Odisha Janamata : ଲଗାଣ ବର୍ଷାରେ ବିରାଟ ଆମ୍ବ ଗଛ ପଡ଼ି ବିଦ୍ୟୁତ ଖୁଣ୍ଟ ଭାଙ୍ଗିଲା |

ଲଗାଣ ବର୍ଷାରେ ବିରାଟ ଆମ୍ବ ଗଛ ପଡ଼ି ବିଦ୍ୟୁତ ଖୁଣ୍ଟ ଭାଙ୍ଗିଲା |

17-Jul-2026

ମାର୍ଦି ପଙ୍କା ଗ୍ରାମରେ ବିରାଟକାୟ ଆମ୍ୱ ଗଛ ପଡ଼ି ବିଦ୍ୟୁତ୍ ଖୁଣ୍ଟ ଭାଙ୍ଗିଲ, ଅଳ୍ପକେ ବର୍ତ୍ତିଲେ ଗ୍ରାମବାସୀ |

ଓଡିଶା ଜନ ମତବ୍ୟୁରୋ ,

ବର୍ତ୍ତମାନ ସାରା ରାଜ୍ୟରେ ଲଘୁଚାପ ଜନିତ ବର୍ଷା ଲାଗି ରହିଛି | ହେଲେ ଏହି ଲଘୁଚାପ ଜନିତ ବର୍ଷା ଯୋଗୁଁ ଶୁକ୍ରବାର ଦିନ ଗୋଟିଏ ବିରାଟକାୟ ଆମ୍ବଗଛ ମୂଳରୁ ଉପୁଡ଼ି ପଡ଼ିବା ଫଳରେ ଗୋଟିଏ ବିଦ୍ୟୁତ୍ ଖୁଣ୍ଟ ଭାଙ୍ଗି ଯାଇ ଥିବା ବେଳେ ପାଖରେ ଥିବା ଗୃହ ଗୁଡ଼ିକ ଅଳ୍ପକେ ବର୍ତ୍ତି ଯାଇଥିବା ବେଳେ କାହାର କିଛି କ୍ଷତି ହୋଇ ନଥିବା ଜଣା ପଡ଼ିଛି। ଏପରି ଏକ ଅଭାବନୀୟ ଘଟଣା ଦେଖିବାକୁ ମିଳିଛି କନ୍ଧମାଳ ଜିଲ୍ଲା ଦାରିଙ୍ଗବାଡି ବ୍ଲକ୍ ବ୍ରାହ୍ମଣୀଗାଁ ଥାନା ଅଞ୍ଚଳ ର ସରାମୁଳୀ ପଞ୍ଚାୟତ ଅନ୍ତର୍ଗତ ମାର୍ଦିପଙ୍କା ଗ୍ରାମରେ । ଦୀର୍ଘ ଦିନ ହେବ ଅଞ୍ଚଳ ରେ ଲଘୁଚାପ ଜନିତ ବର୍ଷା ଲାଗି ରହିଥିବା ବେଳେ କେଉଁଠି ଗଛ ପଡ଼ୁଛି ତ ଆଉ କେଉଁଠି ଘର କାନ୍ଥ ଭୁଶୁଡ଼ି ପଡୁଛି ଅନେକଙ୍କ ମନରେ ଭୟ ସଞ୍ଚାର ହେଉ ଥିବା ବେଳେ ହଟାତ୍ ଆଜି ସକାଳେ ମାର୍ଦିପଙ୍କା ଉପର ସାହି ରାସ୍ତା ପାର୍ଶ୍ୱରେ ଥିବା ଏକ ବିରାଟ ଆମ୍ବ ଗଛ ମୂଳରୁ ଉପାଡ଼ି ହୋଇ ପଡ଼ିଥିବା ସୂଚନା ମିଳିଛି I ଏଥିରେ କାହାର କୌଣସି କ୍ଷୟ କ୍ଷତି ହୋଇନଥିବା ବେଳେ ଗଛ ଡାଳ ବାଜି କେତେକ ଘରର ଆଜବେଷ୍ଟ ଭଙ୍ଗା ରୁଜା ହୋଇଛି ଏବଂ ବିଦ୍ୟୁତ୍ ଖୁଣ୍ଟକୁ ଗଛ ବାଜିବାରୁ ବିଦ୍ୟୁତ୍ ତାର ଛିଣ୍ଡିବା ସହ ଖୁଣ୍ଟି ଭାଙ୍ଗିଯାଇ ନଷ୍ଟ ହୋଇଥିବା ସୂଚନା ମିଳିଛି I ତେବେ ମାର୍ଦିପଙ୍କା ଉପର ସାହିରେ ବୁର୍ଚା ମୁଠାମାଝି , ଯାକୁବ ମୁଠାମାଝୀ, ପ୍ରମୋଦ ମୁଠାମାଝୀ, ସାବିତ୍ରୀ ମୁଠା ମାଝୀ, ଏମାନଙ୍କ ଘରର ଆଜବେଷ୍ଟ ଗୁଡ଼ିକ ଆଂଶିକ ଭାବେ ନଷ୍ଟ ହୋଇଥିବା ସୂଚନା ରହିଛି I ଏପରି ଦୁଃଖଦ ପରିସ୍ଥିତି ରେ ଖବର ପାଇ ଦାରିଙ୍ଗବାଡି ଅଗ୍ନିଶମ ବିଭାଗ ପକ୍ଷରୁ ଧବଳେଶ୍ବର ପ୍ରଧାନ ଙ୍କ ନେତୃତ୍ୱ ରେ ଆର୍ ଆଈ ସୁଜିତ୍ କୁମାର ଙ୍କ ସହ ଅଗ୍ନିଶମ ବାହିନୀ କର୍ମଚାରୀ ଘଟଣା ସ୍ଥଳରେ ପହଞ୍ଚି ଉକ୍ତ ଗଛ କାଟି ସଫା କରିଥିବା ବେଳେ ସରାମୁଳୀ ପଞ୍ଚାୟତ ପୂର୍ବତ୍ତନ ସରପଞ୍ଚ ଚନ୍ଦ୍ରଶେଖର ମୁଠାମାଝୀ ପହଞ୍ଚି ସ୍ଥିତି ସମୀକ୍ଷା କରି ଥିଲେ।