Odisha Janamata : ହାଇୱା ଧକ୍କା ରେ ବେଗୁନିଆପଡା -କେ-ବରିଡା ରାସ୍ତାରେ ଓଲଟିଲା ପରିବା ବୋଝେଇ ଅଟୋ |

ହାଇୱା ଧକ୍କା ରେ ବେଗୁନିଆପଡା -କେ-ବରିଡା ରାସ୍ତାରେ ଓଲଟିଲା ପରିବା ବୋଝେଇ ଅଟୋ |

15-Sep-2026

ବେଗୁନିଆପଡା-କେ ବରିଡା ରାସ୍ତରେ ହାଇୱା ଧକ୍କାରେ ଓଲଟିଲା ମାଲବାହି ଅଟୋ l

ଓଡିଶା ଜନମତ, ବେଗୁନିଆପଡା: 15/09/26 :

ଭଞ୍ଜ କିଶୋର ମହାରଣା l

ଗଞ୍ଜାମ ଜିଲ୍ଲା ବେଗୁନିଆପଡା ଥାନା ଅନ୍ତର୍ଗତ ବେଗୁନିଆପଡା-କେ ବରିଡା ରାସ୍ତାର ପଟାଯୋଡ଼ି ଶଙ୍ଖ ନିକଟରେ ହାଇୱା ଧକ୍କାରେ ଏକ ପରିବା ବୋଝେଇ ଅଟୋ (ବଜାଜ ମାକ୍ସିମା) ରାସ୍ତାପାର୍ଶ୍ଵ ଧାନବିଲରେ ଓଲଟି ପଡିଛି l ପ୍ରାପ୍ତ ସୂଚନା ଅନୁଯାୟୀ ଆଜି ପୂର୍ବାହ୍ନ ଘ 11:30 ମି ସମୟରେ ଅଟୋଟି ପୁରୁଷୋତ୍ତମପୁର ଏବଂ ବେଗୁନିଆପଡା ବଜାରରୁ ପରିବା ଲୋଡ଼ କରି ଷଣ୍ଢମୂଳ ଅଭିମୁଖେ ଯାଉଥିଲା l ସେହି ସମୟରେ ସାମ୍ନା ପଟରୁ ଏକ ଯାତ୍ରୀବାହି ଅଟୋ ଆସୁଥିବା ସମୟରେ ମାଲବାହି ଅଟୋ ପଛରେ ଆସୁଥିବା ହାଇୱା ଅଟୋର ପାର୍ଶ୍ଵପଟୁ ଧକ୍କା ଦେଈ ଚାଲିଯାଇଥିଲା l ସୌଭାଗ୍ୟବଶତଃ କାହାରିକୁ ବି ଆଘାତ ଲାଗିନାହିଁ l ଖବରପାଇ ଅଟୋ ମାଲିକ ଓ ସ୍ଥାନୀୟ ଲୋକେ ସୌରା ଛଚିନା ଗଡ଼ାନାଳ ନିକଟରେ ହାଇୱାକୁ ଅଟକାଇ ପୋଲିସରେ ଖବର ଦେଇଥିଲେ l ବେଗୁନିଆପଡା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରିରଖିଛି l

ବେଗୁନିଆପଡା ଓ କୋଦଳା ଏନଏସି ରେ ପୂଜା ପାଉଛନ୍ତି ଅଗ୍ରଗଣ୍ୟ ଗଣେଶ |

ଛୁରା ମାଡ଼ରେ ଖଲ୍ଲିକୋଟ ଖଜାପଲି ଅଞ୍ଚଳରେ ଯୁବକ ମୃତ |