Odisha Janamata : କେନ୍ଦ୍ରୀୟ ବିଦ୍ୟାଳୟ, ଆଇଟି ବିପି ଖୋର୍ଦ୍ଧା ରେ ଉତ୍କଳ ଦିବସ ପାଳିତ |

କେନ୍ଦ୍ରୀୟ ବିଦ୍ୟାଳୟ, ଆଇଟି ବିପି ଖୋର୍ଦ୍ଧା ରେ ଉତ୍କଳ ଦିବସ ପାଳିତ |

01-Apr-2026

କେନ୍ଦ୍ରୀୟ ବିଦ୍ୟାଳୟ ଆଇଟିବିପି ଖୋର୍ଦ୍ଧା ରେ ଉତ୍କଳ ଦିବସ ପାଳନ

ଓଡିଶା ଜନମତ, ଖୋର୍ଦ୍ଧା, ଗୋପାଳ କୃଷ୍ଣ ପ୍ରଧାନ:--

କେନ୍ଦ୍ରୀୟ ବିଦ୍ୟାଳୟ ଆଇଟିବିପି ଖୋର୍ଦ୍ଧା ପରିସରରେ ଉତ୍କଳ ଦିବସ ପାଳିତ ହୋଇ ଯାଇଛି। ଉକ୍ତ କାର୍ଯ୍ୟକ୍ରମରେ ଶରତ ଚନ୍ଦ୍ର ରାଉତ ମୁଖ୍ୟବକ୍ତା,ଦୀପ୍ତି ରଞ୍ଜନ ମହାନ୍ତି, ପ୍ରକାଶ ଚନ୍ଦ୍ର ମୁଦୁଲି ଓ ଯୋଗ ଗୁରୁ ହରି ଚରଣ ଦାଶ ଅତିଥ୍‌ ଭାବରେ ଯୋଗ ଦାନ କରିଥିଲେ। ଅତିଥ୍‌ ମାନଙ୍କ ଦ୍ୱାରା ଦୀପ ପ୍ରଜ୍ବଳନ କରାଯାଇ କାର୍ଯ୍ୟକ୍ରମ ଆରମ୍ଭ କରାଯାଇଥିଲା । ଏହି ଅବସରେ ଶ୍ରୀଯୁକ୍ତ ରାଉତ ମାତୃଭାଷା ପ୍ରତି କିପରି ସମ୍ମାନ ଦିଆଯିବ ଭାଷଣ ମାଧ୍ଯମରେ ଛାତ୍ରଛାତ୍ରୀଙ୍କ ପ୍ରେରଣା ଦେଇଥିଲେ। ବିଦ୍ୟାଳୟର ଅଧ୍ୟକ୍ଷ ରବୀନ୍ଦ୍ର କୁମାର ଝାଙ୍କର ଉତ୍କଳ ଦିବସର ମାହାତ୍ମ୍ୟ ଓ ଛାତ୍ର ଛାତ୍ରୀ ମାନେ ନୁତନ ଶିକ୍ଷା ବର୍ଷରେ କିପରି ଦାୟିତ୍ୱବାନ ଓ ଶୃଙ୍ଖଳିତ ହେବେ ଉଦବୋଧନ ଦେଇଥିଲେ।ଛାତ୍ର ଛାତ୍ରୀମାନଙ୍କ ପାଇଁ ଓଡ଼ିଶା ସମ୍ବନ୍ଧୀୟ ସାଧାରଣ ପରୀକ୍ଷା କରାଯାଇ କୃତି ମାନଙ୍କୁ ପରସ୍କୃତ କରାଯାଇଥିଲା ।ବିଦ୍ୟାଳୟର ନୁତନ ଶିକ୍ଷାବର୍ଷ ଆରମ୍ଭ ହେଉଥ‌ିବାର ଯୋଗଦାନ ଦେଇଥ‌ିବା ନୂତନ ଶିକ୍ଷକ ଓ ଶିକ୍ଷୟିତ୍ରୀ ମାନଙ୍କୁ ସ୍ୱାଗତ ସମ୍ବର୍ଦ୍ଧନା ଦିଆଯାଇଥିଲା ।ରଚନାତ୍ମକ କୃତୀ ପ୍ରତିଯୋଗୀମାନଙ୍କୁ ଟ୍ରଫି ଓ ମାନପତ୍ର ଦ୍ୱାରା ପୂରସ୍କୃତ କରାଯାଇଥିଲା । ଉକ୍ତ କାର୍ଯ୍ୟକ୍ରମକୁ ଶିକ୍ଷକ ପ୍ରସନ୍ନ ଗୁରୁ ପରିଚାଳନା କରିଥିଲାବେଳେ ଶିକ୍ଷକ ଶିକ୍ଷୟତ୍ରୀ ପରମେଶ୍ବର ପାଣିଗ୍ରାହୀ,ଧନେଶ୍ବର ମହାପାତ୍ର,ସୁନୀତା ପାତ୍ର, ପ୍ରଜ୍ଞା ପାରମିତା ନାୟକ, ଶୁଭଲକ୍ଷ୍ମୀ ସେନାପତି,ପ୍ରଜ୍ଞା ପ୍ରତିଭା ଘୋଷ ସହଯୋଗ କରିଥିଲେ।ଅଭିଭାବକ ମାନେ ଉପସ୍ଥିତ ରହି ଶିକ୍ଷାର୍ଥୀମାନଙ୍କୁ ଉତ୍ସାହିତ କରିଥିଲେ। ରିପୋର୍ଟ -ଗୋପାଳ କୃଷ୍ଣ ପ୍ରଧାନ