Odisha Janamata : ଜିରୋ ରନ ରେ କେବେବି ଆଉଟ ହୋଇ ନଥିବା ଜଣେ କ୍ରିକେଟିଏର |

ଜିରୋ ରନ ରେ କେବେବି ଆଉଟ ହୋଇ ନଥିବା ଜଣେ କ୍ରିକେଟିଏର |

21-Aug-2026

କେବେ ବି ଜିରୋ ରନ୍‌ରେ ଆଉଟ ହୋଇନଥିବା ଜଣେ ଷ୍ଟାର କ୍ରିକେଟର |

ଓଡିଶା ଜନ ମତ ବ୍ୟୁରୋ,

କ୍ୟାରିୟର ସାରା ଧମାକାଦାର ରେକର୍ଡ କରିଥିଲେ ।ଏବଂ କେବେବି ଜିରୋ ରନ ରେ ଆଉଟ ହୋଇନଥିବା କ୍ରିକେଟର ଜଣେ ||ଟିମ୍ ଇଣ୍ଡିଆର ଏମିତି ଜଣେ ଖେଳାଳି ଯିଏକି ତାଙ୍କ କ୍ରିକେଟ କ୍ୟାରିୟରେ କେବେ ବି ଦିନିକିଆ ଫର୍ମାଟରେ ଖାତା ଖୋଲିବା ପୂର୍ବରୁ ଅର୍ଥାତ ଶୂନରେ ଆଉଟ ହୋଇନଥିଲେ । କିଏ ସେ କ୍ରିକେଟର? ଜାଣିଛନ୍ତି କି? ଯଦି ନା ତେବେ ଜାଣନ୍ତୁ ତାଙ୍କ ବାବଦରେ...
ଭାରତ ପାଇଁ ବର୍ଷ ବର୍ଷ ଧରି କ୍ରିକେଟ ଖେଳିଛନ୍ତି ସେ । କିନ୍ତୁ ଦିନିକିଆ ଫର୍ମାଟରେ ତାଙ୍କୁ କେହି ବି ଖାତା ଖୋଲିବା ପୂର୍ବରୁ ପ୍ୟାଭିଲିୟନ ପଠାଇବାରେ ସଫଳ ହୋଇନଥିଲେ । ଯାହାକି ଏକ ବିରଳ ରେକର୍ଡ କହିଲେ ଅତ୍ୟୁକ୍ତି ହେବ ନାହିଁ । ଏମିତି ସେମିତି ନୁହେଁ ଅନେକ ନାଁ ବି କରିଛନ୍ତି ସେ ।
ଭାରତ ପାଇଁ ବର୍ଷ ବର୍ଷ ଧରି କ୍ରିକେଟ ଖେଳିଛନ୍ତି ସେ ।
ଅନ୍ତର୍ଜାତୀୟ କ୍ରିକେଟ କ୍ୟାରିୟରରେ ମୋଟ ୨୪୮୯ ରନ୍ କରିଥିଲେ ଟିମ୍ ଇଣ୍ଡିଆର କିମ୍ବଦନ୍ତୀ କ୍ରିକେଟର । ଆଉ ଦୁଇଟି ଓ୍ବିକେଟ ବି ନେଇଥିଲେ । ତେବେ ODI ଫର୍ମାଟରେ କେବେ ଶୂନ ରନ୍‌ରେ ଆଉଟ ହୋଇନଥିବା ବ୍ୟାଟର । ସେ ହେଉଛନ୍ତି ୟଶପାଲ୍‌ ଶର୍ମା ।
ଭାରତ ପାଇଁ ମୋଟ ୪୨ଟି ଦିନିକିଆ ମ୍ୟାଚ୍‌ ଖେଳିଥିବା ୟଶପାଲ୍‌ ଶର୍ମା ମୋଟ ୮୮୩ ରନ୍ କରିଥିଲେ । ଯେଉଁଥିରେ ୪ଟି ଅର୍ଦ୍ଧଶତକ ବି ରହିଛି । ଦିନିକିଆରେ ତାଙ୍କର ସର୍ବାଧିକ ବ୍ୟକ୍ତିଗତ ସ୍କୋର ହେଉଛି ୮୯ ରନ୍ ।
