ୍ଡା ପ୍ରମୁଖ ମଞ୍ଚାସୀନ ଥିଲେ I ଶ୍ରୀ ନିରଞ୍ଜନ ବେହେରା କ୍ରୀଡା ସଂସଦର ବାର୍ଷିକ ବିବରଣୀ ପାଠ କରିଥିବା ବେଳେ କ୍ରୀଡା ସଂସଦର ଉପସଭାପତି ସହକାରୀ ପ୍ରଫେସର ଡକ୍ଟର ସୁମନ୍ତ ବେହେରା ଧନ୍ୟବାଦ ଅର୍ପଣ କରିଥିଲେ I