Odisha Janamata : ଭୁବନେଶ୍ୱର ଅବକାରୀ ବିଭାଗ କୁ ବଡ଼ ସଫଳତା, ଦାମୀ ଗାଡ଼ିରେ ହେଉଥିଲା ଦେଶୀ ମଦ ବେପାର ||

ଭୁବନେଶ୍ୱର ଅବକାରୀ ବିଭାଗ କୁ ବଡ଼ ସଫଳତା, ଦାମୀ ଗାଡ଼ିରେ ହେଉଥିଲା ଦେଶୀ ମଦ ବେପାର ||

04-Sep-2026

ଭୁବନେଶ୍ୱର ଅବକାରୀ ବିଭାଗ ଦ୍ୱାରା ଦାମୀ ଗାଡ଼ିରେ ଦେଶୀମଦ ଚୋରା ଚାଲାଣ ହେଉଥିଲା ବେଳେ ଗାଡି ସହ ୭ ଗିରଫ |

ଓଡିଶା ଜନ ମତ ବ୍ୟୁରୋ,

ରାଜଧାନୀ ଭୁବନେଶ୍ୱରରେ ଏକ ବଡ଼ଧରଣର ଚୋରା ମଦ ରକେଟ୍‌ର ପର୍ଦ୍ଦାଫାସ କରିଛି ଅବକାରୀ ବିଭାଗ। ମଦ ମାଫିଆମାନେ ଅତ୍ୟାଧୁନିକ ଗାଡ଼ି ଏବଂ ନକଲି ନମ୍ବର ପ୍ଲେଟ୍ ବ୍ୟବହାର କରି ଚଲାଇଥିଲେ ଏହି କାରବାର। ବେଆଇନ ଭାବେ ଦେଶୀ ମଦ ଚାଲାଣ କରୁଥିବା ବେଳେ ଅବକାରୀ ଟିମ୍ ସେମାନଙ୍କୁ କାବୁ କରିଛି। ଏହି ଘଟଣାରେ ମୋଟ ୭ ଜଣ ଅଭିଯୁକ୍ତଙ୍କୁ ଗିରଫ କରାଯିବା ସହ ବହୁ ପରିମାଣର ମଦ ଏବଂ ମାରଣାସ୍ତ୍ର ଜବତ କରାଯାଇଛି
ଦାମୀ ଗାଡ଼ିରେ ଦେଶୀ ମଦ ଚାଲାଣ। ଥାର, ସ୍କର୍ପିଓ, ସାଣ୍ଟ୍ରୋ, ୱାଗନରରେ ଯାଉଥିଲା ଦେଶୀ ମଦ। ରାଜଧାନୀ ଭୁବନେଶ୍ବରରେ ଅବକାରୀ ବିଭାଗର ଚଢ଼ଉ ପରେ ବଡ଼ ଖୁଲାସା। ଥାର୍, ସ୍କର୍ପିଓ ସହ ୪ଟି କାରରୁ ବିପୁଳ ଦେଶୀ ମଦ ଜବତ, ୭ ଗିରଫ। ରାଜଧାନୀ ଭୁବନେଶ୍ୱରରେ ଏକ ବଡ଼ଧରଣର ଚୋରା ମଦ ରକେଟ୍‌ର ପର୍ଦ୍ଦାଫାସ କରିଛି ଅବକାରୀ ବିଭାଗ।
ସୂଚନା ଅନୁଯାୟୀ, ମାଫିଆମାନେ ଥାର୍, ସ୍କର୍ପିଓ, ସାଣ୍ଟ୍ରୋ ଏବଂ ୱାଗନର୍ ଭଳି ମୋଟ ୪ଟି କାରରେ ବିପୁଳ ପରିମାଣର ଦେଶୀ ମଦ ଚାଲାଣ କରୁଥିଲେ। ପୁଲିସ ନଜରରୁ ବର୍ତ୍ତିବା ପାଇଁ ଏହି ଗାଡ଼ିଗୁଡ଼ିକରେ ଫେକ୍ ବା ନକଲି ନମ୍ବର ପ୍ଲେଟ୍ ଲଗାଯାଇଥିଲା। କେବଳ ସେତିକି ନୁହେଁ, ମଦ ବୋଝେଇ କାରଗୁଡ଼ିକୁ ସୁରକ୍ଷିତ ଭାବେ ନେବା ପାଇଁ ଏକ ବୁଲେଟ୍ ସମେତ ତିନୋଟି ବାଇକ୍ ଏଗୁଡ଼ିକୁ ଏସକର୍ଟ ବା ଜଗି ଜଗି ନେଉଥିଲେ। ଅବକାରୀ ବିଭାଗର ଟିମ୍ ସୂଚନା ପାଇ କାରଗୁଡ଼ିକୁ ପିଛା କରି ଗୋଡ଼ାଇ ଗୋଡ଼ାଇ କାବୁ କରିଥିଲେ। ଅବକାରୀ ବିଭାଗ ଗାଡ଼ି ସହ ଗୋଟିଏ ବନ୍ଧୁକ, ମଦ ତିଆରି କରୁଥିବା ମେସିନ୍, ବହୁସଂଖ୍ୟକ ଖାଲି ବୋତଲ ଏବଂ ନକଲି ସାମଗ୍ରୀ ଜବତ କରିଛି। ରାଜଧାନୀ ଭିତରେ କିପରି ଏତେ ବଡ଼ ମଦ ସାମ୍ରାଜ୍ୟ ଚାଲିଥିଲା ଏବଂ ଏହାର ମୂଳସ୍ଥାନ କେଉଁଠି, ସେନେଇ ଅବକାରୀ ବିଭାଗ ଅଧିକ ତଦନ୍ତ ଜାରି ରଖିଛି। ଗିରଫ ହୋଇଥିବା ଅଭିଯୁକ୍ତମାନଙ୍କୁ ପଚରାଉଚରା କରାଯାଉଥିବାବେଳେ ଏହି ରାକେଟ୍ ସହ ଜଡ଼ିତ ଅନ୍ୟ ସମସ୍ତ ସଦସ୍ୟଙ୍କୁ ଶୀଘ୍ର ଗିରଫ କରାଯିବ ବୋଲି ସୂଚନା ମିଳିଛି |