Breaking
News
Breaking
News
Breaking
News
17-Mar-2026
ନବମ ଅଭିମୁଖୀକରଣ ମାସିକ କ୍ଲଷ୍ଟର ସ୍ତରୀୟ ବୈଠକ ଅନୁଷ୍ଠିତ
ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନ, ଗଂଜାମ, ଖଲ୍ଲିକୋଟ ପକ୍ଷରୁ ନବମ ଅଭିମୁଖୀକରଣ ମାସିକ କ୍ଲଷ୍ଟର ସ୍ତରୀୟ ବୈଠକ ପ୍ରତିଷ୍ଠାନର ସମ୍ମିଳନୀ କକ୍ଷରେ ଆନୁଷ୍ଠାନିକ ରୀତିରେ ଅନୁଷ୍ଠିତ ହୋଇଯାଇଛି । ସର୍ବ ପ୍ରଥମେ ଜଗତର ନାଥ ଶ୍ରୀଜଗନ୍ନାଥଙ୍କ ନିକଟରେ ପ୍ରତିଷ୍ଠାନର ଅଧ୍ୟକ୍ଷ ଡଃ ସନ୍ତୋଷ କୁମାର ପରିଡା ଭକ୍ତିପୂତ ପ୍ରଦୀପ ପ୍ରଜ୍ଜ୍ୱଳନ କରିଥିଲେ । ସି ଆର ସି ସି ରାଜେନ୍ଦ୍ର କୁମାର ବିଷୋୟୀ ଦୀପ ମନ୍ତ୍ର ଶ୍ଳୋକ ଉଚ୍ଚାରଣ କରିଥିଲେ । ଅନୁଷ୍ଠିତ ବୈଠକରେ ସମସ୍ତ ସି ଆର ସି ସି ଙ୍କୁ ସ୍ୱାଗତ ଅଭିନନ୍ଦନ ଜଣାଇଥିଲେ ପ୍ରତିଷ୍ଠାନର ଅଧ୍ୟକ୍ଷ ଡକ୍ଟର ସନ୍ତୋଷ କୁମାର ପରିଡା । ବିଗତ ଦିନରେ ସମାହିତ ହୋଇଥିବା ଆଠଗୋଟି ମାସିକ କ୍ଲଷ୍ଟର ସ୍ତରୀୟ ବୈଠକର ବିଦ୍ୟାଳୟ ସ୍ତରୀୟ ବିକାଶ, ଶିକ୍ଷକ ଶିକ୍ଷୟିତ୍ରୀଙ୍କ ସୁସମ୍ପର୍କ, ଶିକ୍ଷାରେ ଅଗ୍ରଗତି, ଶିକ୍ଷକ ଶିକ୍ଷାର୍ଥୀଙ୍କ ମଧ୍ୟରେ ବନ୍ଧୁତା ପୂର୍ଣ୍ଣ ବ୍ୟବହାର, ଶ୍ରେଣୀ ତଦାରଖ, ବିଦ୍ୟାଳୟ ଗୁଡ଼ିକରେ ବିଭିନ୍ନ ସୁବିଧା ସୁଯୋଗର ସଫଳ ରୂପାୟନ, ବିଦ୍ୟାଳୟ ପରିବେଶକୁ ସୁଧାରିବାରେ ଯତ୍ନବାନ ହେବା, ପ୍ରବେଶ ଉତ୍ସବରେ ସାମିଲ ହୋଇ ଖଡ଼ି ଛୁଆଁ କାର୍ଯ୍ୟକ୍ରମକୁ ଉଜ୍ଜୀବିତ ରଖିବା, ଦକ୍ଷତା ଅଭିବୃଦ୍ଧିରେ ମାସିକ କ୍ଲଷ୍ଟର ସ୍ତରୀୟ ବୈଠକର ଭୂମିକା ଆଦି ବହୁବିଧ ଦିଗ ସମ୍ପର୍କରେ ଅଧ୍ୟକ୍ଷ ଡକ୍ଟର ପରିଡା ଆଲୋକପାତ କରିଥିଲେ । ବରିଷ୍ଠ ପ୍ରଶିକ୍ଷକ ବିଷ୍ଣୁ ନାରାୟଣ ଜେନା ପ୍ରୋତ୍ସାହନମୂଳକ ବକ୍ତବ୍ୟ ପ୍ରଦାନ କରିଥିଲେ । ପ୍ରଶିକ୍ଷିକା ଲିପି ଶ୍ରୀ ଦେବୀ, ପ୍ରଜ୍ଞା ପାରମିତା, କଲ୍ୟାଣୀ କୁମାରୀ ଗୈ।ଡ, ଭାବିଲିତା ନାୟକ, ଅନୁପମା ଦାସ , ବବିତା ସିଂ ନାୟକ, ଜୟନ୍ତୀ ବେହେରାଙ୍କ ସମେତ ପ୍ରଶିକ୍ଷକ ସୁକୁଲେଇ ଟୁଡୁ ପ୍ରମୁଖ ପ୍ରଶିକ୍ଷଣରେ ସାମିଲ ଥିଲେ । ବିଭିନ୍ନ କ୍ଲଷ୍ଟରରୁ ଆସିଥିବା ସି ଆର ସି ସି ମାନେ ଗତ ଆଠମାସ ହେଲା ଅନୁଷ୍ଠିତ ହୋଇସାରିଥିବା ମାସିକ ବୈଠକକୁ ଡକ୍ୟୁମେଣ୍ଟେସନ କରି ଉପସ୍ଥାପନ କରିବା ସହିତ ପୋଷ୍ଟର ତିଆରି କରିଥିଲେ । ବରିଷ୍ଠ ସେକ୍ସନ ଅଧିକାରୀ ପ୍ରବେଶ କୁମାର ପଟ୍ଟନାୟକ, କନିଷ୍ଠ କିରାଣୀ ଆଶିଷ ରଞ୍ଜନ ସେଠୀ, ନିରୂପମା ପ୍ରଧାନ, ଜୟ ଶଙ୍କର ଗୈ।ଡ, ସୁକାନ୍ତି ସେଠୀ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ ।
ରିପୋର୍ଟ-
ଡକ୍ଟର ଦ୍ବାରିକାନାଥ ମହାରଣା
ଖଲ୍ଲିକୋଟ, ଗଂଜାମ
Copyright @ 2024 All rights reserved. ଓଡିଶା ଜନମତ
BACK TO TOP