ODI ଫର୍ମାଟରେ ୪୨ଟି ମ୍ୟାଚ୍‌ ଖେଳିଥିଲେ ବି କେବେ ଜିରୋରେ ଆଉଟ ହୋଇନଥିଲେ ୟଶପାଲ ଶର୍ମା । ସେତେବେଳେ ଓ୍ବେଷ୍ଟଇଣ୍ଡିଜ୍‌ ଟିମ୍ ଘାତକ ଥିଲା ଏବଂ ବୋଲରମାନେ ଭୟଙ୍କର ବୋଲିଂ ବି କରୁଥିଲେ । କିନ୍ତୁ ୟଶପାଲ ଶର୍ମା ସମସ୍ତଙ୍କୁ ସାମ୍ନା କରୁଥିଲେ ।
୧୯୮୩ ମସିହାରେ ଭାରତ ଦିନିକିଆ ବିଶ୍ବକପ୍‌ ଚାମ୍ପିୟନ ହୋଇଥିଲା ଆଉ ୟଶପାଲ୍‌ ଶର୍ମା ସେତେବେଳେ ଟିମ୍ ଇଣ୍ଡିଆର ସଦସ୍ୟ ଥିଲେ । ସେତେବେଳେ ଓ୍ବେଷ୍ଟଇଣ୍ଡିଜ୍‌ ଟିମ୍ ବିଶ୍ବର ସବୁଠୁ ଶକ୍ତିଶାଳୀ ଟିମ୍ ଥିଲା । ଆଉ ଦମଦାର ପ୍ରଦର୍ଶନ କରୁଥିଲା । ଭାରତ ଇଣ୍ଡିଜକୁ ସାମ୍ନାକୁ କରି ପ୍ରଥମ ଥର ଚାମ୍ପିୟନ ହୋଇଥିଲା ।
୧୯୭୮ ମସିହାରେ ମାତ୍ର ୨୪ ବର୍ଷ ବୟସରେ ପାକିସ୍ତାନ ବିପକ୍ଷରେ ଡେବ୍ୟୁ କରିଥିଲେ ୟଶପାଲ୍‌ ଶର୍ମା । ପରେ ପରେ ୧୯୭୯ ମସିହାରେ ଟେଷ୍ଟ ଡେବ୍ୟୁ କରିଥିଲେ ସେ । ୧୯୭୯ରୁ ୧୯୮୫ ମଧ୍ୟରେ ସେ ମୋଟ ୩୭ଟି ଟେଷ୍ଟ ଏବଂ ୪୨ଟି ଦିନିକିଆ ଖେଳିଥିଲେ ।
୧୯୭୮ ମସିହାରେ ମାତ୍ର ୨୪ ବର୍ଷ ବୟସରେ ପାକିସ୍ତାନ ବିପକ୍ଷରେ ଡେବ୍ୟୁ କରିଥିଲେ ୟଶପାଲ୍‌ ଶର୍ମା । ପରେ ପରେ ୧୯୭୯ ମସିହାରେ ଟେଷ୍ଟ ଡେବ୍ୟୁ କରିଥିଲେ ସେ । ୧୯୭୯ରୁ ୧୯୮୫ ମଧ୍ୟରେ ସେ ମୋଟ ୩୭ଟି ଟେଷ୍ଟ ଏବଂ ୪୨ଟି ଦିନିକିଆ ଖେଳିଥିଲେ ।
ଟେଷ୍ଟ ଫର୍ମାଟରେ ୨ଟି ଶତକ ଏବଂ ୯ଟି ଅର୍ଦ୍ଧଶତକ ମାରିଥିବା ୟଶପାଲ୍‌ ଶର୍ମା ମୋଟ ୧୬୦୬ ରନ୍ କରିଥିବା ବେଳେ ଦିନିକିଆରେ ୪ ଅର୍ଦ୍ଧଶତକ ସହିତ ୮୮୩ ରନ୍ କରିଥିଲେ । ବିଶ୍ବ ଜିତାଇବାରେ ବି ତାଙ୍କ ଭୂମିକା ବେଶ୍‌ ଗୁରୁତ୍ବପୂର୍ଣ୍ଣ ଥିଲା । ବିଶ୍ବରେ ସେ ୮ଟି ମ୍ୟାଚ ଖେଳି ୨୪୦ ରନ କରିଥିଲେ ।
୨୦୨୧ରେ ୟଶପାଲ ଶର୍ମାଙ୍କ ପରଲୋକ ଘଟିଥିଲା । କିନ୍ତୁ କ୍ରିକେଟ ଜଗତରେ ସେ ଛାଡିଯାଇଥିବା ଛାପ ଏବଂ ରେକର୍ଡ ଭାଙ୍ଗିବା ବେଶ୍‌ କଷ୍ଟକର । ।