Odisha Janamata : ଆର ବାହାଡା ପଲି ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟ ର ବାର୍ଷିକ ଉତ୍ସବ ଅନୁଷ୍ଠିତ |

ଆର ବାହାଡା ପଲି ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟ ର ବାର୍ଷିକ ଉତ୍ସବ ଅନୁଷ୍ଠିତ |

22-Jan-2025

ଆର୍. ବାହାଡ଼ା ପଲ୍ଲୀ ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟର ବାର୍ଷିକ ଉତ୍ସବ ଅନୁଷ୍ଠିତ,

ଓଡିଶା ଜନମତ ବ୍ୟୁରୋ,

ଖଲ୍ଲିକୋଟ ବ୍ଲକ୍ ସାବୁଳିଆ କ୍ଲଷ୍ଟର ଅନ୍ତର୍ଗତ ରେଡ୍ଡୀ ବାହାଡ଼ା ପଲ୍ଲୀ ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ଆନୁଷ୍ଠାନିକ ରୀତିରେ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି । ଜଗତର ନାଥ ଶ୍ରୀଜଗନ୍ନାଥଙ୍କ ଉଦ୍ଦେଶ୍ୟରେ ପ୍ରଦୀପ ପ୍ରଜ୍ଜ୍ୱଳନ ପରେ ଅନୁଷ୍ଠାନର ଛାତ୍ରଛାତ୍ରୀ ମାନେ ପ୍ରାରମ୍ଭିକ ସଂଗୀତ ପରିବେଷଣ କରିଥିଲେ ।
ସ୍ୱାଗତ ଭାଷଣ ପ୍ରଦାନ କରିଥିଲା ବେଳେ ଅତିଥି ମାନଙ୍କୁ ଫୁଲତୋଡ଼ା, ଉତ୍ତରୀୟ ସହିତ ସ୍ୱାଗତ ସମ୍ବର୍ଦ୍ଧନା କରାଯାଇଥିଲା । ଆୟୋଜିତ ଉତ୍ସବରେ ସ୍ଥାନୀୟ ବିଧାୟକ ଶ୍ରୀଯୁକ୍ତ ପୂର୍ଣ୍ଣଚନ୍ଦ୍ର ସେଠୀ ମୁଖ୍ୟ ଅତିଥି, ରମ୍ଭାର ପ୍ରାକ୍ତନ ନଗରପାଳ ତଥା ସମାଜସେବୀ ସୁବାସ ଚନ୍ଦ୍ର ପଣ୍ଡା ସ୍ୱତନ୍ତ୍ର ଅତିଥି, ଷ୍ଟୁଡେଣ୍ଟସ ହାଇସ୍କୁଲ, ସାବୁଳିଆର ପ୍ରଧାନ ଶିକ୍ଷୟିତ୍ରୀ ଇନ୍ଦୁଶ୍ରୀ ଶର୍ମା, କନକା ପଞ୍ଚା ୟତର ପ୍ରାକ୍ତନ ସରପଞ୍ଚ ସୁଦାମ ନାୟକ, ରମ୍ଭା ହାଇସ୍କୁଲର ବିଜ୍ଞାନ ଶିକ୍ଷୟିତ୍ରୀ ରୋଜାଲିନ ମହାପାତ୍ର, ଅବସରପ୍ରାପ୍ତ ପ୍ରଧାନ ଶିକ୍ଷକ ଲକ୍ଷ୍ମୀଧର ପ୍ରହରାଜ, ଏସ୍ ଏମ୍ ସି ସଭାପତି ବି. ଅଭି ପ୍ରଧାନ, ଉପସଭାପତି ଏମ୍. ଟୁନି ପ୍ରଧାନ, ବରିଷ୍ଠ ସାମ୍ବାଦିକ ସୁଜିତ କୁମାର ବେହେରା, ନୀଳାଚଳ ସେନାପତି, ବନବାସୀ ସେଠୀ ପ୍ରମୁଖ ସମ୍ମାନୀତ ଅତିଥି ଭାବେ ଯୋଗ ଦେଇ ପ୍ରାଥମିକ ଶିକ୍ଷା, ଶିକ୍ଷକ, ସମାଜ ସୁଧାରରେ ଗୁରୁଙ୍କ ଭୂମିକା, ବିଦ୍ୟାଳୟର ବିକାଶ, ବାଧ୍ୟତାମୂଳକ ଶିକ୍ଷାର ମହତ୍ ଉଦ୍ଦେଶ୍ୟ ଆଦି ବହୁବିଧ ଦିଗ ସମ୍ପର୍କରେ ସାରସ୍ୱତ ଆଲୋଚନା କରିଥିଲେ । ବିଦ୍ୟାଳୟର ପ୍ରଧାନ ଶିକ୍ଷକ ସୁକାନ୍ତ କୁମାର ନାୟକ ସଭାପତିତ୍ବ କରିଥିଲାବେଳେ ବରିଷ୍ଠ ଶିକ୍ଷକ ତଥା କବି ଗଣେଶ ଚନ୍ଦ୍ର ବେହେରା କାର୍ଯ୍ୟକ୍ରମର ସଂଯୋଜନା କରିଥିଲେ । ଯୁବ ସାମ୍ବାଦିକ ତଥା ସମାଜସେବୀ ବନବାସୀ ସେଠୀଙ୍କୁ ଅନୁଷ୍ଠାନ ପକ୍ଷରୁ ମାନପତ୍ର ସହିତ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲ । ସାବୁଳିଆ କ୍ଲଷ୍ଟର ସି ଆର ସି ସି ରବୀନ୍ଦ୍ର କୁମାର ନାହାକ କାର୍ଯ୍ୟକ୍ରମର ସୁପରିଚାଳନା କରିଥିଲେ । ଏତଦବ୍ୟତୀତ ଅବସରପ୍ରାପ୍ତ ପ୍ରଧାନ ଶିକ୍ଷକ ସନ୍ନ୍ୟାସୀ ଲେଙ୍କା, ପ୍ରାକ୍ତନ ସି ଆର୍ ସି ସି ପ୍ରଫୁଲ୍ଲ ଚନ୍ଦ୍ର ଦାସ, ସି ଆର୍ ସି ସି ରାଜେନ୍ଦ୍ର ପ୍ରସାଦ ପଣ୍ଡା, ନିରଞ୍ଜନ ସେଠୀ, ଡକ୍ଟର ଦ୍ବାରିକାନାଥ ମହାରଣା, ରେଲୱେ କଲୋନୀ ସ୍କୁଲର ପ୍ରଧାନ ଶିକ୍ଷକ ଅରକ୍ଷିତ ଗୈାଡ, ସଚ୍ଚିଦାନନ୍ଦ ବେହେରା, ଶିକ୍ଷକ ଅଭିରାମ ପ୍ରଧାନ, ସନ୍ତୋଷ କୁମାର ପଟ୍ଟନାୟକ, ଅଶୁମାଳି ବେହେରା, ଶିକ୍ଷୟିତ୍ରୀ ଗୀତାଞ୍ଜଳି ମଙ୍ଗରାଜ, ଉପାସନା ମହାନ୍ତି, ବିଷ୍ଣୁପ୍ରିୟା ସ୍ୱାଇଁ ପ୍ରମୁଖ ଉପସ୍ଥିତ ଥିଲେ । ଆର୍. ବାହାଡ଼ା ପଲ୍ଲୀ ଗ୍ରାମ୍ୟ ସଭାପତି ବି.ଲକ୍ଷ୍ମଣ ପ୍ରଧାନ, ମର୍ଦ୍ଦରାଜ ପୁର ଗ୍ରାମ୍ୟ ସଭାପତି ରବୀନ୍ଦ୍ର ନାୟକ, ଏଚ୍. ବାହାଡ଼ା ପଲ୍ଲୀ ଗ୍ରାମ୍ୟ ସଭାପତି ଜୟ ନାହାକ ପ୍ରମୁଖ ଯୋଗଦେଇଥିଲେ । ବିଦ୍ୟାଳୟର ଛାତ୍ରଛାତ୍ରୀମାନେ ମନୋରଞ୍ଜନ କାର୍ଯ୍ୟକ୍ରମ ପରିବେଷଣ କରିଥିଲେ । ଆୟୋଜିତ ବିଭିନ୍ନ ପ୍ରତିଯୋଗିତାର କୃତୀ ପ୍ରତିଯୋଗୀମାନଙ୍କୁ ଅତିଥିମାନେ ମାନପତ୍ର ସିଲ୍ ସହିତ ସମ୍ମାନୀତ କରିଥିଲେ ।