Odisha Janamata : ବିଜେପିର ମଣ୍ଡଳ ପ୍ରଶକ୍ଷିଣ ଶିବିର ଉଦଘାଟିତ |

ବିଜେପିର ମଣ୍ଡଳ ପ୍ରଶକ୍ଷିଣ ଶିବିର ଉଦଘାଟିତ |

28-Mar-2026

ବିଜେପି ର ମଣ୍ଡଳ ପ୍ରଶିକ୍ଷଣ ଶିବିର ଉଦଘାଟିତ...

ଓଡିଶା ଜନମତ, ଖୋର୍ଦ୍ଧା, ଗୋପାଳ କୃଷ୍ଣ ପ୍ରଧାନ

ଭାରତୀୟ ଜନତା ପାର୍ଟିର ରାଷ୍ଟ୍ରୀୟ ନିଷ୍ପତି ଅନୁଯାୟୀ ସମଗ୍ର ଦେଶରେ କାର୍ଯ୍ୟକର୍ତାମାନଙ୍କୁ ପ୍ରଶିକ୍ଷଣ ଦିଆଯାଉଛି ! ଏହି ଅବସରରେ ଖୋର୍ଦ୍ଧା ବିଧାନସଭାର ମଧ୍ୟ ଖୋର୍ଦ୍ଧା ମଣ୍ଡଳର ଦୁଇଦିନିଆ ପ୍ରଶିକ୍ଷଣ ବର୍ଗ ସ୍ଥାନୀୟ କାଇପଦରଠାରେ ଉଦଘାଟିତ ହୋଇଛି ! "ପଣ୍ଡିତ ଦୀନଦୟାଲ ଉପାଧ୍ୟାୟ ପ୍ରଶିକ୍ଷଣ ମହା ଅଭିଯାନ" ନାମରେ ନାମିତ ଏହି ବର୍ଗକୁ ଜିଲ୍ଲାର ପୂର୍ବତନ ସଭାପତି ଶ୍ରୀ ରଶ୍ମିରଂଜନ ମହାପାତ୍ର ପ୍ରଦୀପ ପ୍ରଜ୍ଜଳନ କରି ଉଦଘାଟନ କରିଥିଲେ ! ମଣ୍ଡଳ ସଭାପତି ଶ୍ରୀ ରଂଜିତ ପାଟଶାଣୀଙ୍କ ଅଧ୍ୟକ୍ଷତାରେ ଆୟୋଜିତ ଉକ୍ତ ପ୍ରଶିକ୍ଷଣ ବର୍ଗରେ ଜାତୀୟ ପରିଷଦ ସଦସ୍ୟ ଶ୍ରୀ ଅଜୟ ମିଶ୍ର, ରାଜ୍ୟ ସମବାୟ ପ୍ରକୋଷ୍ଠର ସଂଯୋଜକ ଶ୍ରୀ ଶ୍ରୀରଞ୍ଜନ ମଙ୍ଗରାଜ, ଜିଲ୍ଲା ଉପସଭାପତି ପ୍ରଫୁଲ୍ଲ ଦଳାଇ, ପୂର୍ବତନ ମଣ୍ଡଳ ସଭାପତି ପ୍ରଦୀପ୍ତ ପାଣି ଓ ସାଂସଦ ପ୍ରତିନିଧି ତଥା ବର୍ଗ ପ୍ରମୁଖ ବିଭୂପ୍ରସାଦ ବଳିୟାରସିଂହ ଅତିଥିଭାବେ ଯୋଗଦେଇଥିଲେ ! ଦୁଇଦିନ ବ୍ୟାପି ଏହି ପ୍ରଶିକ୍ଷଣ ବର୍ଗରେ ୭ଗୋଟି ସୁତ୍ରରେ ପାର୍ଟି ଦ୍ୱାରା ସ୍ଥିରିକୃତ ବିଭିନ୍ନ ବିଷୟ ବିନ୍ଦୁ ଏବଂ ସଂଗଠନ ସଂରଚନା ଉପରେ ବକ୍ତାମନେ ଆଲୋକପାତ କରିବେ ! ମଣ୍ଡଳ ଅନ୍ତର୍ଗତ ୬ଗୋଟି ପଞ୍ଚାୟତର ପ୍ରମୁଖ, ୩୫ଗୋଟି ବୁଥର ସଭାପତି, ମଣ୍ଡଳରୁ ତଦୁର୍ଦ୍ଧ୍ୱ ପଦାଧିକାରୀ ଏବଂ ମଣ୍ଡଳ କମିଟିର ସମସ୍ତ ସଦସ୍ୟ ଏବଂ ସଦସ୍ୟାମନେ ଯୋଗଦେଇଥିଲେ....